|
#361
10-07-2008, 07:44 PM
|
||||
|
||||
السلام عليكم ورحمة الله وبركاته
ازيكوا يا جماعه عاملين ايه ؟ اهو انا دلوقتى حصلتلى حاجه غريبه حبيت اعرفهلكم انا من نص ساعه تقريبا قومت اتغدي وانا قبل ما اقوم كنت بدور بردة والله على معلومات حول القصر دة المهم قومت اتغدي وانا قاعد على السفره سمعت صوت حاجات بتتكسر وتخبط جامد واصوات غريبه كدة فى غرفتى والغرفة فيها الكمبيوتر انا بصراحه اتخضيت والله وقومت بسرعه اروح الغرفه مالقتش اى حاجه والله العظيم ولا كأن فى اى حاجه بصراحه انا خوفت شويه ورجعت تانى اكمل غدايا مع انى مكنش ليا نفس اكل بعد الخضه دي بس محبتش افضل فى الغرفه فى الوقت ده المهم رجعت اتغدي ورجعت غرفتى تانى اقعد على الكمبيوتر واكمل اللى كنت بعمله مالقتش كل الصور وكل المتعلقات بالقصر مع انى والله كنت شايفها قبل ما اقوم وكنت بعمل تعديلات فيها بس انا دلوقتى والله العظيم اقسم بالله مطمن جدا لان واحد شيخ من اللى رحتلهم قالى لو حصلتلك حاجات غريبه اعرف انك ماشي صح والله وانا مطمن دلوقتى اوى وانا بقولكم كدة علشان تعرفوا بس العذاب اللى انا فيه انا وصاحبي علشان بعض الاخوه بيقولوا نشيل الكلام دة من دماغنا والله العظيم يا جماعه اقسم بالله كل كلمة بقولهالكم حقيقه والله وانا بقولكوا يا جماعه علشان الاخوات اللى بيفكروا يروحوا القصر بليل يخدوا الكلام دة عبرة وموعظة وقبل مايفكر يروح يفكر فى اللى ممكن يحصله يارب يا جماعه تكونوا فهمتوا قصدي وخليكوا معايا بقى علشان ماخفش :D والسلام عليكم ورحمة الله وبركاته آخر تعديل بواسطة DaRk ZoNe ، 10-07-2008 الساعة 07:56 PM |
|
#362
10-07-2008, 08:51 PM
|
||||
|
||||
|
موضوع رائع جدااا و بجد الشباب دول جمدييين موووت لو تعرفي توصليهلهم سلامي يبقي كويس علشان انا بموت في الاماكن القديمة و تقريبا شخصيتي زي شخصية احمد بس هو قلبوا اجمد :: انا قريت التسع حلقات الاولي و حبة من التانين بس حسيت ان التنين زي التسع الاولين علشان كيده مكملتش بس ان شاء الله هحاول اكملهم و ربنا يديكي و ان شاء الله تجيبي مجموع و ارجوكي ادعيلي لاني بجد في موقف وحش جدااا:::: و ربنا يستر
__________________
 LibEral pErsOn
|
|
#363
10-07-2008, 08:57 PM
|
||||
|
||||
|
اقتباس:
انتوا كده هتخلونى ماعنتش ادخل الموضوع ده تانى هى العفاريت دى متابعه الموضوع على النت ولا ايه لا بقولوكوا ايه انا راجل صحتى على قدى ومش ناقص |
|
#364
10-07-2008, 09:01 PM
|
||||
|
||||
|
دي الحلقه السادسه
سامحوني والله تعبانه جدا ومش قادره اكتب حاجه بس بكره مش هكون موجوده في البيت طول النهار يعني احتمال ماحطش الصبح واحط حلقة بالليل بس ربنا معاك يا اخ فؤاد بجد قلبي مع حضرتك الحلقه السادسه فضلنا واقفين قدام القطه مش مصدقين نفسنا....هيه ايه اللي جابها هنا بجد اول اتاكدت انها زي ما حسيت قبل كده...انها مش قطه!! روحت شادد هيثم ومشينا من جنبها وهيا بتراقبنا بعنيها وبتلف وشها بس واحنا نستعيذ بالله من الشيطان وفي الاخر طلعنا نجري...لحد ما بعدنا وفضلنا ماشين...