مفاجأة: الاقتصاد المصري الأول أفريقيا والثالث عربيا

[seryo]

البلد بخير لو تركنا الحكومه تعمل فى هدوء ونبطل الاضرابات والمظاهرات
الا ستثمار ح يرجع والسياحه تزدهر وعجلة الانتاج تدور
لكن طول ما فيها جبهة الخراب اللى مشى بمبدء يافيها يا خفيها قول على مصر السلام

[المصري أشرف]

المشاركة الأصلية كتبت بواسطة nogah177

ممكن سؤال : من كل اللى علق فوق و طبعا معروف مشاركاتهم
ايه هو اقتصاد الدولة ؟
يعنى عرفهولى بس
ملاحظة : احنا كنا عايشين وواعيين و فاهمين من ايام مبارك و لغاية دلوقتى منمناش فى وسط السكة و لا حاجة و سمعنا كتير لما دماغنا اتشرخت ان م انجازات الجنزورى ايام ما كان الاخوان فى مجلس الشعب بيهاجموه و عايزين يغيروه ان اهم انجازاته ان الاحتياطى النقدى بقى 15 مليار و 530 مليون دولار !!!
طيب ما هو دلوقتى 15 مليار و 100 مليون اشمعنى دلوقتى الفلس ظهر .....
و بعدين الاسعار فى الفترة دى من السنة زى الاسعار من نفس الفترة السنة اللى فاتت .... افتكروا ان احنا كنا موجودين برده

==============================
سؤالك بسيط ... والإجابة أبسط ... مابين عهد حكومة الجنزوري ... الأستاذ .... وحكومة قنديل
سعر الدولار كان .... 603 قرش لفترة أكثر من 5 شهور .... ثم إرتفع بجنون إلي ...... 605 قرش
أما الأن فحدث ولاحرج ... 650 في البنك ,, 685 في السوق السودة ... مش عارف هي السوق
السودة ولا حياتنا إللي بقت ...............

[أ / طارق عتمان]

المشاركة الأصلية كتبت بواسطة بركان الغضب2

يا أخى هل تعرف معنى انتشار مثل هذه الأخبار وأن الاقتصاد معاف وقوى ؟

يعنى الملايين بكرة الصبح على رصيف مجلس الوزراء يطالبون بمطالب فئوية

وهيجيب منين قنديل ؟؟؟؟؟؟

فهل ياترى حينئذ

نعتبر هذه الصحف تخدم مصر ؟

مازلنا نعيش فترة التخوين وسوء الظن
من أين يفهم أن الاقتصاد معافي وقوي ليترتب علي ذلك ما ذكرته حضرتك ؟؟؟ والمقال جاء به


أن مصر تمر بأزمة مالية فى هذا التوقيت، مضيفا أنه هناك عدة حلول للخروج من هذه الأزمة سريعًا، مطالبًا المصريين بأن يتكاتفوا حتى تستطيع مصر أن تعبر الأزمة.



يا أخى معظم من يعارض الإخوان إلا أنهم سابحون فى طموحاتهم وتاركين الأهم وهو الاقتصاد

ومايفعله كل العقلاء والوطنيين إلا دفعا لهم ليثبتوا الوطن أولا ثم حين يكون هناك وطن له ريادة فى كل المجالات

نرجو أن تكون تلك المعارضة بناءة مصاحبة بالحلول والبدائل خاصة والأمر كما ذكرت حضرتك المركب واحد أما أن تكون معارضة لمجرد المعارضة دون حلول لنعود في كل مرة إلي مربع الصفر ؟؟؟ فهل هذه معارضة ؟؟؟



ربنا يهدينا ويهديهم فالمركب واحد
اللهم آمين

شكرا جزيلا

بصراحة الموضوع جميل به حلول لا بأس بها ويبعث الأمل مع العمل .
من أراد أن يزيد من تلك الحلول فليفعل ومن أراد تعديلها عن علم وتقديم المقترحات فلا بأس
أما تلك النظرة التشاؤمية فإنها تهدم أكثر مما تبني
وطبعا لا أقصد الغرق في الأحلام
فلنكن متوازنين أملنا في الله وحسن الظن به ثم الأخذ بالاسباب والعمل كما يقول المثل
" أن تضئ شمعة خير من أن تلعن الظلام ألف لعنة "
وهذا هو غاية ما يقدر عليه الانسان والباقي ليس من أمرنا والله المستعان

