ندااااااااااااء عاجل إلى اي استاذ جيولوجيا #ضروري

[بريق النجاح]

السلام عليكم ورحمة الله وبركاته

انا طبعا في 3 ثانوي .. والفكرة اني بدأت مذاكرة الجيولوجيا النهاردة لأني مكنتش باخد فيها درس لظروف خارجة عن ارادتي

( طيب تمام ، انا مدركة ان احنا في شهر 3 وان الوقت ضيق )

بس باذن الله مفيش مستحيل وانا حبذل قصارى جهدي ولو في أزيد حعمل اكتر لأن كل شيء بارادتنا ومفيش مستحيل ان شاء الله ولا في حاجة صعبة انها تتحقق .. ولا صعب اني ابقى زي اللي بياخدو فيها درس من أول السنة ومواظبين على مذاكرتها * ف رجائا بلاش احباط _ لأنه مفيش وقت للاحباط او الاكتئاب حتى _ *

حابة اتوجه بالسؤال لأي استاذ جيولوجيا فاضل ..؟ معدل تحصيلي في اليوم لمذاكرة المادة قد ايه
واية الجزء اللي اخده يوميا؟ ولحد فين ؟ وابدأ بعلوم البيئة ثم جيولوجيا ولا كلاهما معًا ولا امشي بترتيب؟

لأني حابه بعون الله اني اخلصها واراجع عليها كمان _ مش لازم يكون في حد احسن مني هما يعني اللي خلصوها وبيراجعو عليها دلوقتي احسن مني في اية ؟ ها _

مع العلم اني معاايا مذكرات لجيولوجيا + كتاب الامتحان وباذن الله هحضر مراجعات كمان اسبوع كدة

ف سؤالي كان اخلص كم جزء ف اليوم ولحد فين عشان اكون ماشية بمعدل كويس ؟
وشكراً مسبقا وأكرر
* بلاش احباط أو تهويل أو Negative Vibes * الله المطلع على حال الواحد عامل ازاي .

[بنت الجيش المصرى]

