دموع الندم

[نادم جدا]

أكتب هذا الموضوع و أنا فى شدة حزنى و تعاستى

السبب هو بعدى عن الله الذى جعل بالضرورة بعدى عن كل خير

ما أكتبه هو كلام صادق نابع من داخلى

انا الآن و نحن فى يوم 2-6-2012

و يتبقى من الأيام حوالى 17 يوما على أمتحان الفيزياء و لم أدرك من المادة سوى ما يقرب من 10 أو 15 %

أهتمامى دائما كان باللغة العربية و الأنجليزية و الأقتصاد و الأحصاء و ان قلت انى جيد جدا فيهم لن أكذب

و لكن الفيزياء - بوجه الخصوص - و الرياضيات أهملتهم كثيرا !!

ما سبب الأهمال ؟! عوامل كثيرة منها الأهتمام بالسياسة و الثورة الى حد ما و الفيس بوك و ما الى ذلك و عامل أساسى هو كرهى للمادة و كرهى لأستاذ الدرس الذى لم أفهم منه بالضرورة غير أول درس أو درسين فى كل " وحدة " و لا أهتم بالحضور باقى الوحدة لأنه يبدء الشرح بطريقة متخلفة لا أفهم منها شئ !

ماذا عن المراجعة ؟! كنت أحضر فى البداية " صنع كتاب ملئ بالأسئلة " و أشتريته , و لكن فى الدرس كان يحل الأسئلة الصعبة فقط و لم يتهم بالشرح أطلاقا مما جعلنى أترك الدرس للمذاكرة لوحدى .. و طبعا مذاكرتش حاجة تُذكر !

الآن ؟!
انا استطيع ان اراجع يوميا ساعة أو ساعتين فقط " لمواد العربى و الأنجليزى و الأقتصاد و الأحصاء " و يكفينى !

و يتبقى مادتين مقرفتين " الفيزياء و الرياضيات " أن أذاكرهما و أراجعهما و أراجع ليلة أمتحانهما فى حوالى
16 أو 17 يوما قبل الفيزياء و يوم أو يومين قبل كل فرع رياضيات !

هل من حل مُجدى " مفيد يعنى " ؟!

هل هناك أى طريقة معينة أذاكر بيها فى ال 16 يوما الفيزياء " و الرياضيات لو فى فائدة فى هذا القسم " بحيث أنى أقدر أحل فى الأمتحان بجد و أجيب درجة جيدة و ليس مجرد النجاح !! يعنى لما بمسك مثلا اى وحدة بحتار أذاكر " شرح الأستاذ و لا شرح أساتذة الأنترنت سواء كان فيديو أستاذ محمد عبد المعبود أو ملازم س أو ص من الأساتذة و لا مراجعة الأستاذ و لا اسئلة كتاب المدرسة و لا أسئلة دليل التقويم ولا أسئلة الثانوية العامة السابقة و لا اسئلة و مراجعات الأنترنت بأختلاف أساتذتها "

طبعا عارف ان اى حد ممكن يقول كنت فين من أول السنة و بتقعد تستهبل ليه طول السنة و جاى تعيط دلوقتى و الكلام ده .. اكيد معروف و سمعته كتير ! و فى النهاية ندمان .

ممكن حد تانى أستهدى بالله و صلى ركعتين و أقرأ سورة كذا و كذا ... و قوم ذاكر و ربنا معاك .. برده سمعت الكلام ده و عملت و بعمل بيه على قد م بقدر !

المطلوب فى النهاية اى حد يقدر يفدنى بحل عملى أمشى عليه فيما تبقى من أيام أو ساعات يا ريت ميبخلش عليا .. شكرا جزيلا !!

[محمد جمال البرنس]

ربنا معاك ... بص انت قدامك ثنان ايام و نصف بين الانجليزي و الفيزياء .. اول يوم ذاكر اول وحدة و حل عليها الجزء المخصص ليها من المئة سؤال في اخر كتاب و الوزارة بس تذاكر مذاكرة صح و تحل من غير ملل و هكذا حتي اليوم الخامس تكون قد انهيت المنهج بسلام و من اليوم السادس حتي الثامنة حل امتحانات مصر من 2005 ال 2011 دول اول و ثاني و تأكد يا خي انك اذا فعل ذلك سوف تحصل علي ال 50 باذن الله .. نعم ستبذل مجهود جباار و لكنك قادر علي فعل ذلك و تقرب اللي الله حتي يفتح الطريق امامك لفعل هذا و باذن الله تجيب فوق ال 48 لان الامتحان لن يخرج عن الامتحانات السابقة و كتاب الوزارة و ربنا يوفقق

[عاشق.الفيزياء]

انا عندي نفس المشكلة بتعتك تقريبا
بس مشكلتي انا اكبر بكتيييييييييييييييييييير
انا عملت كده مع كل المواد الا الفيزيا والرياضة يعني العكس
ودي طبعا اكبر بكتييير ومش عارف اعمل ايه

[محمد ناصر الصواف]

((أنا عند حسن ظن عبدى بى فإن ذكرنى فى ملأ ذكرته فى ملأ خير منه ...........))
أخى االعزيز ... أحسن الظن بالله و كن على ثقة أنه لن يخذلك أبدا
اعمل اللى عليك و سيب كل حاجه على ربك

((إنما الأعمال بالنيات و إنما لكل إمرء ما نوى فمن كانت هجرته الى الله و رسوله فهجرته الى الله ورسولة .....))
أخلص النية لله وحده ينجدك

خذ بالأسباب ذاكر كويس ما تسيبش حاجه من المنهج
*فى حاجه فى الاسلام إسمها الطى(البركة) يعنى لو أحسنت الظن و أخلصت النية ربنا هيساعدك ...تلاقى الحاجات اللى جايه فى الامتحان انت مذاكرها كويس

أما عن التنظيم فإذا كنت بدأت فربنا يعينك
أما إذا كنت لسة ما بدأتش
فقسم الفيزياء على الأيام الجاية بالتساوى و حل الامتحانات كويس وعلم على اللى انت بتغلط فيه و اقراه يوم الامتحان

استعين بالإخوة الثلاثة الصبر الالتزام المثابرة

أنصحك تسمع أمين محمود المصرى على روتانا مصرية أو تنزله من على النت