يا جماعه وزن السفينه الطافي

[assemgamal]

يا جماعه مش المفروض وزن السفينه الطافيه = الوزن الظاهري = صفر لان السفينه طافيييييييييييييه
وهو كاتب طافيه مش المفروض قصده الوزن الظاهري يا جماعه مش قصده الوزن في الهواء وهو الوزن F gs

[m7md abdo]

مش فاهم حاجة

[assemgamal]

هناك فرق بين وزن السفينه وبين وزن السفينه الطافيه وزن السفينه هو fgs ولكن وزن السفينه الطافيه هو الوز الظاهري وهو يساوي صفر لان السفينه في حاله اتزان او طافيه

[hishamahmed]

لا يا راجل
الوزن الظاهري ه وزن السفينة و معلقة في الهواء و هو طبعا مش صفر
وهو مطلبش كدة ده طلب وزن السفينة في الطافية=قوة دفع الماء عليها

[assemgamal]

الايام هتثبت

[assemgamal]

افتح كتاب الامتحان وهتعرف في حالات الطفو الاتزان الوزن الظاهري بكام كلمه طافيه ليها عبره مش هباء

[فلانتينو البوابة]

وزن ظاهرى ايه
يعنى هتكدب كل المنتدى والاساتذة اللى جوة وبرة حالينها كدة
دة طافى يعنى وزن الجسم =قوة الدفع =وزن السائل المزاح
الوزن الظاهرى فى حالة المغمور لفقط=وزن الجسم-قوة الدفع
ولنفرض جدلا اللى عايزة الوزن الظاهرى بزمتك لسه هتجيبى وزن الجسم يعنى كتلته ومواويل يستحيل يعملها فى امتحان
انا عارف قصدك انت مش مستوعب انك ممكن تحلها مباشرة وتقول يساوى قوة الدفع للاسف حبيت تصعبها على نفسك بشكل عكسى
كلمة طافية يعنى بيقولك عايز الوزن وهو طافى لانه ممكن انت تحاول تجيبه وهو مغمور ادى المشكلة

[assemgamal]

في البدايه يا ريت نتكلم باسلوب محترم ثانيا انا مكذبتش حد ثالثا لسه نموذج الاجابه مطلعش

[assemgamal]

وكلامي ينطبق عليه الفهم وليس الحفظ

[فلانتينو البوابة]

الايام تثبت

[احمد الرخاوى]

بلاش فتى وحياة ابوكم السؤال لا محتاج لف ولا دوران وزن السفينة بيساوى قوة الدفع

[MoHammed Youssef]

اولا انت كاتب غلط
انت كاتب وزن السفينة الطافى
ثانيا هو السؤال ما هو وزن السفينة الطافية
والوزن عمره ما يتغير ويساوي قوة الدفع

[DrMostafa2015]

بصراحة ممكن فعلا بصفر مع احترامنا للجميع و مع العلم انى عاملها تساوي قوة الدفع

احيي صاحب الموضوع فعلا

[osamatarkhan]

المدرسين قالو انها = قوة الدفع
غير قابلة للمناقشة

[mr abn]

السلام عليكم

ممكن افهمكم موضوع الوزن الظاهري

الموضوع كالآتي

نحضر جسم ونمسكه باليد ونغمره في الماء (وهو ممسوك باليد) ونتركه وفي لحظة ترك الجسم من اليد وهو في قلب السائل يوجد لدينا 3 احتمالات

الاحتمال الاول :-

اذا كانت قوة الدفع أكبر من وزن الجسم فان الوزن الظاهري موجود

(الوزن الظاهري اشارته سالبة)
وعليه يبدأ الدفع يتغلب علي قوة الجاذبية الارضية (الوزن ) ويبدأ الجسم في الحركة تدريجيا وعند وصول الجسم الي سطح السائل عنده تتساوي قوة الدفع مع الوزن وعليه الوزن الظاهري غير موجود اصبح يساوي صفر
لان الجسم اصبح متزن fb = fgs
بمعني ان الوزن الظاهري كان موجود في لحظة الحركة (عدم الاتزان )
ولكن الجسم عندما طفا اصبح متزن وعند الاتزان تكون
محصلة القوي لاعلي (الدفع ) = محصلة القوي لأسفل (الوزن الحقيقي فقط )

الاحتمال الثاني
اذا كان الدفع = الوزن الحقيقي لحظة ترك الجسم في باطن السائل فانه بذلك يكون متزن وعليه لا يتحرك الجسم لأعلي ولا الي اسفل لانه خلاص متزن

وعندها لا يوجد وزن ظاهري

الاحتمال الثالث
اذا كان وزن الجسم الحقيقي اكبر من قوة الدفع وعندها تبدأ الجاذبية بسحب الجسم لأسفل
فيتحرك الجسم لاسفل ويكون الوزن الظاهري موجود (الوزن الظاهري اشارته موجبة)
ملحوظة الجسم في هذه الحالة غير متزن لانك لو مثلا حركت قاع الاناء لاسفل (بفرض انه متحرك ) لسوف يهبط الجسم لاسفل لانه ببساطه غير متزن

خلاصة الموضوع

الوزن الظاهري يوجد فقط في المسائل التي يلامس فيها الجسم قاع الاناء فقط
وما يجليش واحد يستظرف ويقولي لا يا مستر حضرتك مش عارف حاجة
وهأقلوا ليه يا جميل فيقوللي ومسائل قوة الشد فيها وزن ظا هري وهو بيساوي قوة الشد
ها اقولوا انت ما فهمتش فيزياء لانك لو قطعت الخيط لسوف يهبط الجسم لاسفل وعليه يلامس قاع الاناء

اما مسائل الجسم المعلق بدون تأثير خارجي
او طافي بدون تأثير خارجي فلا يوجد فيها وزن ظاهري
واللي عنده اي تعليق اهلا به انا تحت امره ولكن بأسلوب الادب والاحترام