[أ/رضا عطيه]

تخوين إيه بس يا استاذنا

هو ليه الكلام الكبير ده

ماتشوف العنوان بيقول إيه ؟

وشوف الداخل بيقول إيه ؟

أنا كعادتى أقرأ الخبر قبل التعليق

لما ألاقى العنوان بيرفع للسما والتعليق يحلل

وفى صحيفة المصريون

يبقى لازم فيه كلام

وبعدين هو حرام نقف فى الواقع الحقيقى والذى يمسنا فى حياتنا

هو لما الدولة تفرض الضرائب على الكل قادرين وغير قادرين

وتأخذ من حصة الدعم والأجور لتغطى حصة الديون والقروض

وييجى خبير كان من كان ليقول أن الاقتصاد فللى بس مصر فى كبوة

طب بالله عليك --- هل تصدق ؟

الأمر الواقع يفرض على الشعب ليتحمل كل فرد مسئوليته

يفرض دون تجميل ومدح طويل ثم يأتى بعده الكلمة المرعبة (لكن )

اختبروا الشعب مرة بعيدا عن الانتخابات والاستفتاءات

ستجدوهم رجال لكل المواقف

وبلاش سياسة التنويم المغناطيسى

وتحليلات الخبراء

فمصر ليست هى الدولة الأولى التى قامت فيها ثورة ولابد أن يتبعها هذا الانهيار

لم يعد لدينا سوى مورد واحد وهى قناة السويس

القطن ويباع للمنجدين

والسياحة فى الضياع

والمواصلات محتاجة أضعاف ماتوفره لتجديد نفسها

وغيره وغيره

هو احنا هنضحك على نفسنا لحد إمتى ؟

ياريت من يعلق على كلامى يستعيذ بالله أولا من الشيطان الرجيم

لأنه يصور له أشياء غير حقيقية تماما تجعله يظن ظن سىء فى الكلام حتى قبل أن يعلق

فأنا أحلل على قدى بصفتى المتضرر الأول من هذه السياسات

ربما البعض لديهم تأشيرة مغادرة ولايهمه من الأمر إلا القليل -- راجت فأهلا -- خربت فالوطن الثانى فاتح ذراعيه

---- لكن احنا هنغادر نروح فين ؟؟؟؟

لاحول ولاقوة إلا بالله

شكرا أستاذ طارق

[ابونرمين]

من يتحدث فعليه بالهدوء،لا يتعصب فيثور ؟؟؟ولا يفتى فيترنح،كلنا لا نعرف فى الإقتصاد سوى القشور،ولا نعرف فى الإستثمار إلا أسماء بعض رجال الأعمال،ولا نعرف من أسرار الدولة شيئا،وهذا ليس عيبا،ولكن العيب كل العيب ألا نسمع للمتخصصين،،ونحترم ما يقولون،حتى يثبت عكس قولهم فيحاسبون،،إنما نطيح بالرأى،ونلقى بالكلمة ولا نفقهُ شيئا فى علوم الإقتصاد ،فتلك هى اللطمة والطامة؟؟؟؟؟؟؟؟؟؟؟؟؟

[أ/رضا عطيه]

المشاركة الأصلية كتبت بواسطة ابونرمين

من يتحدث فعليه بالهدوء،لا يتعصب فيثور ؟؟؟ولا يفتى فيترنح،كلنا لا نعرف فى الإقتصاد سوى القشور،ولا نعرف فى الإستثمار إلا أسماء بعض رجال الأعمال،ولا نعرف من أسرار الدولة شيئا،وهذا ليس عيبا،ولكن العيب كل العيب ألا نسمع للمتخصصين،،ونحترم ما يقولون،حتى يثبت عكس قولهم فيحاسبون،،إنما نطيح بالرأى،ونلقى بالكلمة ولا نفقهُ شيئا فى علوم الإقتصاد ،فتلك هى اللطمة والطامة؟؟؟؟؟؟؟؟؟؟؟؟؟

اتكلم عن نفسك فقط فأنت أدرى بنفسك

ويبدو أنك دخلت هنا مضطرا

لان تعليقاتك التى تأخذ لون الدم دائما

تؤكد أنك لازلت تحبى

فتعلم كما تعلمنا وإلا فاصمت

[Hamada Elmasre]

