ارتفاع «المجاميع» يحرم 4 آلاف طالب حصلوا على 96% من الالتحاق بكليات الطبية

[طارق معروف]

ارتفاع «المجاميع» يحرم 4 آلاف طالب حصلوا على 96% من الالتحاق بكليات الطبية

كتب : توفيق شعبان , محمد خلف أمين وحسن صالحمنذ 39 دقيقة

2


طلاب واولياء امور امام مكتب التنسيق

أغلق مكتب تنسيق القبول بالجامعات والمعاهد العليا، أمس، موقعه الإلكترونى أمام طلاب المرحلة الأولى، لتقوم لجنة التنسيق العليا بتوزيع الطلاب على الكليات حسب مجموع الدرجات، ومن المنتظر أن يتم إعلان النتيجة غدا، وأكدت مصادر مسئولة داخل مكاتب التنسيق أن عدد الطلاب الذين تخلفوا عن التسجيل فى تلك المرحلة نحو 3 آلاف طالب وطالبة اتجه معظمهم إلى الجامعات الخاصة، فيما فضل بعضهم انتظار نتيجة تنسيق المرحلة الأولى للتسجيل فى المرحلة الثانية.
وأوضحت المصادر أنه سيتم التغاضى عن الطلاب المتخلفين والسماح لهم بدخول الكليات التى تتناسب مع درجاتهم بعد فتح باب التسجيل مرة ثانية.
وأشارت المصادر إلى أن كليات الطب البشرى والهندسة، والاقتصاد والعلوم السياسية والإعلام من الشعبة الأدبية على رأس قوائم رغبات تسجيل الطلاب.
وعلمت «الوطن» أنه من المتوقع قبول الطلاب بالكليات على النحو التالى: بالنسبة لشعبة علمى علوم 98٫8% لكلية الطب البشرى و98٫1% لكلية طب الأسنان و97٫2% لكلية الصيدلة و96٫8% للعلاج الطبيعى و96٫1% لكلية الطب البيطرى و95٫2% لكلية العلوم.
وبالنسبة للشعبة الأدبية 94٫2% لكلية الاقتصاد والعلوم السياسية بالنسبة للغة العربية و96٫3% للغة الإنجليزية و97% للغة الفرنسية و93٫8% لكلية الإعلام للغة العربية و96٫4% للغة الإنجليزية و91٫3% لكلية الألسن و89٫5% لكلية الآثار.
أما بالنسبة لشعبة علمى رياضة فمن المتوقع أن تكون نسبة القبول فى هندسة البترول 99٫4% والهندسة 95٫2% و94٫9% لكلية حاسبات ومعلومات، ومن المنتظر فتح باب التنسيق للمرحلة الثانية يوم الاثنين الموافق 30 يوليو.
كما أكد المصدر أن ارتفاع المجاميع سيحرم نحو 4 آلاف طالب حصلوا على 96% من الالتحاق بكليات القطاع الطبى و3 آلاف حصلوا على أكثر من 94% سيحرمون من دخول الهندسة.
وأكد الدكتور «أمين لطفى»، رئيس جامعة بنى سويف، أن أعمال التنسيق الإلكترونى للمرحلة الأولى بمكتب التنسيق بكليات جامعة بنى سويف انتهت أمس بقبول أوراق 2000 من المتقدمين من الطلبة والطالبات، موضحاً أن الجامعة ستقبل هذا العام 12 ألف طالب وطالبة، مشيرا إلى أن نتيجة المرحلة الأولى سيتم إعلانها مطلع الأسبوع المقبل.
فى الوقت ذاته طالب المئات من أولياء الأمور بتدخل وزير التعليم العالى، الدكتور محمد النشار، لحل أزمة التنسيق بكلية الفنون التطبيقية ببنها، حيث فوجىء الطلاب وأولياء الأمور ممن خاضوا اختبارات القدرات بالكلية بعدم وجود طابع التنسيق الخاص بالكلية فى المرحلة الأولى للتنسيق للعام الجامعى 2012-2013وأكد الدكتور ياسر سهيل، عميد الكلية، أنه تم إرسال خطاب عاجل للدكتور أشرف حاتم، أمين المجلس الأعلى للجامعات، لسرعة حل الأزمة وتصحيح الوضع وإدراج طابع التنسيق للكلية فى تنسيق القبول بالجامعات

