اجابة امتحان اللغة الفرنسية

[mabding]

المشاركة الأصلية كتبت بواسطة leprince2010

لية بنصعب على نفسنا . الجملة واضحة والاجابة صح .

نصعب على نفسنا عشان دي ثانوية عامة ولازم نفكر وندقق في كل سؤال ..
ولازم منختارش حاجة او منعملش حاجة غير لما تاخد حقها ..

وان الصح اما يكون صح تماماً ..
او ميكونش صح من الأساس ..

الجملة واضحة وصح .. وبعد شوية تفكير تبقى مش بالوضوح دا .. وتبقى غلط ..

ولكل واحد في النهاية رأيه ..
والرأي مينفعش يبقى في صح وغلط ..
بس هنعمل ايه .. كل شئ نسبي .. حتى الصح والغلط ..

:/

[كوم حماده]

اتفق معاك تماما ^ احنا ثانويه مش لعب ولو هيا واضحه انها صح فهيا كانت اوضح انها خطا عشان المكتوب نصا انه علمه موسيقي مش غناء

[ahmedsafan46]

المشاركة الأصلية كتبت بواسطة marco aziz

رقم 3
vrai 100%
هو مقلش علمو الغناء
قال كان ليه الفضل
كل سؤال عليه درجة
اي سؤال بدرجة.

ايوه هتبقى صح دائيما فى صح وغلط جاوب مباشره مش تتفلسف المباشر هى الصح الاستاذ قال لى كده

[محمد الجبالى]

الجملةالثالثة جملة سيكون فيها جدل كثير مع الاعتذار سيادة المستشار حب يضبطها على وزن الكتاب درس 14 شرخت منه ومالت للخطأ وايضاً مالت للصح ولكل فريق ولكل مبررات و الواجب احترام الاثنين والغاء الجملة

[شعبان ناصر أبوالحسن]

والاخيرة مش غلط ليه ع الرغم من ان القطعة بتقول لكل لغة شئ يميزها عن غيرها

[كوم حماده]

طيب خلينا بقي علي نفس نمط الجمله دي

انا كنت عايز اطلع بتاع كشري مثلا فدخلت معهد غسيل صحون وانا رايح المعهد سمعت ف المكروباص اغنيه عمرو دياب وهوا بيقول من كام سنه وانا ميال ميال نستنتج من كدا ان عمرو دياب كان ليه الفضل ف اني طلعت بتاع كشري?? ??!!!!!!!!!!!!!!!!!!

[mando2free]

ليس كل ملحن مغنى .. وليس كل مغنى ملحن اويستطيع العزف على الالات الموسيقيه
هو بيقول :درست الموسيقى فى عدة مؤسسات .ابى( اللى كان ملحن كبير )علمنى العزف على عديد من الالات (وليس كلها) عندما كنت صغيرا. وفيما بعد, بدات فى الغناء.
مثال : المعلم علمنى القراءة والكتابه. ولكنه لم يعلمنى نظم الشعر
الخلاصه
ليس كل ملحن مغنى وليس كل مغنى ملجن

ام كلثوم كانت سيدة الغناء العربى ولكنها لم تجيد العزف. فى الفن دى وظيفة ودى وظيفة تانيه وقد يجيد الاثنين احدهما

[محمد الجبالى]

المشاركة الأصلية كتبت بواسطة mando2free

ليس كل ملحن مغنى .. وليس كل مغنى ملحن اويستطيع العزف على الالات الموسيقيه
هو بيقول :درست الموسيقى فى عدة مؤسسات .ابى( اللى كان ملحن كبير )علمنى العزف على عديد من الالات (وليس كلها) عندما كنت صغيرا. وفيما بعد, بدات فى الغناء.
مثال : المعلم علمنى القراءة والكتابه. ولكنه لم يعلمنى نظم الشعر
الخلاصه
ليس كل ملحن مغنى وليس كل مغنى ملجن

ام كلثوم كانت سيدة الغناء العربى ولكنها لم تجيد العزف. فى الفن دى وظيفة ودى وظيفة تانيه وقد يجيد الاثنين احدهما

+111111111111111111

[mando2free]

مامعنى+111111111111111111 استاذ محمد الجبالى

[مسيو / مبروك الشافعي]

من وجهة نظري المتواضعة ان امتحان هذا العام للغة الفرنسية في مستوي كل الطلاب خاصة المتوسط منهم ولا يوجد به نقاط صعبة ولا داعي للحديث عن اللغات الاخري وان الفرنساوي صعب والنقطة الثالثة في صح وخطأ النقطة واضحة جدا انها صح ومش علشان طالب او اثنين او ثلاثة حلوها غلط يبقي تنهد الدنيا وندور على لغة ثانية والفرنساوي صعب والكلام اللي ما لهوش لازمة احنا بنحمد ربنا ان الفرنساوي عام بعد الاخر بدأ يكون سهل ونحمد ربنا انه وفق الغالبية العظمى من طلابنا. وبعدين لازم يكون فيه أخطاء مش كل الطلاب هيجيبوا اربعين لا في الفرنساوي ولا في اللغات الثانية وشكرا لكم جميعا وتمنياتي لطلابنا الكرام بدوام التوفيق والسداد

[كوم حماده]

واضحه جدا منين يا استاذي ? تلاقي حضرتك اصلا معرفتهاش غير ااما شفت النموذج ولةازم حضرتك تبقي عارف ان احنا طلبه ثانويه عامه وبنحل وفقا للقطعه اللي قدامنا بدون اي استنتاج والقطعه كاتبه انو علمه تلحين وليس غناء وبعد ان عمله التلحين بدا غناء معني كدا ان والده ملوش علاقه بالغناء اصلا انا بحل وفقا للي قدامي بدون استنتاج

[mabding]

مسيو مبروك حضرتك تتحدث عن شئ اخر تماماً ..

انا عملت الاجابة Faux وانا متأكد منها ..

وعارف انكوا هتطلعوها Vrai في الآخر ..

دي لا يعني ان انتوا صح .. خالص ..

الموضوع موضوع تفكير مش اكتر ..

والدنيا متنهدش ولا حاجة احنا مش عايزين غير الصح ..

وشكراً لحضرتك ..

[محمد الجبالى]

مؤيدك فى كلامك يا ماندو

[omarhassan2009]

برغم انى عملتها vrai انا مؤيد ليكم والسؤال فعلا المفروض يتوزع لانو فية شىء من الغموض .

[newsenior1]

بعد اذن حضراتكم والمدرسين الافاضل انا عاوز اعرف ايه اللي فى القطعة يدل على ان ابوه علمه يغني؟ هو جايب في القطعة ان ابوه علمه يعزف على الالات والعزف شيئ والغناء شيئ والغناء موهبة وسامحوني فى الاطالة