هو احنا مينفعش ندرس حاجه احنا بنحبها لازم ندرس الي ليه فرصة عمل افضل ؟

[h.s.m.s]

السلام عليكم
ممكن اسأل عن الاكاديمية البحريه و عن صيدلة فاروس او 6 اكتوبر
ايه الافضل الاكاديميه ام الصيدله
و لو الصيدلة فاروس ولا 6 اكتوبر ولا تنصحوني بايه
+
الاكاديمية في حد هنا اتخرج منها او يعرف حد خريج الاكاديميه ( نقل بحري )
و لقي شغل ولا لاء
اصل كل الناس بتقول ملهاش شغل و فرصة عمل مش مضمونه و كلام كتير
و كله بيقلي صيدله اقل ما فيها لو ملقتش شغل في شركة افتح صيدليه
انما الاكاديمية لو ملقيتش شغل في شركة هتقعد عاطل و بلا بلا بلا كلام اكيد كلكم بتسمعوه
انا احترت في امري و خلاص مبقتش قادر اختار فعلا
انا كنت من سنتين داخل الاكاديميه وش
من يومين بس قلبولي دماغي علي الصيدلة علشان الوظيفه و فرصة العمل

ممكن لو عاندك ولو كلمة واحده تفدني متبخلش عليا بيها
و لو عاندك كلمة تحبطني ياريت تراجع نفسك قبل ما تكتبها
و ياريت تفدوني في اسرع وقت
لاني خلاص دماغي هتنفجر من الحيرة و عدم القدرة علي الاختيار

لما باسأل عن الصيدلة قالولوي لازم تكون جايب فوق ال 85 علشان تاخد رخصه و مش هينفع تفتح صيدليه باسمك و لما بسأل عن شغل الصيدليه قالولي ما انت بردوا عليك خساير كتير كفايه الاكسباير الي الشركة بترجعلك منه 2% بس و كفايه ان البلد بقت كلها صيدليت و دي حقيقه بقي كل شبرين صيدليه

و الاكاديمية
لقيت واحد رادد في اجابات جوجل بيقله انا متخرج بقالي سنتين مش لاقي وظيفه و كل ما اروح شركة يقولولي شكرا استكفينا و مفيش وظايف و بيقول مينفعش حتي تسافر بره لانهم مش بيرضوا بالعرب علشان المناهج بتعتهم عقيمه و قديمه جدا و الاجهزه بتاعت الاكاديمية لسه بدائيه و بلا بلا بلا بلا بلا

انا عايز رائيكم ايه الافضل
و لو تعرف اي خريج من الاكاديمية و لقي شغل بسرعه او لو تعرف واحد اتخرج من الاكاديمية و عاطل بردوا قلي
مع العلم ان حوليا في مدينتي المفروض ان في ناس كتير اتخرجت من الاكاديمية بس لا اان بشفهم ولا عارف عنهم حاجه علشان مش في البلد معني كده انهم اشتغلوا و بيسفروا ؟!!!!!

في ناس كتير بتقلي لو هتدخل الاكاديميه لازم يكون معاك واسطه علشان تعينك بعد ما تخلص و انا مش مقتنع بالموضوع ده و معنديش واسطه


يا ريت متبخلش عليا بمعلومه


قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " لأَنْ أَمْشِيَ مَعَ أَخٍ لِي فِي حَاجَةٍ أَحَبُّ إِلَيَّ مِنْ أَنْ أَعْتَكِفَ شَهْرًا فِي مَسْجِدِي هَذَا ، وَمَنْ مَشَى مَعَ أَخِيهِ الْمُسْلِمِ فِي حَاجَةٍ حَتَّى يَقْضِيَهَا ثَبَّتَ اللَّهُ قَدَمَيْهِ يَوْمَ تَزُولُ الأَقْدَامُ "


شكرا مقدما

[titi1]

طيب خليكى معايا انت علمى رياضة ام علمى علوم ... لان انت بتقول صيدلة اذا انت تبقى علمى علوم لاكن بعدها بتقول الاكادمية البحرية وانا على حسب معلوماتى من السنة الى فاتت لانى كنت بسئل عليها علشان ادخلها كانت هندسة وقسم بحرى فقط ما اعتقد ان فية صيدلة فقلتى انت اية علمى اية الاول وانا اقولك الى انت عاوزة

[h.s.m.s]

انا علوم اه
بس الاكديميه فيها 3 اقسام
نقل بحري و ده لازم تكون دارس رياضه 1 و فزياء بتاخد علمي علوم و رياضه
و هندسه بحريه و دي يلزمها رياضه 1 2 و فزيا يعني بتاخد علمي رياضه بس
و نقل دولي ده بياخد ال 3 شعب علوم و رياضه و ادبي
و تقريبا النقل الدولي اخره جمارك علي ما اعتقد

[lolo cat]

والله انا مش عارفة اقولك حاجة بس ابن عمى هو واخوه فى الاكاديمية البحرية هندسةة واحد فى رابع والتانى رايخ تانية هندسة

[h.s.m.s]

مهي الهندسه البحريه فرصتها متاحه اكتر من النقل البحري بس انا كان نفسي ادخل نقل بحري بأي شكل طول عمري لحد ما جه الي قلبلي دماغي


