جميع استفسارات السادة الاعضاء هنااا لعدم التشتيت

[مروان خالد]

أنا دخلت على موقع كلية الصيدلة جامعة المنيا ولاقيت فيه دراسة تخص برنامج الصيدلة الإكلينيكية بس ما عرفتش بفلوس والا من غير
الأكيد انه بنظام الساعات المعتمدة
للمزيد .... ارجع لموقع كلية الصيدلة جامعة المنيا

[Mr.Optimistic]

عادي

مش تعمل اي حاجة =d

مبروك بقيت مخترع

هههههههههههههه

كل سنة وانت طيب

[بسمة رفاعى]

انا جامعة القاهرة مش المنيا واكيد الجامعات بتختلف في شئ زي دا

[smart4u]

فيه طالب جامعة عمالية بالدراسة شعبة إدارة أعمال منتظر نتيجة سنة تانية

هل لما ينجح ان شاء الله ممكن يقبل في تنسيق كلية التجارة علي اعتبار السنتين دول معهد فنى أو لو الدرجة بتاعته كانت قليلة ممكن يعمل معادلة كلية تجارة

[yoyo caty]

المشاركة الأصلية كتبت بواسطة بسمة رفاعى

لو سمحتم انا جالى فى التنسيق صيدلة القاهرة
يعنى نحمد الله على كل شئ
المهم
انا سمعت عن قسم اسمه صيدلة اكلينيكية
هل القسم دا موجود فى جامعة القاهرة ؟؟؟
وهل هو قسم عادى ولا بمصروفات اضافية ؟؟ و كام هى هذه المصروفات؟؟
اه
وسمعت عن ان فى ناس بتاخد دبلومة فى الصيدلة الاكلينيكية بعد التخرج
عايزة اعرف هنا الدبلومة دى بتتساوى مع دراسة القسم دا من الاول ولا فى فرق؟؟؟ وهل هى من كل الجامعات ولا من جامعة معينة؟؟؟
وهل اللى متخربج من صيدلة اكلينيكية او معاه دبلومة فيها بيكون مجال الشغل له افضل ولا عادى يعنى؟؟؟
معلش طولت عليكم شوية بس بجد سامحونى لانى معرفش حاجة خالص عن المجال دا
وبصراحة كدا انا هدخل الكلية عشان التنسيق مش اكتر لكن مكنش دا طموحى ومكنتش عايزة الكلية دى اصلا

بصى انا كنت قارية كتييير عن القسم ده ... ايوة هو موجود فجامعة القاهرة .. بمصاريف اللى اعرفه انها 10الاف او 13 الف مش عارفة بتختلف من سنة لاخرى ولا لأ...من ناحية سوق العمل اللى مؤخرا سمعته انه للاسف قسم الكلينيكال ملوش فايده فسوق العمل فمصر لكن هو بيفيد اللى عاوز يشتغل بره مصر (اتمنى اكون افدتك )...انا بقى عكسك تماما كليه الصيدلة فرقت عن مجموعى بنص درجة و برده هدخل حاجة طموحى مش ليها بس قدر الله و ما شاء فعل دعواتك اه نسيت اقولك انتى ممكن تدخلى على قسم كليه الصيدلة اللى فالمنتدى هتستفادى بمعلومات اكتر كمان

[yoyo caty]

اللينك بتاع القسم اهو http://www.thanwya.com/vb/forumdisplay.php?f=525

[ezatmohammed]

السلام عليكم
انا ف صيدله
شوفو
كلينيكال موجود ف القاهره و ف جامعات كتير
ف كل الجامعات الحكوميه بيكون ب 10 آلاف تقريبا ف السنه
يقال ف عين شمس مجانا ( الله اعلم )
بيشتغل ف مصر عادي
لو هتسافر بره محتاجه تاخد شهاده كمان لأن سواء صيدله عاديه او كلينيكال او طب ف الشهاده المصريه مش معترف بيها بره
يعني ايه صيدلي كلينيكي ؟ يعني صيدلي بيشتغل مع الاطباء ف المستشفيات
دوره : يقدم استشارات دوائيه للمرضى والاطباء

[ابانوب ايليا]

