انا قريت ده وعجبنى اوووووى

[* حمادة العربى *]

الواد ابنى ..........تاعبنى !
الواد ابنى بقى خم نوم لازم ازقه عشان يقوم
ويقولى يابا مش ح تفرق لو يضيع م العمر يوم
مابقاش عاجبنى منظره شكلى انا وامه معكره
اجى اعاقبه وافكره بيحملنى كل الهموم
ويقولى ليه خلفتنى وغلطت ليه وعلمتنى
انا لو حديد لازم اتنى ويقوم يقطع فى الهدوم
وكل همه شات وبت وبيلاقيها مدام فى النت
من كتر نومه خايف يعت ونص عمره يعدى نوم
ويقولى يابا شعرى شاب وضاع منى عز الشباب
حتى تنعل الجزمة داب من كتر لفى كل يوم
وكل يوم نفس العذاب وعيشتى اصعب من الكلاب
امتى اشوف للعدل ناب سيبنى انام ميت الف يوم
واشده وارميه فى حضنى يصرخ يقول يارب خدنى
وانا قلبى مش جايبنى وازاى يارب ح يجينى نوم
ويقولى نفسى اعيش حلال والتعليم كله ف زوال
ولما اجيب بالعلم مال ما يكفنيش انا والعيال
الواد ابنى بقى خم نوم لازم ازقه عشان يقوم



ارجو انه ينال اعجابكم

[الأستاذة ام فيصل]

اختيار موفق
شكرا

[وللحياة بقية]

جميل يا حمادة

[نحلة المنتدى]

رووووووووووووووووووووووووعه يا حماده
تسلم ايدك

[* حمادة العربى *]

شكرا لمروركم

[age dreem]

عجبنا لان ديه الحقيقة المرة الحمد لله على كل حال