خصم بسبب التقرير السرى

[almealem2010]

السلام عليكم
أنا هيتخصم منى 600 جنيه شهريا بسبب ان التقرير السنوى عام 2012/2013 غير كفء 88 / 100 فذهبت لمنطقة المنصورة وقدمت تظلم فقام الموظف بتحويل الإدارية للتحقيق بسبب عدم ابلاغى مباشرة لأن التقرير جاى من زمان ولم أعلم عنه إلا يوم الثلاثاء الماضى؟
فما رأيكم هل يقبل التظلم ويلغى الخصم؟؟؟ ومتى يقبل هذا التظلم؟؟؟
أما ماذا سيحدث؟؟؟
علما بأن هناك كثير من الزملاء نفس الوضع بمنطقة المنصورة الأزهرية.

[أم الحسين]

سلامو عليكم ....
بص يا أستاذ ...أنا تعاقد 2005 المثبتين 2011 والتقرير بتاع السنة اللى فاتت كان أول تقرير عملوه ليا أنا وعدد كبير من زملائى 88 وبعدين عرفنا بالمنشور اللى بيقول ان اللى ما أخدش كفؤ هيتخصم منه 400 جنيه .... وقت ما عرفنا الكلام دا كان التقرير اتمضى من الجهات العليا ورجع بقا وخلاص فا عملنا تظلم فى أثناء العشرين يوم الأولى من وصول التقرير واتخصم مننا فعلا 3 شهور كل شهر 400 جنيه لغاية ما التظلم اتقبل فى القاهرة وجه ... وعلى فكرة احنا أرفقنا فى التظلم صورة طبق الاصل من تقرير فنى امتياز علشان يسند موقفنا ....ربنا يكون فى عونك.....لا حول ولا قوة الا بالله

[ادم بيسو]

لا اله الا الله 400 جنيه كل شهر ليه الظلم ده يعنى لو الناظر متغاظ من حد هيخسف مرتبه

[محمـد الشيخ على]

ان شاء الله يتم تعديل التقرير كما حدث مع العديد من الزملاء

[السيد القيم]

أنا أعرف زملاء تقريرهم أقل من90 وتم وضع التقرير فى الملف ولم يخصم ولا مليم وكأن شيئا لم يكن

[محمد 1450]

كل الناس عندنا واخده أول تقرير 89 ومحدش جاب سيرة الخصم ده

[خالد فضل صادق]

ان شاء الله يقبل التظلم ويعدل التقرير ومش معنى ان المعلم تعيين حديث ياخد اقل من 90 درجة دا مخالف للقانون واللوائح اللى المفروض مشايخ المعاهد يكونوا عارفينها كويس

[حسين طه ابوطه]

سؤال
هو مين اللي بيضع التقرير السري
هل شيخ المعهد أم الموجه

[pekoe]

المشاركة الأصلية كتبت بواسطة حسين طه ابوطه

سؤال
هو مين اللي بيضع التقرير السري
هل شيخ المعهد أم الموجه

شيخ المعهد يضع التقرير السري والموجه يضع التقرير الفني

[almealem2010]

جزاكم الله خيرا إخوانى وأخواتى زملائى الأفاضل
اللهم يسر لنا الأمور

[العشرى1020]

لا اله الا الله محمد رسول الله

[mohamed011152]

سبحان الله ما وراهمش الا الخصم بدل ما يساووا المعلم في مرتبه بعامل في البنك ولا الكهرباء ولا اي وزارة تاني يخصموا منه حسبنا الله ونعم الوكيل لي قريب سواق في الكهرباء بالابتدائية الازهرية والله ما كملها حتي وبيتريق علي يقولي الحوافز بتاعتي قد مرتبك ما بلاقيش رد اقوله ليه حسبنا الله ونعم الوكيل

[ابو امل2]

انا قدمت التظلم بعد علمى بالنتيجة مباشرة وتم رفع التقرير الى كفء بفضل الله اسأل الله ان يوفق الجميع لما يحب ويرضى

[الريس تريكه]

و فيه ايه لو شيخ المعهد اعطي تقرير كفء من الاول لازم يضر الناس حسبنا الله ونعم الوكيل

[فرج مريم]

حسبنا الله ونعم الوكيل