مش مصدقين انا: شوفت يا هيثم القطه...مش دي اللي... هو: ايوا هيه..هيه يا محمد..وبعدين انا بجد خايف اوي اوي وبدأ يعيط... انا: انت بتعيط ليه يا هيثم....مفيش راجل يعيط انت عبيط ولا ايه..اومال محمد اللي شوف هوا فين دلوقتي وبعد ده كله معيطش ولا وكمان عايش لوحده هوا: انا مرعوب....خايف انا: انت مش بتصلي...ودايما بتقرا قران...اتاكد ان ربنا حاميك وان مش هيحصلك حاجه دي كلها حاجات ظاهريه بس....بيخوفونا....وبدات انفعل واصرخ في الشارع والناس بتبص بيخوفونا.....احنا مش بنخاف غير من اللي خالقنا.....واللي عايز يطلع يطلع....بجد انا مكنتش في وعيي يومها لقيت هيثم بيقولي: اهدى طيب اهدى...تعالا نروح نطمن على محمد قولتله يلا...وفعلا روحنا لمحمد...واطمنا عليه بس مرضناش نجبله سيره اننا روحنا القصر عشان مش يقلق ولا حاجه وبعدين نزلنا من عنده.....وفضلنا ماشين لحد ما وصلت هيثم بيته..... بس بجد طول ما احنا ماشين ... حاسين ان في حد ماشي معانا...بس مش شايفين حد المهم اول ما وصلت هيثم البيت...هوا بيته قريب اوي من بيته...يعني يا دوب بجد ربع ساعه...كان الوقت ساعتها 8 لما طلع بيته المهم انا وصلت بيتي الساعه 8 وربع.......وطلعت واول ما وصلت للشقه...لقيت القطه قودامها.....بجد خفت اوي اوي واتنرفزت اوي اوي...قومت جاري عليها بهشها فطلعت تيجري دخلت البيت...مكنش لسه اهلي جم وانا معدي كده رايح للاوضه..حسيت زي ما يكون في حاجه حصلت لقتت انتباهي من بعيد رجعت ابص تاني...لقيت نور الحمام والع!.........قولت يمكن نسيوه طفيته...وخرجت لقيت التلفون بيرن...طلع هيثم انا: الو ايوا يا هيثم مالك هوا: الحق...تخيل شوفت ايه انا: ايه قالي: بعد ما طلعت البيت وقعدت شويه طلبوا مني حاجه فجي افتح الباب لقيت القطه في وشي! انا اترعبت...ازاي اذا كنت لسه شايف القطه من شويه....هيه كانت اتنين ولا ايه قالي: ايه مالك ساكت ليه مرضتش اقوله...بس مقدرتش لان هوا حس قالي: انت شوفتها انا: اه لسه من شويه قالي: يعني في نفس الوقت اللي شوفتها فيه........يا رب استر انا: مش عارف بقا..بس برضه مش خايق قالي: طيب انا هنام بقا انا: اوك تصبح ع خير...انا هنزل اجيب حاجه اكلها قفلت معاه..............وانا رايح ناحية الباب...في حاجه لفتت انتباهي تاني ببص ناحيتها.......................اترعبت اوي لقيت نور الحمام والع!!!!!!!!!!!!!!!!!!!!!!!!!!!!!
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#365
10-07-2008, 09:05 PM
|
|||
|
|||
|
استاذ فؤاد الاول البقاء لله .. ربنا يرحمه ويقيه من عذاب النار تانى حاجة انا اسفة انى باتدخل ف الموضوع بتاعك بجد انا حاسة باللى انتم فيه بس شايفة الفكرة دى مش كويسة وواضح انه صعب اوى نقنعك تغير رأيك ف هاطلب منك تصلى استخارة وتفكر كويس اوى ف كل حاجة ممكن تحصل لان واضح انك جمعت معلومات كتير ف الموضوع ده فكر كويس اوى فيها وربنا يهديكم للصح ويبعد عنكم اى حاجة وحشة اقتباس:
ليه عايزين تجيبوا حاجة من هناك ؟ واشمعنى تمثال او حاجة من حمام ؟ اقتباس:
يعنى الشيخ اللى انت روحتله كان موافقك على فكرة الانتقام دى ؟!
