إيميل وزير التربية والتعليم minister@email.emoe.org لإبلاغة برفض إمتحانات الكادر

[ledo2005]

هذا هو الإيميل المباشر للسيد الدكتور/يسرى الجمل وزير التربية والتعليم
minister@email.emoe.org
أرجوا من الجميع إرسال إيميلات للسيد الوزير لإبلاغة برفض جموع المعلمين إختبارات الكادر . وعدم ربط صرف الكادر بامتحانات الكادر. وعدم الإلتفاف على الوعد الرئاسى. كفانا بأة سلبية ولازم نقول مرة واحدة رأينا طالما نقابة المعلمين لا بتهش ولا بتنش
أرجوا المشاركة من الجميع وإرسال أكثر من إيميل
minister@email.emoe.org

[الاستاذ محمد سرور]

المشاركة الأصلية كتبت بواسطة ledo2005

هذا هو الإيميل المباشر للسيد الدكتور/يسرى الجمل وزير التربية والتعليم
minister@email.emoe.org
أرجوا من الجميع إرسال إيميلات للسيد الوزير لإبلاغة برفض جموع المعلمين إختبارات الكادر . وعدم ربط صرف الكادر بامتحانات الكادر. وعدم الإلتفاف على الوعد الرئاسى. كفانا بأة سلبية ولازم نقول مرة واحدة رأينا طالما نقابة المعلمين لا بتهش ولا بتنش
أرجوا المشاركة من الجميع وإرسال أكثر من إيميل
minister@email.emoe.org

استاذى الفاضل انك حقا متفائل

دة لو حضرتك مش بس معاك الايميل بتاعه دة لو انت قاعد امامه وبتكلمه وطلبت منه الغاء الامتحانات

للاسف وكانك تكلم جماد لن يتحرك له ساكنا

جزاك الله كل خير على مجهودك بس انا عايز اقولك ان الموضوع لن يتم الغاؤه

لأن الرد الطبيعى سيكون

لو انت فعلا مؤهل للعمل كمدرس لماذا تخشى دخول الاختبارات

فالرد الطبيعى لنا ايضا ان ندخل الاختبارات ونجتازها بكل نجاح وبعد كدة حيبقى معنا حجة قوية ان الاختبارات ما هى الا اهدار للمال العام بدليل نجاح المدرسين فيها وبذلك يتم الغاؤها

هذا هو الرد العملى والجذرى للموضوع

ارجوا التعليق

التعليق

[الجندي333]

اعتذااااااار
الاعتذار يجب ألا يكون عن الامتحان ولكن يجب الاعتذار للمعلم الذي اهان بالتشكيك فى علمه وعمله وادميته
كنت اتوقع الكادر يكون قبل الجانب المادي له جانب ادبي بمعني أن تكون للمعلم حصانة عضو مجلس الشعب والقضاء وغيرهم من زوي الحصانات فلولااااااااااا المعلم ما كان اي من هؤلاء فى مكانه
ارجووووكم لا تطالبو فقط بمنع الامتحانات ولكن يجب المطالبة بحصانة للمدرس فوق كل زوي الحصانات

[islam255]

المدرسين ولا هيعملوا حاجة

[أبو أحمدالشربيني]

رسالة إلى سيادة وزير التعليم
من يعيد الهيبة والإحترام للمعلم؟ . فالموضوع ليس ماديا بالدرحة الأولى بينما هو أدبيا بكل المقاييس . فهل الطبيب أو الممرض دخل إمتحان للحصول على الكادر ؟ وكذا أساتذة الجامعات ؟ ممكن أن يكون هناك فارق . لكن كل ما أود أن أقوله أن هناك معلمين حاصلين على درجة الماجستير أو الدكتوراة أو دبلومات دراسات عليا و كذلك دورات كثيرة كـ تشغيل الكومبيوتر والإنتل وال Icdl .....إلخ ويأتي الوقت الذي يجلس فيه في لجنة إختبار وكأنه يستجدي مكانته الأدبية . آسف ياسيادة الوزير . لا بد وان تبحث الوزارة عن أسلوب آخر كي تحقق الهدف الأسمى الذي نبحث عنه جميعا إعلاء شأن المعلم ماديا وأدبيا كي يتم إنجاح تطوير العملية التعليمية برمتها.