المشاركة الأصلية كتبت بواسطة ابونرمين

من يتحدث فعليه بالهدوء،لا يتعصب فيثور ؟؟؟ولا يفتى فيترنح،كلنا لا نعرف فى الإقتصاد سوى القشور،ولا نعرف فى الإستثمار إلا أسماء بعض رجال الأعمال،ولا نعرف من أسرار الدولة شيئا،وهذا ليس عيبا،ولكن العيب كل العيب ألا نسمع للمتخصصين،،ونحترم ما يقولون،حتى يثبت عكس قولهم فيحاسبون،،إنما نطيح بالرأى،ونلقى بالكلمة ولا نفقهُ شيئا فى علوم الإقتصاد ،فتلك هى اللطمة والطامة؟؟؟؟؟؟؟؟؟؟؟؟؟

فعلا كلام حضرتك صحاحنا مش خلراء اقتصاديين بسشايفين الوتقع والرأي بيكوحسب مستوى ألوعي الاقتصادي يعني لو لقينا بياع الخضار مع تقديري واحترامي ببتكلم في الاقتصتد فممكن ننوسع ونققرا التقتصاد ونفهمة

[tareq23]

ما شاء الله علي سعة الصدر
والمناقشة المتحضرة
ونعم آداب الحوار

وبعيدا عن تلك الحالة ال******
ممكن استراحة من هذا الجوالـ ******
نتأمل الموضوع من زاوية أخري ؟؟؟

فقد دل كتاب ربنا وسنة نبينا - صلى الله عليه وسلم - على أنه ما نزل بلاء إلا بذنب ، وما رفع إلا بتوبة ،
فسارعوا إلى الطاعات من فرائض ومستحبات ،
وجانبوا المحرمات ؛ فإنها مجلبة للمساخط وعظيم العقوبات.


ليس في الدنيا ولا في الآخرة شر ولا داء ولا بلاء إلا وسببه الذنوب والمعاصي، وما عذبت أمة من الأمم إلا بذنوبها،

ففي كل آية عبرة، وفي كل مثل من الأمم السابقة بلاغ وذكرى، لمن كان له قلب أو ألقى السمع وهو شهيد،

وقال تعالى مبيناً سبب أخذ المهلكين وعقابهم: {فَكُلًّا أَخَذْنَا بِذَنبِهِ فَمِنْهُم مَّنْ أَرْسَلْنَا عَلَيْهِ حَاصِبًا وَمِنْهُم مَّنْ أَخَذَتْهُ الصَّيْحَةُ وَمِنْهُم مَّنْ خَسَفْنَا بِهِ الْأَرْضَ وَمِنْهُم مَّنْ أَغْرَقْنَا وَمَا كَانَ اللَّهُ لِيَظْلِمَهُمْ وَلَكِن كَانُوا أَنفُسَهُمْ يَظْلِمُونَ} [(40) سورة العنكبوت].

كل هذا كان فيمن قبلنا،
لكن الذنوب هي التي تهلك الأمم اللاحقة أيضاً، فقال تعالى: {أَلَمْ نُهْلِكِ الْأَوَّلِينَ * ثُمَّ نُتْبِعُهُمُ الْآخِرِينَ * كَذَلِكَ نَفْعَلُ بِالْمُجْرِمِينَ} [(16- 18) سورة المرسلات].
ما ظهرت المعاصي في ديار إلا أهلكتها، ولا تمكنت من قلوب إلا أعمتها، ولا فشت في أمة إلا أذلتها، بها تزول النعم وتحل النقم وتتحول العافية ويستجلب سخط الله.

أيها الأحباب ما نزل بالأمم والشعوب من ذل وهوان،
وآلام وعقوبات وفتن وزلازل،
وغلت الأسعار وشحت الوظائف، وكثرت الجرائم،
إلا بسبب الذنوب والمعاصي، والمجاهرة بذلك من الداني والقاصي، وترك الأوامر والنواهي.

