الناس التى تبخرحلمها ولا تملك المال لتدخل كليات خاصة

[mody_mw]

حسبنا الله ونعم الوكيل ناس كتير جابت مجاميع 95 % واكتر لم تلحق مرحلة اولى وليس لديهم امكانيات تدخل كليات خاصة يعنى ناس متفوقة يعملوا اية حسبنا الله ونعم الوكيل للاسف ليس لديهم فلوس يدخلوا كليات خاصة كل واحد يدخل يقول راية

[مع هيكل]

راى ايه بقى الدولة بتشحع الجامعات الخاصة

[mody_mw]

ربنا يعوض على الناس المتفوقة يعنى ان الذى لا يملك المال يعمل اية

[ياســــــــمين *]

بص خلاص معروف ان نظام التعليم فى مصر زززززززززززززفت ومتخلف والمنظومة كلها غلط من اول الابتدائى لحد الثانوى والجامعات هنعمل ايه , ياما الكلام ده اتقال ومفيش فايدة , احنا تعبنا ,, اجيال ورا اجيال يعنى ف المعاناه ده وكأنه إمعاناً فى تعذيييب الناس , تعلييمنا ده موجود فين فى اى دولة متقدمة ف العالم ؟؟ من أول طريقة التدريس لحد مستوى المدرسين ونظام التدريس ف المدارس والدروس الخصوصية ونظام الصم والحفظ بدون فهم وبعد كده التصحيح الغير منصف والأخطاء اللى بالكوم اللى بتحصل فيه ووممكن تصيع مستقبل ناس والمناهج العقيمة اللى متطورتش من ايام اجدادنا الخ ...

واحد ضيعته نص درجه خلته بدل ما يدخل صيدلة يدخل تجارة ولا تربية - ما هو ممكن ميكنش حابب البيطرى عادى يعنى - وف الاخر ابو 95 يتساوى بابو 85
وحتا لو دخلت الكلية اللى عاوزها حلللنى بقا ع الشغل ولا التعيين

واحد طافح الدم ف المذاكر وفرقت معاه على نص درجة وواحد تانى ممكن يكون مأنتخ طول السنة وبالفلوس يدخل خاص ويتساوى بواحد تعب ومووت نفسه مذاكرة سنتين طوال

اقول ايه بس الواحد اصله معببببببببى >_<

الواحد كده كده مش مستنى حاجة من البلد دى وانا خلاص معدتش عايزة منها حاجة

[*على*]

دى الحقيقة الدولة بتشجع الجامعات الخاصة بصورة واضحة جدا المهم كل واحد يرضى بنصيبه ويجتهد وربنا يوفق الجميع

[mody_mw]

والله كلامك صح الطبقة المتوسطة بتموت فى كل شى طول السنة مذاكرة وتعب ومصاريف وبعدين فى الاخر يتساوى مع ابو 80 % ربنا ينتقم من كل ظالم مظلومين فى كل شى حتى احلامنا فى التعليم انتهت وتبخرت

[devianT]

شووف،
انت تقول الحمدلله، وتحمد ربنا من قلبك والي مكتبولك هتشوفه
إحنا عارفين إنه تعليم فاشل أصلاً! ومحدش مستني منه حاجة غير انه يخلص ويشتغل !

فأحمد ربنا، مش معنى انك مدخلتش طب مثلاً وده كان حلم حياتك يبقى حياتك وقفت، لأ
انت تجتهد في اللي هتدخله عشان تبقى افضل من لو دخلت طب وبعدين ربنا اخترلك كدا يبقى اكيد فيها خير ليك ..

[mody_mw]

الحمد لله............................................... ..

[mody_mw]

ربنا يسترها معانا يارب

[GHOST_LioNeL AndRes MesS]

والله يا اخى كل اللى جايب فوق الــ90% ممتازين ( دة فى كل الدول المحترمة ) بس المشكلة الواحد لازم يجيب 100% عشان يدوب يلحق اللى هو عايزة هذا هو التعليم فى مصر شأنا ام ابينا فهو فرض يعنى ممكن تلاقى واحد علمى وجايب 90% او 93% ودخل تجارة و بكدة اتساوى مع واحد دخل ادبى ومتعبش نفسة وجاب 80% او 75% انتساب او غيرة والفلوس بتاع الدروس على مدار حياتك كلها راحت هدر

[mody_mw]

والله كلة رااااااااااااااااااااااااااااااااااااااااااااااااا ااااااااااااح والله حرااااااااااااااااااااااااااااااااااااااااااااام

[mody_mw]

الحمد لله على كل شى ويارب توفق الجميع وربنا ينتقم من كل ظتام

[222ahmed222]

معلش بس انا هفكر معاك بصوت عالي
والله مع اقوى حزني على احلام اغلبكم التي ضاعت
بس انت عاوز البلد تدخل كل ال فوق 90% كليات قمه وفي الآخر محدش خالص يشتغل؟
انا ضد التعليم الخاص اصلاً كفكره
بس انا بتكلم عن العام
لما كل ال يجيب مجموع محترم يدخل كلية قمه اكتر من 150 الف طالب هيدخلوا كليات قمه!!!
العدد ال بيدخل كليات القمه والتنسيق قليل لازم يكون نفس العدد ال بيدخلها والتنسيق عالي
يعني فدا نصيب مش اكتر
وتأكد ان دا اختيار ربنا ليك انسبلك من امنيتك انت
ثق في ربنا

[mody_mw]

اشكرك على احساسك النبيل لكن الظلم والمال كمان اللى معة مال يقدر يدخل اى كلية بفلوسة حتى من غير مجموع من غير تعب لكن ليس حقد على الناس اللى معاها فلوس لا ابدا لكن الاحساس بالظلم فقط لاغير وعلى العموم الحمد لله على كل شى بس دة هو وضع التعليم فى مصر يتساوى من يتعب ويسهر الليالى مع من لا يتعب

[amothman123]

ارضى بقضاء الله أفضل
يمكن ربنا مارضاش يدخلك كلية يمكن ماكنتش هاتلاقى نفسك فيها
إن شاء الله ربنا يوفقك في أى كلية تدخلها
كل الكليات لعلمك ليها مستقبل