يا رب

[titi1]

المشاركة الأصلية كتبت بواسطة h.s.m.s

انا علوم اه
بس الاكديميه فيها 3 اقسام
نقل بحري و ده لازم تكون دارس رياضه 1 و فزياء بتاخد علمي علوم و رياضه
و هندسه بحريه و دي يلزمها رياضه 1 2 و فزيا يعني بتاخد علمي رياضه بس
و نقل دولي ده بياخد ال 3 شعب علوم و رياضه و ادبي
و تقريبا النقل الدولي اخره جمارك علي ما اعتقد

تمام بصى الى هقولة ليكى اولا وقبل اى شىء مافى جامعة او اكادمية او معهد بتضمن لحد شغل لو بتضمن للخرجين بتوعها شغل دة استحالة لان الاولى ان الجماعة الامريكية تعمل كدة لان الطالب بيدفع 90 الف وبياخد شهادة اتمما دراسة من امريكا ومصر يعنى شهدتين يبقى الاول هما الى يشتغلوا

فالاكادمية مش هتديلك اعتماد انها تشغلك بعد ما تتخرج ... ثانيا دلوقتى انت شوف ميولك اية تحب تبقى نثل بحرى ولالا وشغل البحر حلو لاكن مش سهل فلو حابب البحر والنظام دة يبقى ادخلها واتهم شىء تدخل الى ليك ميول فيها لانك هتحبها وتبقى عاوز تتقدم فيها وبالتالى هيبقى ليك مستقبل فيها عن الكلية الى هتدخلها بدون حب

[h.s.m.s]

انا معاك في كل ده
بس الي بيتقالي انت لو طلعت من الصيدله ملقتش شغل في اي شركة افتح صيدليه و اقعد فيها
اما لو طلعت من الاكاديميه و ملقيتش شغل هتفضل عاطل لان معاكش اي سكه تانيه ؟!!!!!!!!

[h.s.m.s]

طيب انت بتقول انك كنت عايز تدخله
طب ايه الي منعك من دخول الاكاديميه ؟!

[titi1]

المشاركة الأصلية كتبت بواسطة h.s.m.s

انا معاك في كل ده
بس الي بيتقالي انت لو طلعت من الصيدله ملقتش شغل في اي شركة افتح صيدليه و اقعد فيها
اما لو طلعت من الاكاديميه و ملقيتش شغل هتفضل عاطل لان معاكش اي سكه تانيه ؟!!!!!!!!

فى الكلام دة شبة من الصح لان انت عندك تقريبا شيئين فى مصر فقط الى بتخرج تخصصات بحرى كلية هندسة ببرسعيد والاكادمية البحرية فانا لا اعلم هل عدد الطلبة فيهم بيكفى احتياجات السوق ويفيض ام لا فلو انت ليك رغبة او ليك ميول فى انك تبقى دكتور صيدلى يبقى توكل على الله وادخلها والاهم من دة كلة ان الشغل مكتوب ليك لانة ارزاق حتى لو دخلت هندسة ههه

[titi1]

المشاركة الأصلية كتبت بواسطة h.s.m.s

طيب انت بتقول انك كنت عايز تدخله
طب ايه الي منعك من دخول الاكاديميه ؟!

انا لو كنت هدخلها فكنت هندخلها هندسة بحرية لانى علمى رياضى لاكن بعد ما سئل وجد ان السعر صراحة غالى على انى ادخل فى السنة حوالى 60 الف جنيهة كل سنة فما وجدت السعر مناسب ليا ودخلت هندسة الجامعة الروسية قسم ميكاترونيكس والحمد الله على كل شى ء

[h.s.m.s]

طيب انا عندي مشكله
هو المنتدي هنا مفيهوش اي حد خالص كان خريج اكاديمية او درس فيها يجاوبني علي موضوع الشغل الي بالوسطه ده

و عموما
ايه الافضل
صيدلة فاروس ولا 6 اكتوبر
مش من حيث المعامل ولا من حيث المناهج
لا انا بسأل من نحية الوظيفه و المستقبل ايه الافضل بنهم

[titi1]

المشاركة الأصلية كتبت بواسطة h.s.m.s

طيب انا عندي مشكله
هو المنتدي هنا مفيهوش اي حد خالص كان خريج اكاديمية او درس فيها يجاوبني علي موضوع الشغل الي بالوسطه ده

و عموما
ايه الافضل
صيدلة فاروس ولا 6 اكتوبر
مش من حيث المعامل ولا من حيث المناهج
لا انا بسأل من نحية الوظيفه و المستقبل ايه الافضل بنهم

هقولك على شىء فى مجالى الهندسة انا اعرف ناس خارجة من معهد هندسة شغالة لان فى احسن الشركات وناس خارجة من الهندسة الجامعة الامريكية ومش شغالة

طبعا هتقولى ازاى هقولك الكل فى نظر صاحب الشغل واحد طالما معاك كارنية نقابة ومعاك خبرة

بالنسبة للصيدلة انت تشوف انهى كلية احسن فى التعليم علشان خبرتك تزيد مش الوظيفة لان مافى ملية معينة العين عليها وتوظف اسرع ... ارجوا اكون وضحت فكرتى