آخر تعديل بواسطة Rien ، 10-07-2008 الساعة 09:19 PM |
|
#367
10-07-2008, 09:10 PM
|
||||
|
||||
|
و يا فؤاد نصيحة لوجه الله ::: ابتعد عن الفي دماغك لسبب ان الاعمار بيد الله يعني صديقك توفي :: خلاص مش معقول هنقول لا لازم ناخد حقه ::: و ابتعد عن منجمين علشان (( كذب المنجمين و لو صدقوا )) و علشان البيصدق ده بيبقي كافر و العياذ بالله :::
قال رسول الله صلي الله عليه و سلم :: ((ليس منا من تطير او تٌطير له أو تكهن او تٌكهن له او سحر او سٌحر له و من أتي كاهنا فصدقه فقد كفر بما أنزل علي محمد )) اخرجه البزار وو اخرج مسلم ((من أتي عرافا فسأله عن شيء فصدقه لم تقبل له صلاة أربعين يوما )) يعني يا اخي انت ادعي الله لصديقك بأن يغفر له و حاول الاستغفار :: اصل انت لو عملت حاجة هتستفيد ايه ؟!؟! ولا حاجة :: هتقولي هستريح :: ولا هتستريح و لا حاجة :::::::: ده انت ممكن تخش في متاهات تانية و تتعمق اكثر فأكثر :: و اني لأخاف عليك من الضلال :: الجأ الي الله :::: و لا تلجأ لاحد سواه ::::::: اللهم بلغت اللهم فشهد
__________________
LibEral pErsOn
آخر تعديل بواسطة Ra2oF ، 10-07-2008 الساعة 09:12 PM |
|
#368
10-07-2008, 09:10 PM
|
||||
|
||||
|
فواد استخير الله
والله يرحم صاحبك
__________________
الثورة مستمرة |
|
#369
10-07-2008, 09:18 PM
|
|||
|
|||
|
اقتباس:
الف سلامة عليكى يا سيندا
ربنا معاكى ومش تشغلى بالك بالحلقات المهم تطمنينا عليكى |
|
#370
10-07-2008, 09:29 PM
|
||||
|
||||
|
اقتباس:
ألف سلامة عليكى يا زوزو اقتباس:
أستاذ فؤاد خلاص اللى حصل حصل وربنا يرحم صديقك ويغفرله ذنوبه حضرتك فعلاً مش هتستفيد حاجة مش يمكن ولا قدر الله يحصل حاجة لحد منكم وبعدين هما مخلوقات وبتحس زينا وأكيد لما حد يدخل بيتك يفضل يدور ويستكشف إنت هتدايق من اللى بيعمله هما كده برده مش عايزين حد يدايقهم المفروض أصلا اللى بيحرصوا القصر دول يشغلوا قرآن فى القصر فى كل مكان فيه وكل شىء هينتهى بتهيقلى الموضوع مش صعب للدرجة دى ويا ريت تفكر فى كلامنا كويس أوى لأنك لو فضلت ماشى ورا أفكارك ممكن والعياذ بالله يحصل شرك بالله وإستغفر ربنا وقرب من ربنا أكتر وحاول تغير إتجاهك وذهنك من حكاية القصر ده وإشغل نفسك بحاجة تستفيد منها دراسة ودين وهكذا وماتنساش حضرتك إن بعد كده هيكون ليك حياتك الخاصة وممكن باللى هتعمله ده هتضر أسرتك وربنا يهديك ويهدينا إلى الصواب
__________________
إذا فقدت كل شىء و بقيت ثقتك بالله فإنك لم تفقد شيئاً
آخر تعديل بواسطة أسيل رزق ، 10-07-2008 الساعة 09:31 PM |
|
#371
10-07-2008, 09:31 PM
|
||||
|
||||
|
