يا ترى تصلح زوجة ؟؟؟؟؟؟؟

[لافانيا]

بانتظاركم
تحياتى

[الفيلسوف]

لو عندها استعداد تتعلم مفيش مشكلة بس لو الأم ضعيفة فى شغل المطبخ تبقى أكيد البنت مش هتنفع خالص

[hebabadr]

ممكن تتعلم بس اصبر عليا شوية استحمل التجارب ناس صحابي اتجوزوا ومانوش بيعرفوا يطبخوا ودلوقت بقوا اساتذه

[مهاب احمد محمد]

طبعا بالتاكيد تصلح ان تكون زوجة لانها سوف تتعلم وحتي ان لم تصبح استاذة طبخ الاهم ان تستطيع ان تطبخ

[غازي محمد]

نعم




شكرا على سؤالك

[لافانيا]

خالص شكرى وتقديرى
نورتوا الموضوع بارءكم القيمة
تحياتى

[Ra2fat Jego]

الحياة الزوجية لو مبنية على الطبخ كنا كلنا جبنا كتاب ابلة نظيرة
بس في حاجات تانية اهم طبعا

عشان مخرجش عن الموضوع لو البنت مبتعرقش تطبخ بس عندها استعداد +الأخلاق أكيد تنفع تبقى زوجة

تقبلي مروري استاذة لافانيا

[لافانيا]

المشاركة الأصلية كتبت بواسطة ra2fat jego

الحياة الزوجية لو مبنية على الطبخ كنا كلنا جبنا كتاب ابلة نظيرة
بس في حاجات تانية اهم طبعا

عشان مخرجش عن الموضوع لو البنت مبتعرقش تطبخ بس عندها استعداد +الأخلاق أكيد تنفع تبقى زوجة

تقبلي مروري استاذة لافانيا

هههههههههههههههه صح كلامك
خالص شكرى وتقديرى
لمرورك الجميل دوت
تحياتى

[Mr. Ali 1]

المشاركة الأصلية كتبت بواسطة لافانيا

بانتظاركم
تحياتى

( هذه هي أول مشاركة لي بعد عودة العضوية وأحببت أن تكون في أحب الأقسام إلي نفسي وقلبي )

تصلح ..... ولا تصلح .

الحياة الزوجية يوجد بها طرفين وليس طرف واحد فقط ( بس طرف الراجل هو الأكبر )

- تصلح كزوجة إن قامت بتعلم فنون الطهي واجتهدت في تعلمها وتعويض ما فاتها . والكثير من الفتيات حدث معهن هذا ( خاصة فتيات الأجيال الجديدة ) .

- تصلح كزوجة إن إرتضي زوجها أن تظل كما هي عليه ( لديه المقدرة المالية التي تؤهله أن يستقدم طباخة خاصة بالبيت )

- لا تصلح كزوجة إن كان هذا الأمر يمثل عامل أساسي بالنسبة للرجل .

بإختصار : رأي من سيتزوجها هو الذي يفصل في الأمر ( هو من سيصبر عليها حتي يأكل من عمل يديها وربنا يعينه بعدها , أو هذا الأمر لا يمثل له أي أهمية , أو سيرفض أن تكون زوجته لا تجيد الطهي )

والأهم من هذا كله , ان صاحبة الموضوع تكون بتعرف تطبخ كويس أو تلحق نفسها وتتعلم

شكراً علي هذا الموضوع .

[لافانيا]

المشاركة الأصلية كتبت بواسطة Mr. Ali 1

( هذه هي أول مشاركة لي بعد عودة العضوية وأحببت أن تكون في أحب الأقسام إلي نفسي وقلبي )

مبارك يا استاذنا عودة العضوية
بسى هى كانت فين ورجعت منين
والقسم ينور بوجودك وبرئيك

تصلح ..... ولا تصلح .

الحياة الزوجية يوجد بها طرفين وليس طرف واحد فقط ( بس طرف الراجل هو الأكبر )

ايه دوت هنبدأ بالانحياز للراجل بقت
الجواز زى الاوفة الاتنين شايلينها

- تصلح كزوجة إن قامت بتعلم فنون الطهي واجتهدت في تعلمها وتعويض ما فاتها . والكثير من الفتيات حدث معهن هذا ( خاصة فتيات الأجيال الجديدة ) .

ديت موافقاك فيها واختى كانت كده واتعلمت
وهو مبسوط ومنشرح هههه

- تصلح كزوجة إن إرتضي زوجها أن تظل كما هي عليه ( لديه المقدرة المالية التي تؤهله أن يستقدم طباخة خاصة بالبيت )
دوت مبالغة لان الراجل بيضايق حتى لو قادر يجيب اكل جاهز
هو مجوز لايه ما كان قضاها مطاعم وريح دماغه
قليل اوى اللى يوافق ع دوت

- لا تصلح كزوجة إن كان هذا الأمر يمثل عامل أساسي بالنسبة للرجل .

بإختصار : رأي من سيتزوجها هو الذي يفصل في الأمر ( هو من سيصبر عليها حتي يأكل من عمل يديها وربنا يعينه بعدها , أو هذا الأمر لا يمثل له أي أهمية , أو سيرفض أن تكون زوجته لا تجيد الطهي )
صح كده الموضوع يوقف ع اللى هيتجوز
هو لو وافق انها تبقى سيدة مجتمع ملهاش دعوة بالمطبخ
ودوت مش عندنا فى مصر والحمدلله
وهى ان كانت مستعدة تتعلم والبنات بتخاف تتطلق
هتتعلم بسرعة بس هو يستحملها هههههههه

والأهم من هذا كله , ان صاحبة الموضوع تكون بتعرف تطبخ كويس أو تلحق نفسها وتتعلم

شكراً علي هذا الموضوع .

