الى الاستاز فيكتور بخيت والاساتذه الكبار..(1)..

zezopasha11 · #1 02-10-2013, 09:52 PM

السلام عليكم ... فيه سؤال قد يكون بسيط وقد يكون صعب بس الأراء اختلفت عليه كتير ..... يا ريت اجابة مؤكده ومقنعه.. ان شاء الله :

Fe(OH)2 (s) = Fe+2 (aq) + 2OH-1 (aq)

فى التفاعل : ينشط التفاعل فى الاتجاه الطردى عند اضافة ................

1- Fe(No3)2

2- Fe(OH)2

3- Na2s

4- KOH

ملحوظه هامه جداااا :

1- علامة = تدل على التفاعل العكسى ( نظرا لقلة خبرتى فى الكتابه )

2- كل من +2 و - 1 يدل على التكافؤ وانهم فى الحاله الايونية ........ شكرا

kh1800 · #2 04-10-2013, 02:22 AM

لازم يكون ثابت الأتزان موجود مع التفاعل دى حاجه لكن ممكن نقول ان هيدروكسيد الحديد 2 راسب وبالتالى يبقى التفاعل يمشى فى الأتجاه العكسى اللى هو اتجاه عدم الذوبان

zezopasha11 · #3 04-10-2013, 02:56 AM

اقتباس:

المشاركة الأصلية كتبت بواسطة kh1800

لازم يكون ثابت الأتزان موجود مع التفاعل دى حاجه لكن ممكن نقول ان هيدروكسيد الحديد 2 راسب وبالتالى يبقى التفاعل يمشى فى الأتجاه العكسى اللى هو اتجاه عدم الذوبان

لا السؤال ده موجود كده بالنص ........ يا ريت اجابه من استذتنا الكبار

مستر// فيكتور بخيت · #4 04-10-2013, 09:56 AM

اقتباس:

المشاركة الأصلية كتبت بواسطة zezopasha11

السلام عليكم ... فيه سؤال قد يكون بسيط وقد يكون صعب بس الأراء اختلفت عليه كتير ..... يا ريت اجابة مؤكده ومقنعه.. ان شاء الله :
Fe(OH)2 (s) = Fe+2 (aq) + 2OH-1 (aq)
فى التفاعل : ينشط التفاعل فى الاتجاه الطردى عند اضافة ................

1- Fe(No3)2

2- Fe(OH)2

3- Na2s

4- KOH

ملحوظه هامه جداااا :
1- علامة = تدل على التفاعل العكسى ( نظرا لقلة خبرتى فى الكتابه )
2- كل من +2 و - 1 يدل على التكافؤ وانهم فى الحاله الايونية ........ شكرا

اولا السؤال مش بسيط

المطلوب تنشيط التفاعل فى الاتجاه الطردى لمركب شحيح الذوبان مثل هيدروكسيد الحديد الثنائي بمعنى جعل المركب يذوب تماما ويمكن تحقيق ذلك بعدة طرق تتطلب كلها تقليل تركيز احد الايونات الموجودة لكى يصبح حاصل ضرب تركيز الايونات اقل من حاصل الاذابة للملح فيذوب الملح

وتلك الطرق هى
1 - اضافة ايون هيدروجين موجب من حمض هيدروكلوريك فيتحد مع ايون الهيدروكسيل لتكوين الماء وهو الكتروليت ضعيف فيقل تركيز ايون الهيدروكسيل فيسير التفاعل طرديا لتعويض هذا النقص ويذوب الملح

والحمض غير موجود بالاختيارات

2 - نلجاء الى سحب ايون الحديد الثنائي عن طريق تكوين المتراكبات

نقلل تركيز ايون الحديد الثنائي باضافة هيدروكسيد البوتاسيوم الساخن فيتحد مباشرة مع ايون الحديد الثنائى مكونا متركب هو هيدروكسى حديدو البوتاسيوم (K2(Fe(OH)4) فيسير التفاعل طرديا لتعويض هذا النقص ويذوب الملح

