حقوق المعلمين

[omda2008]

[هويدااحمد76]

لما يجي سعر المياه والنور ضعفين السعر
لما سعر الرز 8 جنيه والطماطم 8 جنيه
لما داخلة على الاسبوع الثالث من غير انابيب .(والدعم هيتشال ) كمان
لما انتخب الريس مرسي ومنتظرة منة انه يطلع يقول والله يا جماعه فى حلول وكلة هيبقا تمام ودي فترة مؤقتة
يقوم يتكلم عن الانجاز فى انخفاض سعر المانجا وهيزرع قمح بأذن الله
...وتاني يوم يطلع هشام قنديل يقول تكلفة الانبوبة 80 جنيه وانتوا بتاخدوها ب 3.50 ..احنا هنشيل الدعم عنها وعن الطاقة كلها ..مع اني والله عمري ما خدتها ب 3.5 دي من يجي 10 سنين فاتوا
لما سواق المكروباص ياخد ضعف اجرتة ..وكل دا والمرتب زي ما هو
ويجي واحد شايف اني من ضمن الاجندة وضد الاسلام ياعيني مع إن الريس مش رمز الاسلام يعني ..والادهي اني عطيت صوتي ليه
يقول اصلكم أجندة
طيب ساعدتك ونبي ابعتلي انبوبة من عندكم ونص مرتبك علشان اقف جنب منك واقول على الناس التانين محدودين الدخل والمتضررين الي بيشتكوا انهم شريرين ووحشين ...
لان انا فاكرة اني ثورت على مبارك لعدة اسباب اولها اني معنديش حاجة اخسارة وثانيها ان فى ناس بتموت من الجوع وانا قربت ابقا منهم أأأأة كمان علشان اشاور على الناس الي بتتظاهر واقول بيخربوا البلد وطلبات فئاوية
أبسط حقوقي اليِ ممكن اطالب بيها علشان اعيش مثل البشر واضعف حقوقي يترد عليا بيها كذب ...دا على اساس ان بقيت الشعب كذاب ولا الامر اختلف عن اتباع مباركــ كانوا بيقولوا كدة براضو
هجومي ملوش علاقة بأن مرسي اخوان ولو كنت بكرهم مكنتش عطيته من الاساس
انا اديته ظناً مني ان الحال هيبقا افضل ..مش نرجع لورة واقول افضل علشان محدش يتهمني بالهرتلة اليِ بتتقال ..الفكرة الحلوة افضل اوهم نفسك ..بس فى النهايه مصر فوق الجميع ..وانا للنهاية هقضل اقول ..الحقيقة واني مش هتنازل عن حقوقي ولو تطلب الامر الاف الثورات

[khaled1968]

فوضنا الآمر الى الله

والله يارب اخترنا الاخوان ظنا منا انهم يراعونك فى العدل بين الناس ولكن للاسف

مع اننى والله اتبع جماعة الله ورسوله وصحابة رسول الله صلى الله عليه وسلم الذين لم يفرقوا بين حاكم ومحكوم فى الحقوق والعدل
واليوم الظلم بين جهارا نهارا لايردهم شىء لادين ولا عدالة السماء ولا اى شىء وحسبنا الله ونعم الوكيل يرددها كل مظلوم واسرهم واولادهم على الظلم وضياع الحقوق فى ظل من ادعى الحرية والعدالة