[صقر المنوفية]

يااستاذى الفاضل سيادة الوزير
فكر كويس فى الامتحانات سوف تجد انها وصمة عار فى تاريخك لن يغفرها لك التاريخ مدى الحياة لانك انت الوزير الوحيد الذى اهان المدرسين لاقصى درجة
(اتق الله وحسبى الله ونعم الوكيل)

[semsemsamarah]

يامعالى الوزير اعلم انها لو كانت دامت لغيرك لم تكن تصل اليك والموضوع ملخصه لايوجد فلوس للكادر والحكومه بدل ماتعترف بذلك بتقول رصدنا المبالغ اللازمه للمرحله الثانيه للكادر ولكن المدرسون هم الذين لم يجتازوا الامتجان ياجماعه وقفه واحده شوفوا بتوع الضرائب العقاريه ولا عمال المحله ودمنهور ياجماعه الخير عمال النظافه فى الجيزة عملوا مظاهره لما نقلوا رئيس الهيئه لمكان اخر قال تعالى واعتصموا بحبل الله جميعا ولا تتفرقوا صدق الله العظيم ماذا يحدث لو جاء الامتحان ولم يذهب احد اليه تخيل انك رئيس لجنه وتظاهر الطلاب وقالوا مش داخلين واحنا عارفين انها مجرد لعبه يلعبها الطلاب ولكن تجد نفسك تحاول بشتى الطرق ادخالهم لمقر لجانهم لان ميعاد اللجنه بدأ نحن اكبر نقابه على مستوى الجمهوريه ولكننا كغثاء السيل

[مسيو وليد عسكر]

اخي الكريم
مدرسين مصر افضل من افضل المدرسين علي مستوي الوطن العربي ويكفي ان نهضه البلدان العربيه جميعها مرجعها بعد الله سبحانه وتعالي في المعلم المصري الخلوق الواعي ونلعن ظروف الحياه التي جعلت الحاجه تطغي علي رغبتنا في العلم وفي تطوير انفسنا ..اخي نحن ذو عقليات ممتازه ولكن نحتاج لاعاده اكتشاف انفسنا مره اخري ونتحدي الجميع باننا الافضل توكل علي الله اثبت لهم عمليا انك تستحق ان تكون في مكانه علميه افضل وانك الافضل واعلم ان سعيك للعلم في حد اته فريضه
بارك الله فيك لاتقل كلام يجعل الاخرون يشككون في علمنا وخبراتنا

[ledo2005]

حسبنا الله ونعم الوكيل

[نهاد الفضالى]

الإمتحان دة إذا حصل هتكون مهانة عالمستوى الشخصى وعلى المستوى العالمى . إذا كنت عايز تقيس الكفاءة التربوية للمعلم فلن يتم ذلك بإمتحان يعتمد على الحفظ بل بالنزول إلى المدارس ومراقبة المعلم داخل فصله وتعامله مع تلاميذه أثناء التدريس إلى جانب ذلك كان السبب في تطبيق الكادر هو تحسين الحالة الإقتصادية له من جانب ومن جانب اخر رفع المكانة الإجتماعية له وهذا ما يتافى مع إجراء هذه الإمتحانات ولابد للمعلمين من وقفة .

[خالد زيدان]

لماذا لم تقف نقابة المعلمين مع المدرسين كما وقفت نقابة الأطباء مع الأطباء وحصلوا على الكادر بدون أختبارات

[مستر ايمن]

وهي دي نقابه اصلا
احنا لو لينا نقابه كنا اتبهدلنا كده
تعالوا شوفو نقابه المحاميين او الصحفيين او المهندسين
يا اخوانا ده حتي ابسط حقوقنا المصايف مش بنطولها
ربنا يخلي الحراميه اللي فيها
عاوزين نشوف اخرتها ايه يوم القيامه
النهارده البيه الوزير نزل نسبه مدرس اول الي 75% اعتماد
وبكره ح يقول عليكم مش ليكم
ربنا يرحمنا

[alisalm]

يا أخي لا تتعب نفسك لا حياة لمن تنادي

[shmz11]

بسم الله الرحمن الرحيم
وزارة التربية والتعليم هى الوزارةالوحيدة اللى وزيرها ليس من أبنائها مره يجيبوا بتاع قانون( فتحى سرور )شال سادسة ابتدائى بالقانون وبهدلنا والحمدلله شالوه لمجلس الشعب وأهو بيمارس البهدله للجميع / ومرة يجيبوابتاع أطفال( حسين غير كامل) وده اللى خربها / والحالى من اسمه (الجمل ) بيتركب ويذهب فى المكان اللى يوجهوه فيه / وبالتالى لا نستبعد تمسك الوزارة ونحن فى انتظارها (فيفى عبده )اللى ها تدلعها ( حسبى الله ونعم الوكيل) 0
( نعيب على الزمان والعيب فينا --- وليس لزماننا عيب سوانا )

[إيهاب خميس إدريس]

لو كانت الحكومات المصرية المتعاقبة تلو الأخرى تقدر العمل والعلماء والمعلمين لما هرب أحمد زيل من إنشاء جامعة العلوم والتكنولوجيا ونفذها في دولة من دول الخليج لو كانت الحكومة والنظام المصري يقدر العلم لما ترك مصر أفضل العلماء وذهبوا إلى أمريكا وغيره مما تقدر عقول العلماء مصر مليئة لالمعلمين النشطاء والأكفاء في كل الميادين ولكن مين يقدر ومين يشوف