فاعتبروا يا أولي الأبصار. قال الله تعالى: {أَلَمْ يَرَوْاْ كَمْ أَهْلَكْنَا مِن قَبْلِهِم مِّن قَرْنٍ مَّكَّنَّاهُمْ فِي الأَرْضِ مَا لَمْ نُمَكِّن لَّكُمْ وَأَرْسَلْنَا السَّمَاء عَلَيْهِم مِّدْرَارًا وَجَعَلْنَا الأَنْهَارَ تَجْرِي مِن تَحْتِهِمْ فَأَهْلَكْنَاهُم بِذُنُوبِهِمْ وَأَنْشَأْنَا مِن بَعْدِهِمْ قَرْنًا آخَرِينَ } [(6) سورة الأنعام].

( اللهم قد بلغت ... اللهم فاشهد )

[صوت العقل]

المشاركة الأصلية كتبت بواسطة بركان الغضب2

الأخت صوت العقل

ممكن نفكر سويا فى ابتكار شىء جديد

وهو لايعلق على خبر مثل هذا سوى المصريين فقط المقيمين فى النجوع والقرى والعشوائيات ؟

دى ناس بتقول الأسعار زى ماهى ؟

وكل شىء متوفر والإقتصاد فللى !!!!!!

أنا عارف إن الشعب اللى هيطلع فى الأخر غلطان

كل شىء متوفر بس هو اللى بيحب الطوابير والزنقة --- شعب بيحب يزهق ويقرف فى نفسه !!!!!!!!!

حسبنا الله ونعم الوكيل فى كل من يريدنا أن نعود لزمن عبيد وصدقى ونظيف والأكاذيب المغلفة بالتضليل

ألا يدفعم دماء الشهداء للتغيير

وللمرة الألف أسأل السادة المؤيدين

هى الشفافية ومصارحة الشعب بالواقع حرام ؟؟؟؟

أشعر أن من وراء نشر هذه الأخبار هى إحراج الحكومة لتفر وتترك المكان لفئة بعينها

طب ماهما اللى بيشكلوا الحكومة ----

لكن عايزينها من وراء ستار ويبقى أمر واقع ومضطرين لحمل الأمانة وهما كانوا رافضين ياعينى !!!!

شكرا جزيلا لأولى الألباب

أما المداحين فلهم الله

المركب مركب الكل ومن سيترنح بها من أجل مطامح خاصة فعليه أن يواجه بطوله غضبة الشعب وطوفانه

وأظن لن يستفيق هؤلاء الحكام ونخبهم والنخب المتناحرة سوى بثورة جياح تطيح بهم وتمسح اليابس والأخضر --- لاقدر الله

والله اتفق مع حضرتك استاذى ..
واضح ان البعض كل همه يثبت ان مصر فى ابهى
عصورها مع وجود الدكتور مرسى .. ومش اتأترت باى شئ
والحياة حلوة واحنا اللى مش لطفاء .. عندنا تشاؤم زيادة

فعلا كلامهم بعيد عن الواقع لكن اتفق معاهم ان حاليا مصر ممكن تكون
الاولى افريقيا ده على اساس ان معظم دول افريقيا فيها مجاعات وفقر
عدى بعض الدول .. احنا فعلا الاول على الجماعة دول لان لسه شوية على
المجاعات وثورة الجياع زى ما بتسميها حضرتك ..

كلها تصريحات فاضية ومش فى محلها .. لان معظم الناس فى محافظتى الصناعية
عاطلين عن العمل ومفيش تجارة ومفيش فلوس والناس تعبانة بجد ..
بس فيه ناس مش حاسة بغيرها .. ربنا ييسر الامر ..
جزاكم الله خيرا استاذى ..

[صوت العقل]

المشاركة الأصلية كتبت بواسطة ابونرمين

من يتحدث فعليه بالهدوء،لا يتعصب فيثور ؟؟؟ولا يفتى فيترنح،كلنا لا نعرف فى الإقتصاد سوى القشور،ولا نعرف فى الإستثمار إلا أسماء بعض رجال الأعمال،ولا نعرف من أسرار الدولة شيئا،وهذا ليس عيبا،ولكن العيب كل العيب ألا نسمع للمتخصصين،،ونحترم ما يقولون،حتى يثبت عكس قولهم فيحاسبون،،إنما نطيح بالرأى،ونلقى بالكلمة ولا نفقهُ شيئا فى علوم الإقتصاد ،فتلك هى اللطمة والطامة؟؟؟؟؟؟؟؟؟؟؟؟؟

