مطالب المعلمون لن تنفذ والدليل موجود

[khaled1968]

للأسباب الآتية
1- فكروا جيدا من كام سنة والمعلمون صوتهم اتنبح ومن الذى استمع اليهم
2- الكل يتلاعب بالمعلمين من أيام مبارك الى الحلواتى
3- والأدهى والأمر اليوم عندما عرضت على المعلمين زمرئى فى المدرسة لعمل وقفة احتجاجية مع زملائهم يوم 10 / 9 لم أسمع إلا التريقة هو أنتم عاوزين ايه هى البلد ناقصة هو انتم بتشتغلوا ايه هو أنتم بتحللوا اللى انتم بتأخذوه وأحدهم يقول والله لو ماقبضت منا عامل مظاهرة والآخر يقول هو احنا كنا فين وبقينا فين وأقول لكم أن الذى اكرمه ربنا بالدروس اعتقد أن الدروس ستدوم له أو الذى سافر للسعودية وربنا أكلرمه نسى مايعانى منه أحيه
ولم انهى حديثى معهم الا بقولى للأسف ياخسارة التربية والتعليم مفيهاش ولا راجل
انا اسف مش كل العاملين لأن فيهم فعلا رجال يوزنوا بالدهب وفيهم ناس لاتزن ريشة

[seryo]

هى دى الحقيقه المره

المعلمون لا يتفقوا ابداً

سلبيون الى الابد +الفلاسفه =صفر

:bo syht9::028ja7 :
كل واحد فى وادى

[M.Hafiz]

و الله كلامك محترم و للاسف يمكن اضافة بعض الجمل اللي بيقولها بعض المدرسين مثل
هو انت عاملي فيها ثورجي - سيبوا البلد تمشي احنا عددنا كبير و ها يجبوا فلوس منين

[khaled1968]

ياإخوانى والله اقول لكم كلمة اليوم عرفت قدرها
أولا أنا حاصل على بكالوريوس تجارة جامعة الأسكندرية والحمد لله حصلت على كورسات فى الكمبيوتر والكترونيات وحصلت على شهادة الicdl , intel , mos ولعمل مدرس كمبيوتر ثانوى عام
الكلمة اللى عرفت قيمتها اليوم وتذكرتها جيدا هى أننى لما خدمت بالقوات المسلحة خدمت ضابط بالقوات المسلحة بسلاح اشارة دفاع جوى رادار وانذار دولة وحصلت مشادة بينى وبين مقدم تفتيش بسبب تناول عسكرى للافطار بغرفة الارسال وقال لى المقدم كلمة هو أنت لو اتوظفت وظيفة حكومية حتأخذ اللى أنت بتأخذه هنا وبكل فخر وعنطزة قلت له انا اشتغل ب100 جنيه برة أحسن من 2000 جنيه فى الجيش بس ياخسارة لم نكن نعرف الحياه برة سودة واليوم تذكرت كلمته والله عرضوا علينا الأكاديمية الحربية وأنا ملازم اول وياللخيبة الكبيرة من العنطزة بتاعت ابوية رفضت والله النهاردة لوعرضوا على عريف فى الجيش لن اتردد لما رأيته فى هذه الوزارة من قلة قيمة ومهانه ولا وضع مادى ولا وضع اجتماعى

[أحمد علي]

المشاركة الأصلية كتبت بواسطة khaled1968

ياإخوانى والله اقول لكم كلمة اليوم عرفت قدرها
أولا أنا حاصل على بكالوريوس تجارة جامعة الأسكندرية والحمد لله حصلت على كورسات فى الكمبيوتر والكترونيات وحصلت على شهادة الicdl , intel , mos ولعمل مدرس كمبيوتر ثانوى عام
الكلمة اللى عرفت قيمتها اليوم وتذكرتها جيدا هى أننى لما خدمت بالقوات المسلحة خدمت ضابط بالقوات المسلحة بسلاح اشارة دفاع جوى رادار وانذار دولة وحصلت مشادة بينى وبين مقدم تفتيش بسبب تناول عسكرى للافطار بغرفة الارسال وقال لى المقدم كلمة هو أنت لو اتوظفت وظيفة حكومية حتأخذ اللى أنت بتأخذه هنا وبكل فخر وعنطزة قلت له انا اشتغل ب100 جنيه برة أحسن من 2000 جنيه فى الجيش بس ياخسارة لم نكن نعرف الحياه برة سودة واليوم تذكرت كلمته والله عرضوا علينا الأكاديمية الحربية وأنا ملازم اول وياللخيبة الكبيرة من العنطزة بتاعت ابوية رفضت والله النهاردة لوعرضوا على عريف فى الجيش لن اتردد لما رأيته فى هذه الوزارة من قلة قيمة ومهانه ولا وضع مادى ولا وضع اجتماعى

ان شاء الله الأحوال تتحسن
وندعو الله ان يستجيب وزير المالية لمطالب المعلمين

[العقل المدبر]

يا استاذ خالد


السلبيون في كل مكان و كل مجال ............ و هم جزء من المنظومة


خلي عندك همة و اتكلم كمان و كمان و ممكن تريقة السلبيين هي اللي تكون السبب في نجاح المليونية