|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
16-07-2008, 07:21 AM
|
||||
|
||||
صيدلة ولا علاج طبيعى ..!!
السلام عليكم ورحمة الله
ازيكم يا شباب يارب تكونوا جميعا بخير وألف ألف مبرووك لك الطلبة وربنا يعوض اى طالب ماقدرش يحقق أمانيه لكن الحمد لله على اى حال عموما انا عايزة اخد رأيكم قبل ما التنسيق يظهر وطبعا اللى احنا متأكدين منه بإذن الله ان التسنيق هايقل عن السنة اللى فاتت ولو بواحد فى المية انا الحمد لله جايبة 97.19 % وترتيبى ع الشعبة 7734 احتمال كبير انى ماالحقش طب ولا طب أسنان (على الرغم انى كنت بتمناهم) بس الحمد لله طبعا دلوقتى هل افضل لى ايه صيدلة ولا علاج طبيعى ياريت اى حد يعرف اى معلومات عن كل كلية منهم ويقولى مميزات كل واحدة وعيوبها ولو انت فى مكانى هاتفضل ايه وشكرا ليكم جميعا وألف مبروووك .....
__________________
 يشتاق قلبى للصلاة على النبى ..طه الحبيب بلهفة الظمــآن
|
|
#2
16-07-2008, 07:44 AM
|
||||
|
||||
|
اولا الف الف مبروك يا دحيحة !! (بهزر طبعا)
ثانيا صعب اوي السؤال دا لإن دا بيتحدد بناءا على ميولك الشخصية لنفسك صيدلة يعني هاتطلعي صيدلي يبيع الدوا للناس (بس ابقي ركزي في اسم الدوا كويس)!! علاج طبيعي يعني هاتطلعي دكتورة علاج طبيعي وتأهيل رياضي وما الى ذلك الاتنين بيتهيألي 5 سنين برده فامافيش اختلاف كبير يعني .. بس بالنسبة لعلاج طبيعي دي بيتهيألي مربحة شويتين وليها مستقبل حلو .. انما صيدلة زي ماتقولي كدا بقت قديمة .. بس اللي عايز اقولهولك حاجة مهمة جدا .. مش عشان انتي جايبه ماشاء الله 97 يبقي تقولي انا مش لازم استخسر المجموع دا !! دا بالعكس .. انتي تفكري انا ميولي الشخصية ايه وانا عايزة ايه وعايزة ابقي يه عشان ربنا يوفقني وابقي ناجحة .. انتي بصيتي لصيدلة وعلاج طبيعي .. ونسيتي خالص كلية التمريض .. معا انها من احلي الكليات واضمنها شغلك مضمون جدااااااا بعد التخرج .. عموما حاولي تبني فكره عامة عن انتي عايزة ايه ومتوقعة تنجحي في ايه .. وبرده مشورة الاهل واجبة وخدي بالاسباب .. وصلي صلاة استخارة برده .. وربنا يجيب اللي فيه الخير والف مبروك مرة تانية |
|
#3
16-07-2008, 08:07 AM
|
||||
|
||||
|
أولا ألف شكر على الاهتمام والنصيحة
بالنسبة لميولى الشخصية فانا كنت بتمنى طب الاسنان جدا ووالدى ووالدتى كانوا بيتمنوا الطب البشرى باعتبار انى اخواتى فيها وهايساعدونى كتير بخبرتهم فى الكلية لكن بالنسبة لى زى ماقولت لك انا حابة جدا طب الاسنان وميولى متعارضة تماما مع كلية الصيدلة مش لانها قديمة ولا اى حاجة دى هاتفضل كلية مرموقة جدا ومن كليات القمة لان اعتقد ان صيدلة ماتناسبنيش لانها فى الاول وفى الاخر مهنة تجارية ياما افتح الصيديلة واقف فيها (أبيع دواء) أو افتح صيدلة واقعد فى بيتى وأكسب من وراها يعنى تجارة فى الاخر .. ووالدى معارض تماما كلية الصيدلة أما بالنسبة للعلاج الطبيعى فانا شايفة طبعا انها ماتفرقش فى مستقبلها عن كلية الطب او طب الاسنان بل بالعكس مريحة جدا عنهم ومستقبلها مضمون مية فى المية وبالنسبة للتمريض فهى كلية جميلة جدا جدا وربنا يوفق كل الطلبة اللى فيها وانا مش معرضاها ولا حاجة بس المجتمع اعتقد هو اللى معارضها أقصد المكانة الاجتماعية للممرضة ..!! بس هى طبعا كلية ممتازة مافيش اى حاجة لكن انا اخواتى التلاتة فى كلية الطب وبمقارنة التمريض اعتقد انها اقل لكن والله هى كلية ممتازة وانا فعلا فكرت فيه واذا كان حصل اى ظروف ومجموع مثلا مش هالحق بيه صيدلة ولا علاج طبيعى أعتقد تمريض افضل بكتير من تربية وما شابه .. لكن زى ما قولت ميولى اى حاجة تكون فى مجال الطب وكنت افضل طب الاسنان وربنا يسهل فى التنسيق وفى الاول وفى الاخر الحمد لله على كل حال وشكرا جزيلا
