قصة بها حكمة

alea2009 · #1 04-09-2013, 11:08 PM

جلس رجل تحت شجرة بندق ، فرأها ضخمة ، وتحمل ثمارا صغيرة فتساءل فى نفسه ، ( أليس اولى بهذه الشجرة أن تحمل ثمارا كبيرة كالبطيخ مثلا؟!) وفــــــــــــجـــــــأة ، وقعت فوق رأسه ثمرة من البندق ، فأدرك نعمة الله عليه ، واستعاد هدوءه وعرف أنّ الله رءوف بعباده ، وله فى كل شىء حكمة وزاد ايمانه بالله .

الخلاصة : أنّ ممكن ربنا يبعد عنك شىء كنت بتدعو أنه يقرّب منك ، وتفضل تدعو ربنا أنه يجى وتبكى بحرقة فى صلواتك وفى صيامك وفى وقت المطر لعلّ الله عز وجل يستجيب لدعائك، لكن تتفاجىء أن ربنا بعد عنك الشىء اكتر ، فتنعى حظك وتقول ليه الشىء دا مجليش .
طب متيجى نبص للأمور من زاوية تانية يمكن الشىء دا مش خير ليك ، مش هيسعدك زى ما انت كنت متصور ومتخيّل ، انت بعقلك الناقص بتبص للى تحت رجليك ومش بتبص للى أبعد من كدا ، لكن ربنا حبيبنا علمه علم احاطة يعنى عارف ايه اللى يسعدك وايه اللى يزعلك حتى لو انت كنت شايف ان الشىء دا هيسعدك ، لأ ربنا خايف عليك فبعد عنك الشىء اللى انت تستحق أفضل منه فاصبر وما صبرك الاّ بالله

فالراجل دا كان شايف من وجهة نظر عقله الناقص ان الشجرة دى كبييييرة اوى وتقدر تحمل ثمار اكبر من البندق ،لكن لما لقى بندقاية وقعت على راسه عندئذ أدرك نعمة ربنا وان الشجر عموما لو كان ثماره كبيرة الحجم زى البطيخ كان زمان راسه انشقت نصين

يعنى ( والله يعلم وأنتم لا تعلمون ) صدق الله العظيم