طبعا يا سندريلا انا متبعاكى من اول يوم كتبتى فى الموضوع بس كنت مستنية لما اقرا حلاقاتك كلها عشان اعقب فى الاخر وبجد انا فى حلقات خليتنى اعيط من الرعب وماكنش بيجيلى نوم لحد الصبح وطبعا انا لما قريت قصة الاخ فؤاد اصريت انى اعقب فى الوقت دة. يا اخ فؤاد انا بقرا الى بتكتبة وانا كلى استغراب مش عارفة اقولك اية البقاء لله بس بجد تفتكر ان الاحسن انك تروح لمنجمين وكدة ولا انك تدعى لصاحبك وتقرب انت وصاحبك التانى اكتر من ربنا واصرف الفلوس دية فى وجة الله بدل ماتصرفها على شخصيات ما تستحقش وانا عارفة ان الموضوع مش موضوع فلوس اصلا وبعدين صدقنى انت لو حطيت فكرة الانتقام فى دماغك مهما حصل وانتقمت لازم هتطلع من الموضوع دة بخسارة كبيرة طبعا انا عارفة انك خسرت اعز صاحب ليك بس بجد الى حصل دة يخليك تاخد موعظة كبيرة وانا مقدرة موقفك بس فعلا ياريت متروحش لمنجمين ولا تحاول تروح القصر ارجوك كفاية الى حصل لكم من وراة لحد كدة وانا بشكرك اوى ياسندريلا على الموضوع دة. بجد موضوعك رائع جدا .
|
|
#372
10-07-2008, 09:55 PM
|
||||
|
||||
|
لا للانتقام
اقتباس:
الانتقام مش هينفع بحاجة واذا كان الانتقام هيرضيك انت مش هيرضى ربنا اكتر واكتر اللى حضرتك بتعمله ده ملهوش لازمة انت تاعب نفسك على الفاضى ولسه هتتعب اكتر لان طول ما انت بتحاول توصل لهم مش هتخلص ويعنى هتنتقم تعمل ايه؟؟ وفكرك لما تنتقم من اللى فى القصر دول هتبقى قضيت على كل الجان يعنى هتخلص من دول هيطلعلك ملايين غيرهم دول ما بيصدقوا يلاقوا واحد زي حضرتك بيقرب لهم فى كل خطوة اكتر ما بيقرب لربنا المفروض قصة صاحبك دى تخليك تقرب من ربنا مش تبعد عنه اكتر
__________________
. قـــمـة الحـــزن ان تـبـتسم وفي عـينك الـف دمـعة |
|
#373
10-07-2008, 11:29 PM
|
||||
|
||||
|
السلام عليكم ورحمة الله وبركاته
ازيكوا يا جماعه ؟ اولا هعقب على كلام الاخت kalapala انا يا اختى مش برمي نفسي فى تهلكه ولا حاجه وانا واثق من نجاحى فى اللى انا هعمله بنسبة 98% ويا اختي انتى بتقولى انى مش اعرف عنهم حاجه وهما يعرفوا عني كل حاجه لا يا اختى انا اعرف عنهم اكتر ماهما يعرفوني انا قولت انى جمعت معلومات كتير جدا جدا والله وابحاث وتجارب وحاجات كتير والله اى نعم هي اتمسحت من الكمبيوتر عندي النهارده لكن انا طبعا فهمتها وحفظتها اكانى انا اللى كاتبها ولو عايز اجبها تانى هجبها وانا فعلا جبت نصهم تقريبا علشان اشوف ايه اللى هيحصل تانى وانتى بتقولى ان ممكن حد من اصحابكم واخواتكم من هنا ممكن يروحوا القصر لا متهيالك بس هما لو راحوا وشافوا منظره بس وافتكروا الكلام اللى قراؤه هنا هيرجعوا تانى عالطوووول :D وانا عارف يا اختى اللى ممكن يحصلى انا عارف انى ممكن اموت بس اللى انا عرفته عنهم انهم مش بيقتلوا بس بيموتوا من العذاب والخوف والرعب اللى بيسببوه للانسان وانا الحمدلله اعرف احمي نفسي منهم كويس اوى وانا واثق فى نفسي جدا جدا انا وصاحبي وبصراحه بيعنها لاننا