__________________
يشتاق قلبى للصلاة على النبى ..طه الحبيب بلهفة الظمــآن
|
|
#4
16-07-2008, 08:27 AM
|
|||
|
|||
|
ماهى بقى المشكلة فى نظرة المجتمع
بس اعملى اللى انتى عاوزاه وحاسة انك هتنجحى فيه وفكرى كويس يعنى انا مثلا ان شاء الله هكمل احياء فى تالتة مع ان اى عاقل جاب مجموعى هيكمل رياضة 2 بس المشكلة فى الميول والقدرات بقى فاعملى اللى انتى شايفاه صح وان شاء الله على قد تعبك تلاقى والتنسيق يبقى فى مصلحتك ومصلحة كل الناس ومصلحتى السنة الجاية كمان ان شاء الله |
|
#5
16-07-2008, 08:38 AM
|
||||
|
||||
|
والله يا جماعة انا بكل بساطة شايف ان الموضوع مش محتاج التعقيد دا كله
كل ما في الامر شوية تفكير وحسن اختيار مش اكتر يعني شغالين تفكير طول السنة وطالعين عنيكوا .. وجايين دلوقتي دماغكوا تقف ؟!! انا شايف ان تمريض كويسه والله ونظرة المجتمع ليها مش سيئة ولا حاجة ..بس دا طبعا للناس اللي بتفهم .. بعدين دانا حتى روحت معا اخويا القصر العيني مرة معاه قبل كدا .. اتلاقيتهم هناك وكان شكلهم حلو اوي تحس انهم ملايكة ماشيين !! بعدين يستحسن تبعدي عن الطب دا نهائىىىىىىىى لإنك ماتعرفيش اللي هايحصلك فيه مش عشان اخواتك دخلوا طب يبقي انتي تخشي زيهم عشان تكملوا المستشفي اللي انتوا عايزين تعملوها!! دا حتى يبقي حرام عليكي .. مانا اخويا في امتياز السنه دي اهو .. ماتتخيليش كم المعاناه اللي عاناها خلال الست سنين اللي قضاهم دا كفاية سنة تالته وسنة خمسة وساته .. سنة ساته دي بتتاخد في سنة ونص !! والنبي مش حرام ؟!! بعدين دانتي بنت يعني هاتضيعي شبابك اونطه في كلية انا شايف انها عادية . الدكاترة بقم كتير .. اي نعم هيا برستيج اه بس مقابلها مش كويس بالنسبالك .. 6 سنين دح .. + سنة امتياز تتمرمطي فيها في القصر العيني لو كنتي قاهرة يعني .. + سنتين تكليف وانتي وحظك بقي في الحتى اللي هاتترمي فيها .. ومش بعيد يرموكي في سينا ..تبقي تعالجي الجرحي الاسرئليين !! يعني بالعموم كدا عايزالك مش اقل من 12 سنة من دلوقتي عشان تبقي دكتورة عليها القيمة اسألي اخواتك اللي في طب وهما يقولولك .. انا عن نفسي شبه كنت بذاكر معا اخويا من المعاناه اللي هوا كان بيشوفها !! |
|
#6
16-07-2008, 09:40 AM
|
||||
|
||||
|
اقتباس:
ربنا معاكى يا ريهام وان شاء الله كل خير
__________________
يشتاق قلبى للصلاة على النبى ..طه الحبيب بلهفة الظمــآن
|
|
#7
16-07-2008, 10:18 AM
|
||||
|
||||
|
اقتباس:
انا معاك اوك فى كل اللى قولته ايوة انا عارفة وشايفة اودامى ان كلية الطب صعبة جدا ودراستها تقيلة لكن صدقنى فى الاخر هاتحس بالسعادة وهاتفضل كلية الطب هى الكلية القمة ومافيش شك فى كده واعتقد ان الطالب اللى بيدخلها برضاه ورغبته هو بيحقق فيها نجاح وربنا بيسعده اما بالنسبة بقى لبنت ولا ولد اعتقد انها مش هاتأثر خاالص على كونها بنت ولا على مستقبلها او حياتها بل بالعكس اعتقد وده من وجهة نظرى ان الولد هو المتضرر منها (وده اذا كان فيه ضرر اساسا) لان 12 سنة زى ما انت حسبتها كده على بال مايرتب نفسه ويقدر يفتح عيادة ويشوف مستقبله فكلية الطب مافيهاش اى ضرر للبنت نهاااااائى وانا شايفة ان البنت انسب ليها والولد بتاع تجارة يعنى كلية الصيدلة عموما دى كلها وجهات نظر وكل اللى حابب حاجة وشايف نفسه فيها مايترددش نهائى وربنا يوفقه
