رساله اكتبها بدمى لطلبة طب القصر العينى

[the brutal storm]

السلام عليكم ورحمة الله وبركاته ...........انا لسه هدخل ان شاء الله طب القاهره ومن الشرقيه ومعرفش حد طبعا فى الكليه دى ونفسى لو الطلبه اللى فى الكليه دى او اللى لسه هتدخلها ان شاء الله نتفاعل ونتعاون مع بعض ونتصادق لانى حاسس انى هبقى وحيد هناك لما اروح ان شاء الله بس نفسى تساعدونى ونتعرف ونقرب من بعض عشان محسش بالغربه هناك ونفسى متستهروش بالموضوع وبجد انا خايف من الوحده هناك جدا وبعدين حطو نفسكو مكانى اكيد هتحسو الاحساس ده ولذا اتمنى من الطلبه دى اللى دخلت واللى لسه هتدخل ان شاء الله نتحدث كثيرا عبر البوابه والسلام عليكم ورحمة الله وبركاته وارجو ان تحملو الموضوع بجديه شويه [/]

[micheal abadeer]

هتروح وتتعرف من اول يوم

[rana salem]

لا حول ولا قوة الا بالله

[rana salem]

يعنى المفروض دكتور مستقبل
حاطط رقم تليفونه فى النت

[the matrex]

عشان حطيت رابط للصفحه الفيس اللي بتساعد طلبه اولي طب في القصر ( فرسان القصر ) جالي مخالفه
يلا مش مشكله
بس مش عارفه السبب مع ان انا اساسا واخده الرابط من علي الموقع هنا دكتور معين كتبه

[kazukait]

بلا غربة بلا خرف احمد ربنا انك دخلتها فى ناس كتير اتظلمت بسبب الغش فى المدارس الخاصة واللى رفع التنسيق وحسبى اللة ونعم الوكيل

طالب طب بيطرى الزقازيق 97.8

[user22]

معقولة مافيش حد من الشرقية معاك ؟ عموما لما تدخل الكلية في ظرف أسبوع واحد هتكوّن صداقات إن شاء الله ما تقلقش , في المراحل الدراسية السابقة ماكناش نعرف حد برده

[esraaegypt]

لو خايف من الغربة حول الزقازيق
لكن عامة بسهولة هتقدر تتكيف ان شاء الله

[رافت صبحي]

ليه العنوان رساله اكتبها بدمي ليييييييييييه وفالاخر المشكله انك ماتعرفش حد هناك ربنا معاك

[Highlevelmath2]

هو انت بتحب النكد كدا يابنى؟ من جلوكوز لدم. يابنى انت هتتعرف على الناس عادى مش مشكلة. و بعدين غربة ايه احمد ربنا انك لحقت طب.

[babagamil]

بصراحه يابروتال انت لو فضلت كده معلش انا اسف هتبقى دكتور فاشل ياريت يكون فيه ثقه فى نفسك اكتر من كده انا بكلمك زى اخويا

[the brutal storm]

ربنا يخليكو انا مش محبط بس عاوز اجذب انتباهكو لان ناس كتير بتكتب مواضيع زمحدش بيبصلها اصلا بس انا مش محبط والله وشكرا لكم