مرتب شهر ديسمبر فى إدارة بيلا

[بيبو محمد أحمد]

أخوانى الأعزاء السلام عليكم ورحمة الله وبركاته مرتب شهر ديسمبر فى إدارة بيلا هيتم الخصم منه ليصبح 658 جنيه بدلا من 704وسوف يتم صرف 100% للشهور الثلاثة السابقة من الأساسى القديم 219 جنيه يعنى 300جنيه ولى سؤال نفسى حد يجاوبنى عليه بمنطق صحيح لماذا ممرتبات التربية والتعليم فى النازل وباقى المصالح الحكومية فى الطالع ؟ على فكرة المرتب ده هو إللى الصراف عمله عندنا فى المدرسة للأسف .

[الأستاذ علاء سليمان]

مبروك على المرتب
كويس انه لسيه موجود

[mfa1]

ولى سؤال نفسى حد يجاوبنى عليه بمنطق صحيح لماذا ممرتبات التربية والتعليم فى النازل وباقى المصالح الحكومية فى الطالع ؟

عشان الدولة بتخاف و مبتختشيش

[علاء ابواسماعيل]

عليك العوض

[gamalka]

ربنا يستر وتلاقي المرتب الشهر الجاي !!!!

[elbass]

كان فى غلطة فى مفردات مرتب جميع الادارات ما عدا بلطيم ودسوق بناء على شكوى معلمى بلطيم للمطالبة بالمساواة ببالزيادة او النقص تم اكتشاف الخطاء وتصحيحةو الجمبع بقبض 658 جنية الان

[عبد العليم زين]

السلام عليكم
فعلا رأيت مفردات مرتب شهر 12 مع أحد الزملاء وهو 658 للمعلم تعيين 1/3 , 1/7 ومن حصل على الكادر الغريب ان المعلم المثبت الذى لم يدخل الكادر مرتبه 654 و بعضهم 637
. مرتب المعلم أبو كادر 50% = 658
أما مرتب المعلم المثبت بلا كادر = 654
إذا الكادر 50% = 4 جنيهات كثير جدا جدا
المعلم المساعد لما يمتحن الكادر ياخد 50% = 100جنيه فيصبح مرتبه 654+ 100= 754 جنيه وعندما يضاف له 50% بتاعت رئيس الجمهورية = 100جنيه يصبح مرتبه 754 + 100 = 854 جنيه
أما نحن المعلمين الجدد تعيين 1/3 و 1/7 لما تنضاف ال50 % بتاعت الرئيس
658 + 100 = 758
أي أن المعلم المساعد مرتبه أعلى من المعلم بما يساوى 100جنيه ..... هى الدنيا ماشية بالمقلوب
أتمنى الخير للمعلم و للمعلم المساعد و لكن يبدو أن الحكومة تريد معاقبة المعلمين الجدد لأنهم أول من طالبوا بحقهم فى التعيين بعد الثورة مباشرة

[السيد2011]

كلامك صح ملرتب المعلم المساعد في دمياط اكبر من المعلم المثبت تعيين 1/3/2011

[Tech4fym]

ياجماعة انا كنت معلم مساعد تعاقد 2009 ومرتبى فى شهر اكتوبر 2012 ( 666 جنية ) وبعد كده جالى التعيين وبقيت معلم لقيت مرتبى فى نوفمبر 2012 اصبح (559 جنية) ولما سألت قالولى فى الحسابات كله كده لما تتحول من معلم مساعد لمعلم المرتب بيقل تخيلوا إن الواحد المفروض يفرح علشان اصبح معلم او تحول من معلم مساعد لمعلم فجأه يلاقى نفسة زعلان علشان المرتب اصبح أقل من الشهور السابقه اللى كان فيها معلم مساعد .

[علاء التلاوى]

مممكن عشان المعلم المساعد سة 2008 كا بياخد 174

[سمر سيتى]

احنا فى اسكندريه مرتبا 646

[ايهاب العراقى]

هههههههههههههههههههههههههه

يعنى شكوى بتوع بلطيم عملت فينا كده يروحوا ينزلوا مرتباتنا بدل ما يطلعوها

[فارس العقبى]

يعنى انتا عايز تبقى فى مرتبة الانبياء وتقبض فلوس كمان
احنا نموت بقى كفاية علينا كدة
نوكل ولادنا تراب ولا نشوف شغلانة فى المعمار

[ميدو258]

يا اهل الخير الاختلاف فى المرتبات بين الادارات صحيح ووارد وليس عليه اختلاف اولا لما كنتم معلم مساعد كان اساسك غير المعلم المساعد اليوم دا من ناحيه من الناحية التانية ان حضراتكم لما بتتثبتوا بيتم خصم نقابة وزماله وماعشات يعنى الراتب لازم يقل اما المعلم المساعد فثابت هذ للتوضيح وشكرا

[magedAhmed_00]

يا جماعة الخير انا لى زميل امتحن الكادر واتعين 1-8 -2012 و مرتبة نقص وبقى 558 والله على ما اقول شهيد
اتمنى لهم الخير