الاجابة اضافة محلول ساخن من هيدروكسيد البوتاسيوم

ومعلوم ان هيدروكسيد حديد 11 يذوب فى حمض الهيدروكلوريك ومحلول الصودا الكاوية والبوتاسا الكاوية للاسباب السابق شرحها

بالتوفيق للجميع

zezopasha11 · #5 04-10-2013, 04:04 PM

اقتباس:

المشاركة الأصلية كتبت بواسطة مستر// فيكتور بخيت

اولا السؤال مش بسيط

المطلوب تنشيط التفاعل فى الاتجاه الطردى لمركب شحيح الذوبان مثل هيدروكسيد الحديد الثنائي بمعنى جعل المركب يذوب تماما ويمكن تحقيق ذلك بعدة طرق تتطلب كلها تقليل تركيز احد الايونات الموجودة لكى يصبح حاصل ضرب تركيز الايونات اقل من حاصل الاذابة للملح فيذوب الملح

وتلك الطرق هى
1 - اضافة ايون هيدروجين موجب من حمض هيدروكلوريك فيتحد مع ايون الهيدروكسيل لتكوين الماء وهو الكتروليت ضعيف فيقل تركيز ايون الهيدروكسيل فيسير التفاعل طرديا لتعويض هذا النقص ويذوب الملح

والحمض غير موجود بالاختيارات

2 - نلجاء الى سحب ايون الحديد الثنائي عن طريق تكوين المتراكبات

نقلل تركيز ايون الحديد الثنائي باضافة هيدروكسيد البوتاسيوم الساخن فيتحد مباشرة مع ايون الحديد الثنائى مكونا متركب هو هيدروكسى حديدو البوتاسيوم (K2(Fe(OH)4) فيسير التفاعل طرديا لتعويض هذا النقص ويذوب الملح

الاجابة اضافة محلول ساخن من هيدروكسيد البوتاسيوم

ومعلوم ان هيدروكسيد حديد 11 يذوب فى حمض الهيدروكلوريك ومحلول الصودا الكاوية والبوتاسا الكاوية للاسباب السابق شرحها

بالتوفيق للجميع

شكرا استاذنا الفاضل.... بس ممكن تفسير من حضرتك على عدم صحة كلا من :
1- Na2S
2- Fe(No3)2

مستر// فيكتور بخيت · #6 04-10-2013, 07:20 PM

اقتباس:

المشاركة الأصلية كتبت بواسطة zezopasha11

شكرا استاذنا الفاضل.... بس ممكن تفسير من حضرتك على عدم صحة كلا من :
1- na2s
2- fe(no3)2

هناك عدة طرق لتقليل تركيز احد الايونات اما اضافة حمض به ايون هيدروجين او اضافة عامل مؤكسد او مختزل لاكسدة او اختزال احد الايونات الى عنصر يترسب او اضافة مركب يكون متراكب مع احد الايونات

والمركبين السابقين لا تتوافر قيهم تلك الشروط

بالتوفيق

zezopasha11 · #7 04-10-2013, 07:56 PM

اقتباس:

المشاركة الأصلية كتبت بواسطة مستر// فيكتور بخيت

هناك عدة طرق وتقليل تركيز احد الايونات اما اضافة حمض به ايون هيدروجين او اضافى عامل مؤكسد او مختزل لاكسدة او اختزال احد الايونات الى عنصر يترسب او اضافة مركب يكون متراكب مع احد الايونات

