بخصوص الحد الأقصى وربطه بالحد الادنى

[د.عبدالرحمن المنياوي]

السلام عليكم ورحمة الله وبركاته ..
إخوتي وأخواتي المعلمون المحترمون ..
-------------------------------------------------
الناس متلخبطة في موضوع الحد الأدنى والأقصى وكثر الخلاف في التفسير بين الجميع على صفحات المعلمين .. وخصوصا المعلم الغلبان اللي دايما بيتنشق على علاوة او زيادة ولو 50 جنيه على مرتبه .. ومعلش ده وضع حرج حطنا فيه المسئولين دايما بتصريحاتهم التي لا يريدون تبريرها او شرحها لتسود حالة من اللغط والتاويل وهذه صفة حكومية مصرية موروثة منذ عقود طويلة ..
وأجدع حاجة طبعا الفرقعة الإعلامية اللي بيخبطها الإعلام دون وعي او دراية وكل صحفي يكتب عنوان براحته والحكاية في الآخر تطلع فشنك .. معلش نرجع لموضوعنا تاني ..

موضوع الحد الأدنى والأقصى ده قصة مش بنت انهاردة .. القرار طلع من فترة وهيبدأ تطبيقه اليوم 1 مايو 2013 .. بس هو القرار ايه؟؟؟
القرار هو تطبيق الحد الأقصى وربطه بالحد الأدنى ..
المفهوم هو ببساطه مش تطبيق الحد الأدنى ...
الحكاية انهم هيخلوا الحد الأقصى 35 ضعف الأدنى الموجود حاليا وفعليا ..
يعني كل وزارة ومصلحة تشوف حدها الأدنى كام ويكون حدها الأقصى 35 ضعف ..
الموضوع ليس به تغيير للحد الأدنى الموجود حاليا .. لكن هو تطبيق للحد الأقصى .. يعني من الآخر البلد توفر فلوس بس .. المرحلة التانية وهي تاخذ الفلوس دي وترفع بيها الحد الأدنى لتطبيق العدالة دي مرحلة اجتهادية كلنا بنحاول نقنع نفسها ..
لكن الواقع هو .. أن التربية والتعليم تاخد مرتب اقل موظف ثابت حاليا .. وليكن مثلا 500 جنيه ويكون مرتب أعلى موظف فيكي ياتربية وتعليم 500×35 .. علشان كده بيقولك تختلف كل وزارة وكل مصلحة عن التانية ..
راجعو واقرأوا القرار تاني ..
انا كنت قبل كده شرحت الموضوع ده على صفحتى بمنتدى الثانوية العامة .. واديني باشرحه على الفيس تاني ..
محدش يعتقد ان الحد الادنى تم تطبيقه .. الكلام ده محصلش ..

د.عبدالرحمن المنياوي

[أ/ماهر]

شكراً للتوضيح د/ عبد الرحمن

[MESHMESH1]

بارك الله فيك

[MESHMESH1]

يطبق علي العاملين المدنيين بالدولة والعاملين بالقطاع العام والهيئات العامة والقومية والخدمية والاقتصادية وذوي الكادرات الخاصة مثل الهيئات القضائية والرقابة الإدارية وهيئة التدريس بالجامعات والشرطة والجهاز المركزي للمحاسبات وقناة السويس والبنك المركزي المصري والبنوك العامة وأعضاء السلك الدبلوماسي والقنصلي. سواء كان يشغل الوظيفة بشكل دائم أو مؤقت. أو مستشاراً أو خبيراً وطنياً. أو في وظيفة قيادية. وطالب الجهاز المركزي للمحاسبات الوحدات الإدارية بتحديد دقيق وبقرار من السلطة المختصة دخل شاغلي الدرجة الثالثة عند بداية التعيين في الجهة. أو ما يعادلها في الكادرات الخاصة.. ثم حساب ما يعادل 35 مثل هذا الدخل للدرجة الثالثة التخصصية في ذات الجهة ودون أي سقف.


يعني كل جهة مستقلة بذاتها .... يعني بردو مفيش عدالة اجتماعية