رسالة هامة لكل معلم ( خدعوك فقالوا )

[الفيلسوف]

دخلت قسم معملى الأزهر لاقيت الكل بيدافع بشكل رهيب عن مرسى ويقول نعطيهم فرصة
قلت أدخل هنا ألاقى ناس بتقول فرصة؟؟
يعنى المعلم يصبر على الوزير ومرسى سنتين تلاثتة ومش مهم ياكل ؟
يا ناس اتقوا الله المعلم مهان مهان لأبعد حد فى مصر - بجد حرام

[stroke]

سعاد عايزه تقول ان اللى بيطالب بحقوقه دلوقتى فلول .... لا طبعا احنا مش فلول احنا مدرسين غلابه مش لاقيين لقمة العيش ... اتقى الله ياسعاد انتى وكل اخوانى عايز يضيع حقوقنا

[أ/رضا عطيه]

المشاركة الأصلية كتبت بواسطة soaad-532

وزير التربية والتعليم رجل صادق ويسعى بأقصى جهده لرفع المستوى المادى للمعلم وهناك طموحات لمساواة المعلم بدكتور الجامعة
اعطوا فرصة للوزارةالجديدة أن تعمل
ايام المخلوع كانت فلوس البلدبتتنهب ليه ولعصابته وصبيانهم أمن الدولة
ولكن بكل صدق والله ربنا كرمنا بهذا الرئيس الشريف
اصبروافى أقل من اسبوع سيفرح الجميع
ولا تسمع للموالين للنظام القديم المندسين لعرقلة مسيرة التقدم

نفسى أشوف لك مشاركة واحده دون تخوين وإهانة لغيرك

قلنا قبل كده

كان فيه لصوص بتسرق نصف ميزانية الدولة

وهذه العصابة فى السجون الأن

يعنى بالبلدى كدا

النصف اللى كان بيتسرق لم يعد يسرق

يبقى من حق الكل وأولهم المعلم الذى هضم حقه من عقود أن يقدر ماديا ومعنويا

إلا إذا كان قد تم استبدال لصوص الماضى بلصوص جدد

ولو لازال هناك من يستبيح المال العام - فمن نحاسبة الأن ؟

أليس رئيس الجمهورية وحكومته

عند الحوار عن حق المعلم

إرموا السياسة وانحيازتكم السياسية فى أى بلاعة

نحن نتحدث فى حقوق اجتماعية من باب العدالة الإجتماعية

وطالما لازال هناك مدير بنك يتقاضى 2مليون شهريا وأقل مرتب لعامل فى البنك 3000جنيه

وشباب المعلمين منهم من يتقاضى 111جنيه وأفضل مرتب لهم لايتجاوز600جنيه

على زملائنا المتحيزون والمدافعون من باب السياسة للإخوان



أنصحهم --- قليل من الحياء والرحمة بزملاء لكم وفى مقتبل الحياة والكفاح



شكرا جزيلا

[عوض محمد حسن]

رجعنا لعصر مبارك مرة اخرىولكن بطريقة جديدة وثوب جديد انا انتخبت في مجلس الشعب اخوان وسلفيين والرئاسة د:عبد المنعم ثم د: مرسي وعجبت من تصريحات حلواني اخوان انه يتكلم بنفس الاسلوب ويتفس الطريقة القديمة القذرة وهي اجبلكم من اين البلد مش مستحمله خالص نصبر كمان سبحان الله انت جئت نقيبا للمعلمين لكي تقول ما يقولونه وتردد مطالبهم وتقف بجوارهم ليأخذوا حقوقهم واكيد انت تعرفها اكثر منهم ولكن اول مطلب هو اقالة نقيب المعلمين الاخواني الصنع ويتقرب للرئيس علشان كرسى اكبر والظاهر انه لسه عابش في الوهم وموعدنا قريب الانتخابات البرلمانية قادمة وسنرى ونوريكم من هم المعلمين الشرفاء

[عوض محمد حسن]

من العجب العجيب ان ترى زميلك ويعرف كل ظروفك وبفكر في نفسه ولم يرى الا مصلحة نفسه حسبى الله ونعم الوكيل اضراينا يوم العاشر من سبتمبر ثورة المعلمين الشرفاء اللي حقهم ضيعه ميارك وامثالة جميع المعلمين في كل دول العالم مرتحين ماديا وادبيا ونفسيا الا معلم مصر الفقير الى الله هو والله الفقر مش عيب بس الظلم هو العيب نفسه والساكت عن حقه شيطان ولازم ناخذ حقوقنا باي طريقة وربنا المستعان

[على منان]

ا/ سعاد من أين تعرفين ان الوزير صادق ؟ ولماذا أنت ضد المعلمين ؟؟؟