لو موتنا ارحم من عشتنا دي يا اختى انا مش بحب افسر واحكي عن اللى بيحصل لنا انا وصاحبي زياد علشان محدش يفكر اننا مجانين ولا حاجه ثانيا الاخت SENDRILLA الف سلامه على حضرتك وان شاء الله تبقي كويسه وتنوري موضوعك تانى وحضرتك بتقولى انك حاسه باللى احنا فيه انا عارف انك حاسه وكل حاجه بس مش زينا والله وكل واحد من اخواتنا بيقول انسوا الموضوع ده وشيلوه من دماغكم بيبقي مش حاسس باللى احنا فيه لانه لو حاسس هو اللى هيشجعنا وانا كنت رحت للمنجمين يا اختى غصب عني لانى كنت محتاج اى معلومه من اى شخص ممكن تفدني ده السبب اللى خلانى اروح للمنجمين وياريت يا اختي ليا طلب بس ممكن تنزلى الحلقات دي قبل 4 ايام لانى محتاجها علشان اقدر اجمعها كلها على بعضها علشان ممكن تفدني بعد اذن حضرتك طبعا ثالثا الاخت _.Mona._ اول حاجه يا اختى بلاش اسفه دي احنا اخوات وبعدين ايوه يا اختى انا جمعت معلومات كتيره جدا جدا لدرجة انى بقيت حاسس انى كنت عايش معاهم واعرف عنهم كل حاجه وانا فكرت كتير اوى والله ولقيت ان اللى انا عايز اعمله ده هو الصح لان حياتى كلها بقت صعبه جدا والله والموت ارحم بكتير بس بصراحه محاولتش انى اصلى صلاة استخاره مش عارف ليه بس ان شاء الله هحاول وهرد على اسئلة حضرتك وهي ليه عايزين تجيبوا حاجة من هناك ؟ علشان المكان مسكون يا اختى ولما نجيب حاجه ممكن يكون فيها جن او على الاقل حاجه من رحيتهم زي ما بنقول ودي اول طريقه اللى هنبدا بيها والسؤال التانى واشمعنى تمثال او حاجة من حمام ؟ لان التماثيل معظمها بتبقي مسكن للجن و غلط اصلا اننا نحطها فى بيتنا فى حياتنا العاديه والحمام بردة يعتبر مسكن لجن لو تفتكروا ان دايما كنا بنسمع كلة ماتصرخش فى الحمام ماتعليش صوتك فى الحمام اكيد كلنا سمعنا الاقاويل دي والسؤال الثالث يعنى الشيخ اللى انت روحتله كان موافقك على فكرة الانتقام دى ؟! لا يا اختى هو حاول يقنعنا باننا منعملش كده وده ممكن يعرض حيتنا للخطر واحنا صممنا وهو خلاص فقد الامل انه يقنعنا رابعا الاخ Ra2oF يا اخى انا واحد مؤمن بربنا واعرف ربنا كويس وقريبه منه دايما والله وانا اعرف كل كلامك بس السبب اللى خلانى اروح للمنجمين انى كنت محتاج اى معلومه من اى حد وده كان السبب بس والله ويا اخى انا والله هستريح لو حضرتك حاسس باللى احنا فيه كنت هتعرف كلامي ده انا حياتى بقت شبه جحيم يا جماعه فى حاجات والله بتحصلنا انا وصاحبي زياد بس انا مش عايز اقولها وكدة علشان مشغلش بالى او حد يقول عليا مجنون وانا يا اخى عارف اذا احمي نفسي من المتاهات التانيه اللى انت تقصدها وانا واثق من كلامي جدا لانه ناتج عن تجارب خامسا الاخ nano2222 حاضر يا اخى هستخير ربنا سادسا الاخت اسيل رزق يا اختى انا والله هستفيد كتير على الاقل هرتاح حتي لو مت ماهو الموت راحه بردة ويا