اعلم جيدا استاذى ان حضرتك مقتنع تمام الاقتناع بالتقرير ..
وده شئ يرجع لحضرتك .. وكلام الخبراء زى اى كلام قد يثبت فيما بعد
عدم صحته .. ميزنا الله بالعقل وانا دائما احترم عقلى
واربط تفكيرى بما اراه على الواقع واعيشه بالفعل ..
مش اجرى وراء معسول الكلام.. واى شئ يطمنى وخلاص ..
قد لا نفلس لان ثروات مصر
كثيرة والحمد لله لكن بالمقابل لانفتى و ونغير الحقائق
ونعمى اعيينا عن اقتصاد منهار ..
وكل شخص حر فى وجهة نظره وقبول التقرير او رفضه ..
جزاكم الله خيرا ..

[باهر احمد]

ياريت يقول اننا في مشكلة اقتصادية علشان نجتهد في حلها . لكن بدال انتم شايفين ان اقتصادنا كويس ومحقق مراكز متستغربوش لما تلاقي ناس بتطالب برفع مرتباتها

[محمد محمود بدر]

جزاكم الله خيرا جميعا
انا مش عارف الجريده الغريبة دى بتجيب الاخبار دى منين
عموما لو الكلام ده صح ليه المعلمون عاملين اضراب والاطباء عاملين اضراب والمصانع اتقفلت
والغريب ان اقتصادنا احسن من اقتصاد جنوب افريقيا

[أ/رضا عطيه]

المشاركة الأصلية كتبت بواسطة محمد محمود بدر

جزاكم الله خيرا جميعا
انا مش عارف الجريده الغريبة دى بتجيب الاخبار دى منين
عموما لو الكلام ده صح ليه المعلمون عاملين اضراب والاطباء عاملين اضراب والمصانع اتقفلت
والغريب ان اقتصادنا احسن من اقتصاد جنوب افريقيا

جنوب إفريقيا وبلاد البترول نيجيريا وكوت ديفوار والمغرب والجزائر والكنغو وبلاد الذهب زائير

يمكن يكونوا ماوصلوش للتصفيات ؟؟؟؟؟؟!!!


نتمنى لمصر الفوز بكأس العالم وعودتها لوضعها الطبيعى والريادة

وهذا لايحتاج إلا بمصارحة أولادها فهم قادرون بأمر الله على ذلك

رجال وقت الشدائد ولكن يبدو أن الحكام وانصارهم لايعلمون

لكن هنعيد تانى مشوار التنويم المغناطيسى والتضليل

والذى ليس مبرر والبلد كان فيها ثورة ودائما بعد الثورات تحدث هذه الانكسارات

لكن هتقول لمين والمداحين شغالين

واللى يعترض ياويله وياسواد ليله عدو للدين

هو الدين قال لهم اخدعوا رعيتكم ؟؟؟؟!
شكرا جزيلا

[محمد محمود بدر]

المشاركة الأصلية كتبت بواسطة بركان الغضب2

جنوب إفريقيا وبلاد البترول نيجيريا وكوت ديفوار والمغرب والجزائر والكنغو وبلاد الذهب زائير

يمكن يكونوا ماوصلوش للتصفيات ؟؟؟؟؟؟!!!


نتمنى لمصر الفوز بكأس العالم وعودتها لوضعها الطبيعى والريادة

وهذا لايحتاج إلا بمصارحة أولادها فهم قادرون بأمر الله على ذلك

رجال وقت الشدائد ولكن يبدو أن الحكام وانصارهم لايعلمون

لكن هنعيد تانى مشوار التنويم المغناطيسى والتضليل

والذى ليس مبرر والبلد كان فيها ثورة ودائما بعد الثورات تحدث هذه الانكسارات

لكن هتقول لمين والمداحين شغالين

واللى يعترض ياويله وياسواد ليله عدو للدين

هو الدين قال لهم اخدعوا رعيتكم ؟؟؟؟!
شكرا جزيلا

هم اصلا مش معترفين اننا رعيتهم
هم عندهم البلد هم الاخوان فقط
ومن ليس اخوان فهو اما
حاقد او
كافر او
علمانى او
ملحد او
نصرانى
انت عارف هم محسسين البلد انهم بيصرفوا علينا من جيبهم واحنا عاله عليهم
حسبى الله ونعم الوكيل