رحلت البحث عن المشرفين بدأت / الموضوع خاص بالإستفسارات فقط

[مسيو / السيد شلبى]

بعد السلام شكرا للرد

[الجندي333]

أطيب الاماني للمشرفين الجدد بالتوفيق وارق التحيه للمشرفين السابقين علي حسن تميزهم

[Sir | Youri]

طب أنا مش عايز أدمج وعايز أترشح بالعضوية دي

وهل ينفع أرشح نفسي إداري

أو هل ينفع أرشح نفسى على قسم رئيسي ؟؟ :-)

[the black rose]

ممكن اعرف مدة الانتخابات ؟

[Dr. akram]

المشاركة الأصلية كتبت بواسطة MohammeD el_SadaT

بسم الله الرحمن الرحيم

السلام عليكم ورحمه الله وبركاته

بإذن الله سوف يتم عمل إنتخابات على جميع أقسام المنتدى

أحب أوضحلكم حاجه مهمه قبل ما أقول شروط المتقدمين :-

الحاجه دى يا جماعه هى إن المشرف قبل ما يكون شايل مسؤليه كبيره على كتفه فهى أمانه أكبر هتتسأل عنها يوم القيامه ( قصرت فى حقها .... ولا قمت بواجبك على أكمل وجه )
إوعو تفكرو إن الإشراف ده سلطه لاء والله الإشراف ده مش سلطه دى تحميل بالمسؤليه أكتر ما هى سلطه
عشان كده إحنا عملنا الإنتخابات عشان تكون مترشح بمذاجك مش مجبر على الإشراف يعنى
(" هتتحمل المسؤليه كامه ووزر التقصير كامل ")

وكده أبقى انا خلصت ذمتى وضميرى أمام ربنا سبحانه وتعالى ووضعت لكم النقط على الحروف قبل الدخول فى اى حاجه

شروط المتقدمين للإشراف

• عدد المشاركات لا يقل عن 300 مشاركه
  
• يجب أن يكون القسم المتقدم عليه لك فيه بصمه واضحه من مواضيع وردود
  
• يحق للمشرف الحالى على القسم الترشيح
  
• لا يحق للمرشح ترشيح نفسه لأكثر من قسمين
  
• الأقسام التى لن يتم الترشيح لها من قبل الأعضاء سوف يتم تعين المشرفين عليها بواسطه الإداره
  
• المشرف التى تراه الإداره مقصر أو الأعضاء سوف يتم عزله دون الرجوع إليه
  
• سوف يتم وضع المشرف بعد الإنتخاب 7 أيام كإختبار إن أثبت كفاءه يستمر معنا بإذن الله أما إن لم يثبت فلا يكلف الله نفساً إلا وسعها
  
• أثناء عملت الإدلاء بالأصوات لن يتم إحتساب أصوات الأعضاء التى لم يتجاوز مشاركاتهم ال50 مشاركه
  
• أيضاً لن يتم إحتساب الأعضاء المسجلين جدد
  

وياريت يا جماعه اللى يشوف مشرف مقصر أو فيه أى حاجه يبلغ
دا خليفه المسلمين وخليل نبينا محمد عليه أفضل الصلاه والسلام سيدنا أبو بكر رضى الله عنه وأرضاه
قال

" أيها الناس قد وليت عليكم ولست بخيركم ، فإن أحسنت فأعينوني ،وإن أسأت فقوموني "

وتتمنى إداره المنتدى التوفيق للجميع
:D

حضرتك قايل انه لا يقل عن 300 مشاركة و فى صفحة التقدم للاشراف مكتوب 500 انهى الصح من فضلك
و لك الشكر

[thechampion]

وااله انا بقترح بتخفيض عدد المشاركات الازمة للترشح

[Grand_Dreams]

فكره جميله اوى
بجد رائعه
بس للاسف انا مش انفع لان شرط المشاركات مش مطبق عليا

[..Just Stop]

المشاركة الأصلية كتبت بواسطة Sir | Youri

طب أنا مش عايز أدمج وعايز أترشح بالعضوية دي
مشاركاتك لا تكفى ادخل جرس الفسحة يمكن ربنا يكرمك وتجيب خمسومية جرب بس
وهل ينفع أرشح نفسي إداري



طبعا لا يا يورى ( حمدا لله على سلامتك اولا )
الاداريين اتعينو من النهاردة خلاص



أو هل ينفع أرشح نفسى على قسم رئيسي ؟؟
زى ايه مثلا

:-)

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!
!!!!!!!!!!!!!!!!!!!!!!!!
!!!!!!
!!!
!!
!

[ايمن جابر]

السلام عليلكم
موضوع جذاب و الله

[السندباد المصري]

انا مشاركاتي قليلة لكن فعالة
وان شاء الله أحاول أشوف الوقت الكافي للرد علي كل المواضيع وزيادة مشاركاتي

[Dr. akram]

ممكن اعرف باقى كام يوم حتى يغلق باب الترشيح للمشرفين

[dr.saeed]

بيكون كام مشرف يتم اختيارهم على القسم الواحد؟

المشاركة الأصلية كتبت بواسطة dr.saeed

بيكون كام مشرف يتم اختيارهم على القسم الواحد؟

مشرف واحد على كل قسم ماعاده العام
لانه قسم كبير وبيحتاج اتنين من المشرفين

[ابو داليا]

نرجوا من الله التوفيق للجميع
وياريت اللى يرشح نفسه يكون فاهم مسئولياته
والله الموفق

[Sir | Youri]

طب محدش من المشرفين العوام والإداريين والأدمستراتورز ربنا يكتر في أعدادهم ررد علي

هل هو تنفيض أم فكك و خليها قرعة أما ماذا ؟؟

أم انهم مشغولون مثلا ... وياريت نعرف في إيه ..

تحياتي