علوم ولا فنون جميله..ارجو الافاده

[ثائره]

السلام عليكم ورحمه الله وبركاته
انا بس عايزة حد يساعدنى
اول حاجة انا محتاره جدا ما بين علوم ولا فنون جميله
واقفه على مسافة متساويه من الاتنين ومش قادره اختار بينهم وخايفه اختار حاجة واندم عليها بعد كدا فعلا مش قادره اختار
حابه دراسة فنون جميله نفسها بس قلقانه جدا انى فى اسكندريه ملقيش فرص شغل ومش طموحى الحقيقه انى اخلص دراسه واقعد فى البيت عايزة حاجة شغلها مضمون
وفى نفس الوقت خايفة جدا من دراسه علوم وصعوبتها وان مفيش ا ى حد الا وقالى ان علوم صعبه ودراستها تقيله
محتاره جدا
وبختار بين حاجتين انا مش عارفاهم
حد يساعدنى


وفيه سؤال بالنسبه لعلوم قسم جولوجيا بترول انا كل اللى اعرفه انه بفلوس ومفيش اى مشكله فى كدا
هل القسم دة ليه شروط معينه انى اقبل فيه ؟
هل ليه فرص شغل كويسه هنا فى اسكندريه ؟
بدرس فية مواد اية ولاى حد هو صعب؟

ولكم جزيل الشكر

[mohamed-mohsen]

والله ما لازم تبصوا على الشغل من دلوقتى .............. دى حاجة بتاعة ربنا ..... بس اللى يفصل فى موضوع فنون ولا علوم ده انتى وعلى حسب ميولك

[كاره الثانويه]

بصي انا كان جايلي فنون جميله وحولت منها لكليه علوم عشان شوفت ان علوم فرص الشغل فيها اكبر بكتير وفيها اقسام كتيره متاحه ليا بس انا حولت عشان مكنتش حابب الرسم اوي اوي وحسيت اني ممكن ممشيش فيها كويس

اما علوم مستقبلها حلو فيها اقسام كتيره اما حكاية البترول ديه انا بصراحه في عين شمس بس القسم اللي قصدك عليه ده اسمه عندنا جيوفيزيا وفي فسم جولوجيا بردو بس القسم ده بيبقي مش شغله الاساسي في البترول يعني

وعلوم والله سهله وجميله بس بشرط للشخص اللي يذاكر شويه