وزير التعليم يتعهد بالاستقالة في حال عدم صرف الـ50% بدل الكادر قبل مارس

[مستر محمد خليفة]

تعهد الدكتور إبراهيم غنيم، وزير التربية والتعليم، بتقديم استقالته في حال عدم صرف الـ50% بدل الكادر للمعلمين خلال الأيام القليلة المقبلة، واعدا بصرفها قبل شهر مارس.

وأكد غنيم، خلال اللقاء الذى عقده مع عدد كبير من معلمى الإسماعيلية بمدرسة تكنولوجيا المعلومات، أنه يجب الاهتمام بالمعلم فلا يمكن لمصر أن تتقدم دون أن يعود للمعلم دوره، مشيرا إلى أنه "لن يهان معلم فى مصر ولن نقبل بالمساس بكرامته من قريب أو بعيد".

وأوضح أن "التعليم هو مصدر الأمان للوطن وليس فقط الشرطة والجيش، فهو مصدر الأمان الحقيقى لأنه سيجعلنا بدلا من أن نستورد الأجهزة، يمكن توطينها وصناعتها ببلادنا"، لافتا إلى أن "تجربة مدرسة بلا كتب سوف يتم فيها توزيع أجهزة الآي باد على الطلاب بثلاث مدارس بالقاهرة وسيتم العمل بها الفصل الدراسي المقبل، وأنه كان من المقرر أن تتم التجربة علي مدرسة بالإسماعيلية"، وأكد أنه سوف يناقش هذا الأمر مع المسئولين بالمحافظة.

وأشار إلى أنه قريبا سيتم إطلاق القنوات التعليمية بشكل ومضمون جديد وتحت مسمى جديد أيضا تم اختيار اسم مبدئي "زدنى"، وسيكون هناك مراسل لهذه القنوات بكل محافظة، كما سيقوم مديرو الإدارات التعليمية بكل المحافظات بمناقشة أهم مشاكل المعلمين والتواصل معهم.
http://www.el-balad.com/392087

[مستروجيه]

كلام فى الهواء اقصد كلام ابن عم الجد هههههههههههههههههههه

[seeen]

50% الاولى ولا الثانية

[sa45752]

كانوا بيقولوا مش هنشوف ال50% الاولى وطلعوا كدبيين وصرفناها يقى لازم لما يقولوا هنصرف ال50% الثانى يبقى نصدق الى كذب المرة الى فاتت والا الا وفى ....................وربنا يكتب الخير لمصر كلها يارب

[السيدالقناياتي]

والله انا مني واحد مش عازها وعاوز تستقيل وارحم التعليم من كدبكم وانت بتتكلم علي ال 50% الاولي ولا التانية يا محترم

[seeen]

المشاركة الأصلية كتبت بواسطة sa45752

كانوا بيقولوا مش هنشوف ال50% الاولى وطلعوا كدبيين وصرفناها يقى لازم لما يقولوا هنصرف ال50% الثانى يبقى نصدق الى كذب المرة الى فاتت والا الا وفى ....................وربنا يكتب الخير لمصر كلها يارب

والله يا اخى عن نفسى اتمنى نجاح د. مرسى الى اقصى مدى فنجاحه نجاح لمصر واهاجم من يسعى لاسقاطه عبر اى وسيلة غير الانتخابات لكن هذا لا يمنعنى من ان انتقد الاداء الخاطىء ايا كان مصدره

انا من محافظة الشرقية التى لم تصرف حتى الان ال50% الاولى وقناعتى ان مفيش 50% لان القانون اللى اتنشر فى الجريدة المصرية لم ينص الا على زيادة بدل الاعتماد بنسبة 50% فقط ووضع جدولا بهذا ولم يشر فى اى بند من بنوده الى زيادة اخرى وانما وردت تصريحات شفوية للوزير والنقيب والمتحدث الاعلامى للوزارة بمحاولة صرف ال50% الثانية دون حتى تحديد زمنى لها مرة من ابريل ومرة مع شهر سبعة وكل دا ليس عليه اى دليل حيث نص القانون ان مفيش غير ال50% الاولى وبس

[ادكاوى]

الوزير يقصد ال50% الأولى - لأن هناك محافظات لم تصرفها حتى الآن
وأصلا مفيش 50% ثانية وردت فى قانون الكادر!!

[مستر مهند]

ربنا يكرم والكل يأخد حقه

[المتمرد 1]

مازلنا فى عهد الحزب الوطنى ناس بتاخد مئات الألاف مرتبات و ناس بتاخد بالربع جنيه و ناس بتاخد بالبرطوش و اعتقد انهم بيتعاملو مع المدرسين بالبرطوش. انا متأكد انه مش هيستقيل لان دى فرصة و لقطة انك تصبح وزير و تاخد مرتب بالألاف . و انا من محافظة بنى سويف و حتى الآن لم نصرف الخمسين الأولانية. و الله يرحمك يا اللى فى بالى

[heshamarabe]

يا راجل هو وزير بيستقيل

[vandeta]

زدني ولا ليفني

بصراحة الاستقالة افضل صدقني راح تكون اشرف لك

[vandeta]

المشاركة الأصلية كتبت بواسطة المتمرد 1

مازلنا فى عهد الحزب الوطنى ناس بتاخد مئات الألاف مرتبات و ناس بتاخد بالربع جنيه و ناس بتاخد بالبرطوش و اعتقد انهم بيتعاملو مع المدرسين بالبرطوش. انا متأكد انه مش هيستقيل لان دى فرصة و لقطة انك تصبح وزير و تاخد مرتب بالألاف . و انا من محافظة بنى سويف و حتى الآن لم نصرف الخمسين الأولانية. و الله يرحمك يا اللى فى بالى

ياراجل دول رافضين ياخذو خطوة واحدة نحو تغيير افضل للمعلم والمعلميين ونحو كل شيئ مجرد خطوة مفيش ماشين علي نفس نهج مبارك وحزبة بالضبط في كل شيئ بدون تغيير ولقد كان المقصود هذا بالفعل افشال الثورة والمشي بنفس نهج مبارك واولادة بالضبط !!!!!!!!!

نظام العصا والجزرة

[abomadlin]

[seryo]

افلح ان صدق