اختى انتى بتقولوا انهم بيحسوا كدة زينا وبيضايقوا وانى لو مكانهم هضايق اه هضايق بس مش هقتل ويا اختى انتى بتقولى ممكن يحصل شرك بالله والعياذ بالله لا يا اختى انا واحد مؤمن بربنا واعرف ربنا كويس اوى وقريب منه والله وحضرتك بتقولى حياتى الخاصه واحنا عارفين طبعا ان سن العشرينات سن ربيع العمر وانا من دلوقتى مستغني عنه ومش بفكر فى اسره ولا حاجه وبعدين كلها سنه واخلص دراستى وارجع لايطاليا تانى ويا اختى كل ما يصيبنا الا ما كتب الله لنا سابعا الاخت ريهام رشاد يا اختى انا بروح لمنجمين علشان كنت محتاج اعرف اى معلومه من اى حد وده السبب اللى خلانى اروح لهم وانا يا اختى طبعا بدعى لصاحبي ليل والنهار والله وحكاية انى اخرج فلوس لوجه الله ده مينفعش طبعا اتكلم فيه لان دي حاجه وبينى وبين ربنا ويا اختى انا بحاول اجمع كل المعلومات دي وكل اللى انا بعمله ده علشان اخرج من الموضوع ده بدون خساير او على الاقل تكون اقل خساير مع انى واثق فى نفسي وفى نجاحي جدا جدا ومفيش خساير اكتر من خسارة اعز اصحابي طبعا وانا يا اختى دلوقتى مبقتش بروح لمنجمين بعد ما جمعت كل المعلومات اللى هما يعرفوها ودلوقتى بحثى كله عن البحوث العمليه والتجارب ويا اختى انا لازم اروح القصر علشان اقدر اجيب اول حاجه هنبدا بيها وشكرا لتعاطفكم يا جماعه بجد شعور طيب ونبيل من حضراتكم وبشكر مره تانيه كل اللى دعي لصديقى بالرحمه والمغفره واى استفسارات او اسئله اتفضلوا يا جماعه بطرحها وانا ان شاء الله اجاوبكم عليها والسلام عليكم ورحمة الله وبركاته |
|
#374
10-07-2008, 11:44 PM
|
||||
|
||||
|
الحمد لله ان المشرفين خدوا بالهم من الموضوع وخلوه مثبت
لان الموضوع ده فعلا من اقل حقوقه انه يبقى مثبت وانا احب اقول حاجه ل dark zone النصيحه واجبه من المسلم للمسلم وبصراحه مفيش حد فى المنتدى مانصحكش افعل ما شئت فكما تدين تدان |
|
#375
10-07-2008, 11:47 PM
|
||||
|
||||
|
لالالالالالالالالالالالالالالا
انا ماكنتش اتوقع انها توصل لكدا بس اقولكم حاجة ياجماعة بجد زى ماانتوا قلتوا هما خوافين وضعفا كمان وهما بيستقووا على اللى يخافوا منهم بس المفروض لو دخلتوا القصر ماتخافوش ماتقروش قران وانتوا خايفين واعلموا ان لو اجمعوا كلهم على قلب جنى واحد فلن يضروك الا ماشاء الله يعنى لو مكتوب لك تضر هتضر وربنا بيسبب الاسباب احنا نصلح علاقتنا مع ربنا وماناخفهمش بردو مخلوق هيخاف من مخلوق؟ امال رب العباد اللى بنخاف منو فين باه والله يرحم تامر قريت لو الفاتحة ياريت كل اللى يفتكرو يقرا لو الفاتحة وقولوا دايما (طمنى بيك يارب) بجد هتحسوا براحة اوى
__________________
مهما طال الزمان وحتى لو اتغير المكان ان شالله تتغير الظروف كمان حفضل زى ما انا
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:39 AM.