والمركبين السابقين لا تتوافر قيهم تلك الشروط

بالتوفيق

مشكوووووور يا استاذنا وبالتوفيق ان شاء الله

الأستاذ محمود عبده · #8 18-10-2013, 02:36 PM

السلام عليكم
على ما أعتقد ان الكلام السابق صعب شوية وإقناع الطالب بيه أصعب وبعدين احنا مش بنختبر بعض يعنى اللى يجاوب سؤال لازم يعرف إنه بيتعامل مع مدرسين مش طلبة فإضافة هيدروكسيد البوتاسيوم أكثر الإجابات بعدا عن الصح لأن هيدروكسيد البوتاسيوم إلكتروليت قوى تام التأين فإضافته يعنى المزيد من أيونات الهيدروكسيد مما ينشط التفاعل العكسى وليس الطردى وبالتالى الإجابة خاطئة ولكن الحيرة بين:-
1) نترات الحديدوز علشان دى هى الإجابة الموجودة بقسم الإجابات ولو حد عنده تفسير يا ريت يفسر بالمنطق.
2) هيدروكسيد الحديد الثنائى وأعتقد هو ده الحل .

مستر// فيكتور بخيت · #9 18-10-2013, 07:09 PM

اقتباس:

المشاركة الأصلية كتبت بواسطة الأستاذ محمود عبده

السلام عليكم
على ما أعتقد ان الكلام السابق صعب شوية وإقناع الطالب بيه أصعب وبعدين احنا مش بنختبر بعض يعنى اللى يجاوب سؤال لازم يعرف إنه بيتعامل مع مدرسين مش طلبة فإضافة هيدروكسيد البوتاسيوم أكثر الإجابات بعدا عن الصح لأن هيدروكسيد البوتاسيوم إلكتروليت قوى تام التأين فإضافته يعنى المزيد من أيونات الهيدروكسيد مما ينشط التفاعل العكسى وليس الطردى وبالتالى الإجابة خاطئة ولكن الحيرة بين:-
1) نترات الحديدوز علشان دى هى الإجابة الموجودة بقسم الإجابات ولو حد عنده تفسير يا ريت يفسر بالمنطق.
2) هيدروكسيد الحديد الثنائى وأعتقد هو ده الحل .

يا استاذنا بدون تعصب فى الكلام ومع احترامى لراى حضرتك المركب شحيح الذوبان فى الماء ومطلوب اذابته تماما يعنى نخلى التفاعل يمشى طردى بالتالى موش هينفع اضافة مزيد منه لانه لو كده مش هيكون فيه مركب شحيح الذوبان ابدا فبالتالى لا يصح اضافة المزيد منه ( وهوهيدروكسيد الحديد الثنائى )

والاجابة الصح اضافة هيدروكسيد البوتاسيوم لانه سيتحد مباشرة مع ايون الحديد ويكون متراكب ذائب فى الماء قبل ان يتاين وارجوك قراءة اى مرجع لمعرفة كيفية اذابة اى مركب شحيح الذوبان فى الماء

شكرا لحضرتك

مستر// فيكتور بخيت · #10 18-10-2013, 08:14 PM

اقتباس:

المشاركة الأصلية كتبت بواسطة الأستاذ محمود عبده

السلام عليكم
يعنى اللى يجاوب سؤال لازم يعرف إنه بيتعامل مع مدرسين مش طلبة فإضافة هيدروكسيد البوتاسيوم أكثر الإجابات بعدا عن الصح لأن هيدروكسيد البوتاسيوم إلكتروليت قوى تام التأين فإضافته يعنى المزيد من أيونات الهيدروكسيد مما ينشط التفاعل العكسى وليس الطردى وبالتالى الإجابة خاطئة ولكن الحيرة بين:-
1) نترات الحديدوز علشان دى هى الإجابة الموجودة بقسم الإجابات ولو حد عنده تفسير يا ريت يفسر بالمنطق.
2) هيدروكسيد الحديد الثنائى وأعتقد هو ده الحل .