انا من الاقصر وكتبت للاسف فى الرغبات سوهاج قبل اسيوط لان سوهاج اقرب من اسيوط...انا كنت فاكر انه لازم الالتزام بالتوزيع الجغرافى فى كتابة الرغبات يعنى ارتب الرغبات من الاقرب للابعد وطبعا كتبت سوهاج قبل اسيوط لانها قبل اسيوط فجاتنى طب سوهاج بس اكتشفت فى النهاية انه كان ممكن اكتب اسيوط قبل سوهاج وفيه ناس اصحابى عملو كده وجاتلهم طب اسيوط فطبعا ده جابلى احباط لأنى نفسى فى اسيوط ....هل ممكن احول من سوهاج لأسيوط؟ ولا ميتفعش؟

[حسام الدين جاد]

كيف تتظلم من نتيجة الثانوية العامة ؟
. العام الماضي 2000 طالب حصلوا علي درجاتهم

إذا كنت تشعر أن هناك ظلما وقع عليك فى تصحيح امتحانات الثانوية العامة، أو إذا كنت ترى إنك تستحق درجات أفضل، فعليك التقدم بتظلم ضد درجتك التى لا ترضيك، إلا إنك لن تعيد تصحيح الورقة بل ستقوم وزارة التعليم بإعادة رصد درجاتك مرة أخرى عسى أن تجد سؤالا لم يخضع للتصحيح أو خطأ فى جمع درجات إجابتك، وهو ما حدث العام الماضى، حيث تمكن ما يقرب من ألفى طالب من الحصول على درجات إضافية، الخطوة الأولى تقدم بالتظلم فى مديرية التعليم التابع لها، ستجد هناك مندوبين لتسلم التظلمات من الطلاب وأولياء أمورهم الخطوة الثانية دفع رسوم تقديم التظلم 100 جنيه عن المادة الواحدة، بأقرب فرع من البنك الأهلى المصرى لحساب صندوق دعم وتمويل المشروعات التعليمية وأحصل على نسخة من إيصال السداد، الخطوة الثالثة سلم نسخة من إيصال السداد إلى المديرية التعليمية التابع لها وسوف يتم تحديد ميعاد محدد للكشف عن النتيجة بعد التظلم ومراجعتها بالكنترول الذى يتبعه الطالب ولا تصطحب معك مدرس المادة؛ لأنه سيتم منعه من الاطلاع على ورقة الإجابة، الخطوة الرابعة ستمنحك المديرية التعليمية نسخة من أوراق إجابتك غير مدون عليها اسمك، بل تحمل كودا سريا يمكن مستشار المادة من الاطلاع عليها دون معرفة اسمك ضمانا للشفافية.

الخطوة الخامسة اطلع على صورة من ورقة الإجابة وراجعها جيدا ودون ملاحظاتك عليها فى ورقة خارجية، وسوف يتم تسليم الملاحظات التى تدونها للكنترول مرة أخرى، والذى سيعيد رصد الدرجات مرة أخرى مع مطابقتها بالورقة الإجابة الأصلية.

الخطوة السادسة إذا ثبت حقك فى الحصول على درجات أعلى سترد إليه رسوم إجراء التظلم المقدرة بـ100جنيه مرة أخرى.

الخطوة السابع يتم إخطار مكتب التنسيق بالنتيجة المعدلة للطالب بعد إعادة تصحيح المادة، أو المواد التى تظلم فيها.

[حسام الدين جاد]

لا تقلق فهناك أماكن خالية لطلاب المرحلة الثانية الشعبة العلمية فى كليات الطب البيطرى بجميع المحافظات

[Nana_kh]

بجد مش مصدقة على كمية الاحباط
من اول السنة وحضرتك محبط
ممكن حضرتك تقول الحمد لله

عادى جدا اعمل طلب تحويل

[ابانوب ايليا]

الاجابة طبعا هى نعم بس لااعرف اذا كان نزل المنهج الجديد ولالسه

[سيرة الايام]

ان شاء الله ينفع تحول واكيد تشرفنا ف طب اسيوط

[chalijaly]

لو هى فى المنطقة الجغرافية بتاعتك ينفع لو غير كده لا مش هينفع.
لانى اسيوط بعيدة اوى عن الاقصر فاعتقد هتبقى خارج النطاق الجغرافى أ
وبطل احباط انت بتجبلى اكتئاب

[سيرة الايام]

انا عندى واحدة صاحبتى جالها طب الفيوم وهيا عايزة تحول طب اسيوط بس مجموعها اقل من طب اسيوط بنصف درجة هل ينفع ياريت تطمنونى علشان اطمنها ومتشكرة جدا