بصى أنا زيك كده بردوا ويمكن أكتر كمان
بس قررت انى لازم أخلص المادة .. وبسمع كتير عن ناس بدأت مذاكرة فى شهر 3 وجابت مجموع عاااااالى جدا وقفلت فى مواد كتير
بصى هاقولك انا بخلصها ازاى
أنا بروح مراجعة ... المدرس فى الحصة الاولى بيشرح لنا الفصل الاول بأختصار .. وفى الحصة التانية بنحل من كتاب الدليل .. والحصة التالتة بنحل أسئلة ث ع .. والحصة اللى بعدها أمتحان
فأنا ببقى عاملة حسابى أنى اذاكر الفصل اللى هايشرحه قبل حصة الشرح
وان ملحقتش أخلصةقبل حصة لشرح باخلصه بعدها عادى
بحيث ان بيبقى قدامى اسبوع مثلا أو 6 أيام أخلص فيهم الفصل مذاكرة عشان الحق أحل كتاب الدليل
وابقى ماشية معاه ولما اروح الحصة بأروح اراجع الحل بتاعى
يعنى الاستاذ بيخلص الفصل فى اسبوعين بس أنا مجرد ما أذاكرة بيبقى سهل بالنسبة لى فلما بيراجع ع الدرس وبعدين أنا بذاكره(فى يوم أو أتنين وممكن تلاتة على حسب)
وعديها أحل . . بحاول أخلى كل الحل فى يوم واحد
ولو جزأته ع يومين فبخلى اليوم الأول لكتاب الدليل واسئلة ث ع وكتاب الوزارة واليوم اللى بعده لاسئلة ملخص الامتحان الشرح مش المراجعة
يعنى حسب المدرس اللى أنتى ماشية معاه
لكن عشان انتى مكنتيش بتاخدى درس في المادة زى حالاتى كده يبقى أكيد فى حاجات فايتاكى . . . . فلازم تذاكرى قبل ما المدرس يراجع ع الدرس .. عشان أولا تبقى واخدة فكرة عن الدرس ثانيا بقى والاهم عشان اللى أنت مش فاهماه تخليه يعيدوا لأن دى اخر فرصة
وكمان لما يبقى فى حل لازم تحلى فى البيت الأول وتبقى فاهمة اللى انتى حليتيه \ \ واللى واقف قدامك أطلبيه من المدرس
وكمان لازم تتدربى ع شكل الامتحان يعنى أمتحنى عند المدرس مرة كل اسبوع مثلا أ وكل ماتخلصى فصل روحى أمتحنى عليه
ولو تقدرى تخلى الامتحانات تراكمية يبقى افضل بكتيييييييير
تراكمية يعنى (مثلا افترضنا انك امتحنتى على الباب الأول . . لما تروحى تمتحنى ع الباب التانى متمتحنيش ع التانى لواحده .. لكن امتحنى ع التانى والأول سوا .. .. والتالت نفس الحكاية .. تمتحنى التالت+التانى+الأول كلهم سوا . . . . وهكذا)
ولازم تعرفى انه لسة هناك أمل كبير أوى .. ولسة أدامك وقت أكبر كافى أنك تخلصى وتراجعى وتحلى وتمتحنى
وع فكرة كمان حلى أسئلة كتاب الوزارة مهههههمة جدااااااا
________________________________________
يعنى خلاصة الكلام
حاولى انك تخلصى الفصل (شرح(مذاكرة يعنى)\حل كتاب الدليل\حل امتحانات الثانوية العامة\حل كتاب الوزارة) فى اسبوع بالكتير أوى أو أقل
خدى بالك لما تذاكرى الدرس ذاكريه كويس أوى كأنها اخر مذاكرة وكأن صابح عليكى امتحان
ولما هاتحلى الاسئلة هتلاقى فى اسئلة متكررة كتير ابقى خدى بالك من الاسئلة اللى بتتكرر دى مهمة
وبعدين لو أنتى شاطرة وخلصتى فى أقل من أسبوع واتبقى يوم أو يومين أبقى حلى فيهم اسئلة ملخص الامتحان(بتاع الشرح) كزيادة تأكيد بس دا اضافة مش اساسى (يعن أوعى تسيبى اسئلة الدليل أو ث ع أو أسئلة كتاب المدرسة عشان تحلى اسئلة الملخص.... أوعى دول اهم من اى ملخص )
0.0
لو فرضنا أنك أخدتى فى كل فصل اسبوع بحيث انك خلصى كل حاجة خاصة بالفصل ده من مذاكرة وحل
يبقى هاتخلصى البيئة فى أسبوعين وهاتخلصى الجيولوجيا فى 5 أسابيع
يعنى الاجمالى كله 7 أسابيع يعنى كل الحكاية شهرين الا اسبوع
0.0
وفى الاسبوع اللى فاضل ده راجعى كل يوم فصل من المادة مذاكرة وشرح بحيث انك تبقى راجعتى تانى المادة بس فى اسبوع
وهنا بقى المراجعة مش هتاخد معاكى وقت لأنك ذاكرتى قبل كده وحليتى وأتدربتى
وبكدا كمان هاتكونى سبقتى المدرس وكمان دربتى نفسك انك تخلصى المنهج فى وقت أقل كأنك بتهيئى نفسك لأمتحانات اخر العام
______________________________
أتمنى أكون قدمت ليكى اجابة تفيدك وتساعدك
وركزى
ومتاخديش مادة ع حساب التانية
مش معنى انك مش كويسة فى البيئة والجيولوجيا أنك تديها وقت أكبر وتضيعى مادة تانية بسببها
حاولى يبقى فى توازن فى وقتك للمواد
وهاتى كراسة صغيرة .. وفى نهاية كل يوم أكتبى أنتى خلصتى ايه
عشان تبقى عارفة خلصتى ايه وفاضلك ايه وتظبتى وقتك
_____________
أنا فى أنتظار ردك
تحياتى
سلمى

[بنت الجيش المصرى]

خدى بالك مفيش مدرس جيولوجيا هايرد عليكى
لأنى طلبت استغاثة قبلك ومحدش رد عليا
لحد ما اقدرت أوصل مع نفسى لحل
وقولت أفيدك لأنى كنت محتارة زيك
مع خالص تمنياتى بالتوفيق

[بريق النجاح]

انتي اكتر من رائعة والله

ربنا يخليكي وجزاكِ الله خيرا

ربنا معانا يااارب كلنا ..

جزاك الله الف خيرر بجد

[بنت الجيش المصرى]

شكرا يا عثل ........
أيوة يعنى مفهمتش رأيك ايه فى الكلام اللى أنا قولته
لو مش عاجبك كلامى ده أنا ممكن أقولك نظام تانى تمشى عليه
عادى
هو ممكن سؤال
انتى ماشية ازاى فى المنهج فى كل المواد . . منك أستفيد بردوا
. . . . لو أحتجتى أى مساعدة أنا موجودة