[mahmoud ramdan]

من المحتمل ان يكون التنسيق

[Dr.Mohamed Attia]

الهندسة كدة هتكون عالية جدا ربنا يستر والتنسيق يكون اقل من كدة عشان اصحابى اللى تعبوا يعرفوا يدخلو كلياتهم وانا كمان

[waleed Dahy]

ألف شكر على الخبر وأرى النسب المعلنة يقترب كثير جدا مما يمكن أن تكون عليه النتيجة الفعلية للتنسيق

[bsamnabil]

لو تنسيق الهندسة كدة تبقى دى كارثة بجد

[حسن يونس .]

ده انتوا كده وزعلانين امال احنا اللي جاين من بره نعمل ايه انتوا مثلا عندكو الطب من 98 بياخدونا احنا من 99 بيعاملونا ولا كاننا مصرين وده طبعا عشان يضغطو علينا وندخل كليات خاصه حسبي الله ونعم الوكيل فيهم كلهم
يا رب كن معي ولا تكن علي يا رب

[frasha mlwena]

لو الخبر ده صحيح يبقي والله حرااااااااااااااااااااام
يعني احنا ايه ذنبنا انه نتظلم في التصحيح وكنت جايبه في تانيه 98
وبقيت في تالته 96.6 وع الكلام ده مش هلحص صيدله ولا حتي علاج طبيعي
وتكون اخرتي طب بيطري اللي عمري ما حلمت بيها
والله منهم لله

[مونى333]

دة كلام غير منطقى بالمرة و دة ارتفاع جنونى و ظم كبير اذاى امتحانات السنة الى فاتت كانت فى منتهى السهول و كان التنسيق معقول و السنادى بالنسبة لطلبة علمى رياضة و فى ظل صعوبة الامتحانات يبقى دة التنسيق دة تخريف جرايد............................................. ....و حسبى الله ونعم الوكيل

[حسن يونس .]

لو الكلام دا صح استعدوا لثورة ثورة

[just want heaven]

ياااا رب يكون الفعلي اقل من كده يااا رب

[حسن يونس .]

المشاركة الأصلية كتبت بواسطة just want heaven

ياااا رب يكون الفعلي اقل من كده يااا رب

لم يعد هناك اى داعى للتفاءل شكله هيبقى تنسيق يفوق الخيال

[845348546]

المشاركة الأصلية كتبت بواسطة hassan youness

ده انتوا كده وزعلانين امال احنا اللي جاين من بره نعمل ايه انتوا مثلا عندكو الطب من 98 بياخدونا احنا من 99 بيعاملونا ولا كاننا مصرين وده طبعا عشان يضغطو علينا وندخل كليات خاصه حسبي الله ونعم الوكيل فيهم كلهم
يا رب كن معي ولا تكن علي يا رب

انا جاي من الامارات .. و جايب 97 ... ربنا معانا !!

ياريت لو نعمل موضوع للناس اللي جايا من برة !!

[حسن يونس .]

المشاركة الأصلية كتبت بواسطة 845348546

انا جاي من الامارات .. و جايب 97 ... ربنا معانا !!

ياريت لو نعمل موضوع للناس اللي جايا من برة !!

ياعم كبر دماغك بلاتعليم عالى بلا زفت الواحد خلاص بيموت فى اليوم 100 مرة

[845348546]

المشاركة الأصلية كتبت بواسطة hassan youness

ياعم كبر دماغك بلاتعليم عالى بلا زفت الواحد خلاص بيموت فى اليوم 100 مرة

لا إله إلا الله !! واحدة واحدة يا عم مش مستهله و الله !! انا والله مقروف من ام البلد ديه و من اللي بيحصل فيها بس اعمل ايه يعني ؟!!

[فلانتينو البوابة]

اعتقد هى دى النتيجة الفعلية
مش تقولى طب 98.5 ده كلام غير مطابق للواقع واعداد الطلاب تماما