ههههههههههههه والله جيت ع الجرح
مكنش عندى وقت فراغ للمطبخ
حياتى وهبتها للدراسة ولما انتهت قررت اخوض التجربة
بس ملقياش حد يشجعنى ويقف جمبى اجرب فيه طبيخى

شكرا ع المرور الحلو دوت تحياتى لحضرتك

[Mr. Ali 1]

المشاركة الأصلية كتبت بواسطة لافانيا

ههههههههههههه والله جيت ع الجرح
مكنش عندى وقت فراغ للمطبخ
حياتى وهبتها للدراسة ولما انتهت قررت اخوض التجربة
بس ملقياش حد يشجعنى ويقف جمبى اجرب فيه طبيخى

شكرا ع المرور الحلو دوت تحياتى لحضرتك

- ليس تحيز للرجل . قلت الحياة الزوجية يوجد بها طرفين , وكون أن طرف الرجل هو الأكبر , فهذا ما قاله رب العزة عز وجل لنا في كتابه الكريم ( وَلَهُنَّ مِثْلُ الَّذِي عَلَيْهِنَّ بِالْمَعْرُوفِ ، وَلِلرِّجَالِ عَلَيْهِنَّ دَرَجَةٌ ) صدق الله العظيم .

وليس في هذا ما يعيب المرأة أو ينتقص من مكانتها أو أهميتها .

- لم أقل يأتي بالطعام من خارج البيت . قلت لديه المقدرة المالية أن يستقدم طباخة ( يجيب طباخة في البيت ) ويوجد من هذه النماذج في المجتمع المصري .

- ( البنات بتخاف تتطلق ) هذه تحتاج إلي موضوع خاص بهذا الأمر .

- جيت علي الجرح !! مش بتعرفي تطبخي ؟!!
عندك اللي في البيت يشجعوكي . ماما تقف معاكي في المطبخ وتمسك المنفضة وتعلمك . ولما تغلطي وانتي قاصدة الغلط ( علشان ييأسوا من تعليمك ) ماما تشغل المنفضة علي طول

في الأوساط الاجتماعية البسيطة والمتوسطة وفوق المتوسطة إجادة الفتاة للطهي تمثل أهمية كبري لدي الرجل الشرقي بصفة عامة والمصري بصفة خاصة .

إن شاء الله تعالي بكرة تدخلي المطبخ وتعملي ( كباب حلة ) وتدخلي القسم هنا وتدوقيه للأعضاء الموجودة ( وليكي عليا مكنش موجود داخل القسم بكرة لأني مش مستغني عن نفسي )

[لافانيا]

المشاركة الأصلية كتبت بواسطة Mr. Ali 1

- ليس تحيز للرجل . قلت الحياة الزوجية يوجد بها طرفين , وكون أن طرف الرجل هو الأكبر , فهذا ما قاله رب العزة عز وجل لنا في كتابه الكريم ( وَلَهُنَّ مِثْلُ الَّذِي عَلَيْهِنَّ بِالْمَعْرُوفِ ، وَلِلرِّجَالِ عَلَيْهِنَّ دَرَجَةٌ ) صدق الله العظيم .

وليس في هذا ما يعيب المرأة أو ينتقص من مكانتها أو أهميتها .

- لم أقل يأتي بالطعام من خارج البيت . قلت لديه المقدرة المالية أن يستقدم طباخة ( يجيب طباخة في البيت ) ويوجد من هذه النماذج في المجتمع المصري .

- ( البنات بتخاف تتطلق ) هذه تحتاج إلي موضوع خاص بهذا الأمر .

- جيت علي الجرح !! مش بتعرفي تطبخي ؟!!
عندك اللي في البيت يشجعوكي . ماما تقف معاكي في المطبخ وتمسك المنفضة وتعلمك . ولما تغلطي وانتي قاصدة الغلط ( علشان ييأسوا من تعليمك ) ماما تشغل المنفضة علي طول

في الأوساط الاجتماعية البسيطة والمتوسطة وفوق المتوسطة إجادة الفتاة للطهي تمثل أهمية كبري لدي الرجل الشرقي بصفة عامة والمصري بصفة خاصة .

إن شاء الله تعالي بكرة تدخلي المطبخ وتعملي ( كباب حلة ) وتدخلي القسم هنا وتدوقيه للأعضاء الموجودة ( وليكي عليا مكنش موجود داخل القسم بكرة لأني مش مستغني عن نفسي )

ههههههههههههههههه كباب حلة
دوت غير الكباب اللى من بره
هحاول حاضر بسى من غير المنفضة هههههههههه
تسلم استاذ على ع المرور الجميل دوت
نورت الموضوع

[هاوى إبداع]

بصراحه رأيي هو لا
بالنسبه لي
لام الايام دي
غالبا هيكون السبب "دلع" او "تكبر"
وانا بصراحه بكره الصفتين دول جدا بالزات لما يكونوا ف البنت
السبب التاني
اني لو اتجوزت يعني وربنا كاتبلي عمر
هيكون من الاهم الاسباب اللي خلتني اعمل كدا
سبب خطير جدا وهو

اني عاوز اتخن

[samar tawfik ali]

طبعا ممكن تتجوز لأن الطبخ يا جماعه حاجه سهله جدا جدا
هي ممكن فى الاول تحسوا صعب بس بعد كده هتتعود

[SAFY STORY]

مفهاش حاجة تتعلم عادى اى نعم هى هتاكلنا اكل متسمم بس نستحمل
وبعدين اللى بيتجوز وحدة مبيتجوزهاش علشان طبخها هو بيتجوزها علشان هو بيحبها