معلومات هامة للسادة المدرسين خاصة بالظروف التى يمكن عندها اذابة الكتروليت شحيح الذوبان فى الماء

الفكرة العامة هى تقليل تركيز احد الايونات بحيث تصبح قيمة حاصل ضرب تركيز الايونات المتبقية اقل من قيمة حاصل الاذابة فبالتالى جميع الراسب سيذوب لاستعادة الاتزان اى بسير التفاعل طرديا ويتم ذلك باحد الطرق الاتية

1- تكوين الكتروليت ضعيف

مثال املاح الاحماض الضعيفة شحيحة الذوبان فى الماء مثل
اكسالات الكالسيوم-- فوسفات الفضة-- كبريتيد الحديد الثنائى تذوب كلية باضافة حمض الهيدروكلوريك
لان انيونات الحمض الضغيف الموجودة فى المحلول شحيح الذوبان ستتحد مع كاتيونات الهيدروجين لتكوين جزيئات من الحمض الضعيف

مثال محلول كبريتيد حديد 11 المتزن مع ايوناته يمكن اذابته تماما باضافة حمض الهيدروكلوريك حيث يتحد ايون الكبريت السالب مع ايون الهيدروجين الموجب ويتصاعد غاز كبريتيد الهيدروجين

ومثال اخر على الهيدروكسيدات شحيحة الذوبان فى الماء فانها تذوب فى الاحماض ( مثل المثال السابق سبب الموضوع هيدروكسيد الحديد الثنائي) لان ايون الهيدروكسيد فى المحلول يتحد مع ايون الهيدروجين للحمض لتكوين الماء وهو الكتروليت ضعيف

2- تكوين ايون متراكب ( ودى معلومة جديدة لكثير من السادة المدرسين)

وتلك اكثر الطرق المستخدمة لاذابة الرواسب حيث ان هناك الكثير من الايونات تتفاعل مع ايونات اخرى او مع جزيئات متعادلة لتكوين متراكبات ثابتة

مثال اذابة كلوريد الفضة وهو مركب شحيح الذوبان فى الماء فى محلول الامونياحيث يتحد كاتيون الفضة مع جزئ الامونيا ويقل تركيز ايون الفضة يؤدى الى ذوبان كلوريد الفضة بالكامل

وكذلك يمكن اذابة هيدروكسيد الحديد الثنائى فى هيدروكسيد الصوديوم او البوتاسيوم حيث سيتحد ايون الحديد مع القلوى مكونا متراكب فيذوب الملح وهنا لا مجال عن تاين القلوى بسبب تكون المتراكب فورا

3- تغيير عدد تاكسد الايون ( الاكسدة والاختزال)

مثال كبريتيد الحديد الثنائي يذوب فى حمض النيتريك المركز الساخن ( عامل مؤكسد قوى ) لان انيون الكبريت السالب يتاكسد الى عنصر الكبريت فيترسب فيختل الاتزان مما يؤدى الى ذوبان المزيد من كبريتيد الحديد الثنائي

بالتوفيق للجميع طلبة ومدرسين

مستر// فيكتور بخيت · #11 20-10-2013, 03:52 PM

اقتباس:

المشاركة الأصلية كتبت بواسطة الأستاذ محمود عبده

ا
2) هيدروكسيد الحديد الثنائى وأعتقد هو ده الحل .

بدون تعليق

ali elhowary · #12 05-01-2014, 02:26 AM

لو سمحتم بس معلش مش عارف انا صح ولا غلط بس السؤال دا فى كتاب الامتحان وايجابته Fe(NO3)2 وانا من رأيى ان دى الاجابة المنطيقة لانى لو طبقنا رأى الاستاذ فيكتور واضافنا هيدروكسيد حديد التفاعل هيذداد فى الاتجاهين حيث ان هيدروكسيد الحديد2 هيزيد وفى نفس الوقت الايونات بتزيد لكن عند اضافة FeNO32 هيقل تركيز OH فى النواتج فينشط التفاعل فى الاتجاه الطردى لتعويض هذا النقص
ارجو لو اجبتى خطأ تصحيحها بس ملحوظة السؤال دا موجود فى كتاب الامتحان فى الاختيارات رقم 23 وايجابته كدة بس طبعا مش كاتب التعليل