__________________
يشتاق قلبى للصلاة على النبى ..طه الحبيب بلهفة الظمــآن
|
|
#8
16-07-2008, 10:22 AM
|
||||
|
||||
|
احنا كده دخلنا فى كلام فرعى
وياريت ماحدش يبخل عليا بنصيحته لان هاتأثر فيها بالتأكيد بس عايزة اسأل سؤال ل vampire1188 لو انت مكانى وجايب 97.19% فى ظل المجاميع الموجودة دلوقتى والتنسيق اللى ربنا اعلم هايكون شكله ايه تقدر تكتب كلية التمريض أول رغبة ..؟؟ وياريت بكل جرأة كده وصراحة اعتقد لأ ... وده طبعا مش عيبا فى كلية التمريض ولا حاجة لكن ده لان فيه كليات مجموعك ده يجيبها وهى الأفضل بلا شك
__________________
يشتاق قلبى للصلاة على النبى ..طه الحبيب بلهفة الظمــآن
|
|
#9
16-07-2008, 10:37 AM
|
||||
|
||||
|
اقتباس:
 ليه الاحراج دا بس !! هوا عن نفسي اكيد طبعا مش هاقبل لكذا سبب .. طموحي مش كدا غير اني مش هامشي فيها غير انها معروفة انها كلية بنات .. او بمعني اصح كلية ذات طابع نسائي شويتين .. عن نفسي لو جيبت مجموع زي اللي سيادتك جيببتيه دا .. انا مش عارف هاعمل بيه ايه دا زي اللي معاه 999 الف جنيه .. وبيقليه الف جنيه ويجيب العربية الهامر!! بس في نفس الوقت مش هامشي بنظرية استخسار المجموع ... عشان دا يبقي حرام على نفسي لكن عموما 3 اسألة اسأليهم لنفسك وانتي تعرفي انتي عايزة ايه انا ايه ميولي ؟ - هامشي في الكلية اللي هاخشها كويس ؟ - هاعمل ايه لما اتخرج من الكلية ؟ اوبي على ال 3 اسألة دول .. طبقاً للمجموع اللي انتي جايباه .. وامشي بتظرية ليس في الامكان افضل مما كان وعيشي حياتك وربنا معاكوا  
|
|
#10
16-07-2008, 11:17 AM
|
||||
|
||||
|
ما هى ميولى خلاص مش هالحقها
انتو مش فاهمينى ليه انا دلوقتى كنت عايزة طب الاسنان ودى ميولى وده مستقبلى لكن خلاص دلوقتى انا بسأل صيدلة ولا علاج طبيعى
__________________
يشتاق قلبى للصلاة على النبى ..طه الحبيب بلهفة الظمــآن
|
|
#11
16-07-2008, 11:35 AM
|
||||
|
||||
|
لا ال الا الله .. مانتي نفسك جاوبتي في الاول !!
قولنا صيدلة قولتي صيدلة دي انا شايفه انها تجارية .. وانسب للولاد وباباكي معارضها قولنا علاج طبيعي قولتي مستقبلها حلو .. قولنا تمريض قولتي لأ .. يبقي في ايه بقىىىىىىىىى ؟؟ مابحبش انا اللف في الحلقة المغلقة دي .. فكري كويس وشوفي انتي عايزة ايه |
|
#12
16-07-2008, 12:02 PM
|
||||
|
||||
|
لا حول ولا قوة الا بالله
عموما ربنا يسهل ويرشدنا للاختيار الصح ألف شكر
__________________
يشتاق قلبى للصلاة على النبى ..طه الحبيب بلهفة الظمــآن
|
|
#13
18-07-2008, 05:26 PM
|
||||
|
||||
|
دلوقتى يا جماعة التنسيق ان شاء الله هايقل عن السنة اللى فاتت
وبإذن الله الحق طب الاسنان وعايزة بقى مشاركتكم دلوقتى طب اسنان ولا صيدلة انا محتارة
__________________
يشتاق قلبى للصلاة على النبى ..طه الحبيب بلهفة الظمــآن
|
|
#14
18-07-2008, 05:44 PM
|
||||
|
||||
|
اقتباس:
عايزة من الاخر .. اسنان حلوة واتكلي على الله .. بس قولي يارب احصلها بس !! |
|
#15
18-07-2008, 06:17 PM
|
||||
|
||||
|
ان شاء الله
__________________
يشتاق قلبى للصلاة على النبى ..طه الحبيب بلهفة الظمــآن
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:48 AM.
