|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#16
31-07-2008, 01:20 AM
|
||||
|
||||
لا والله بجد معروف ان اصعب كليتين على مستوى الجمهورية المنصورة والقصر العينى اما عين شمس بجد بسمع انوا سهل وكمان بيدورسوا اقل من اللى بيدرسوه بتوع المنصورة دا غير ان الدكاترة تقديراتهم بالعافية ودا بردوا بشهادة ناس متير وتعالى نعمل استطلاع للرائى
__________________
اللهم مابى من نعمة او باحد من خلقك فمنك وحدك لاشريك لك فلك الحمد ولك الشكر 
|
|
#17
31-07-2008, 01:25 AM
|
||||
|
||||
|
بجد والله أنا مستعد أخد حضرتك لمنتدى القصر العينى دة اللى بتقول عليه ..
لأنى ببنى كلامى على حقائق مش (سمع) وأشهدم كلهم إن كان فى كلية أصعب من عين شمس ... والله بأمانة دى شهادة من كل طلبة طب اللى أعرفهم (مش شائعات) طب عين شمس من أصعب كليات الطب فى مصر ولعلمك كمان الصعوبة عندنا مش صعوبة .. هو مناهج محشية زيادة عن اللزوم .. عشان كدة زى ما بتقولى حضرتك ... تقديراتهم وحشة .. الامتياز عندنا _بالمناسبة أخويا فيها فى سنة تالتة _ يبقى تحفة أروح اطلع بيه الاول فى أى كلية ... دى حاجة منذ قديم الزمن .. طب القصر العينى أسهل مليون مرة والتقدير الشعبى عندهم امتياز ونفس النظام طب القصر مش سهل.. بس مناهجنا اللى محضشية
__________________
 |
|
#18
31-07-2008, 01:26 AM
|
||||
|
||||
|
لا والله بجد معروف ان اصعب كليتين على مستوى الجمهورية المنصورة والقصر العينى اما عين شمس بجد بسمع انوا سهل وكمان بيدورسوا اقل من اللى بيدرسوه بتوع المنصورة دا غير ان الدكاترة تقديراتهم بالعافية ودا بردوا بشهادة ناس كتير وتعالى نعمل استطلاع للراى
__________________
اللهم مابى من نعمة او باحد من خلقك فمنك وحدك لاشريك لك فلك الحمد ولك الشكر
|
|
#20
31-07-2008, 06:58 AM
|
||||
|
||||
|
السلام عليكم
بصو بقى الحكاية مش مين أصعب كلية فى الطب المنصورة ولا عين شمس والقاهرة؟؟؟؟؟؟؟ لآ الحكاية مين أفضل كلية لدراسة الطب  ودى بقى (معلش ميختلفش عليه اتنين) عين شمس أفضل جامعة فى مصر أفضل كمان من القاهرة  والكلام دة كلام من منتديات أخرى لواحدة كانت بتسأل تدخل طب عين شمس ولا تدخل القاهرة ودى كانت بعض الردود ___________________________________________ طب عين شمس طبعا عين شمس لأني سمعتها في مصر وخارج مصر هي الأفضل وكمان لأني اسلوب الدراسه فيها أحسن بكتير ومفيش تحيز لأبناء الدكاترة زي طب القاهرة وكمان الناس الطلبه اللي فيها كلهم ناس كويسين جدا وتعرفي تتعلملي معاهم عكس القاهرة لأني معظمهم بيبقوا من الأقاليم ولسه أول مرة ينزلوا القاهرة فبيبقى صعب التعامل معاهم وحكايه أنها صعبه ده ملهاش أي وجود طب عين شمس بيخرج دكتور فاهم وشاطر _________________________________________________ رايى اساتذة عندنا فى عين شمس .. هما شايفين ان المناهج بتاعت عين شمس بتدى الاساسيات (البكالوريوس) بالاضافة لزيادات بتدخل فى الماجيستير علشان كده نلاقى المناهج دسمة شوية .. اما القاهرة فالمناهج بتكون حسب كل مرحلة فقط فاللى بيدرسوه الطلبة هناك هو للبكلوريوس فقط .. بالنسبة لطب القاهرة فهم يهتمون بالجانب العملي بصورة أكبر ... حتى أحنا لما كان بيجيلنا دكاترة من طب القاهرة في امتحانات الشفوية كنا بنلاحظ في أسئلتهم النقطة دي ... اما عندنا في عين شمس فيمكن فيه اهتمام أكبر بالجانب النظري و الأسئلة و الامتحانات ... عشان كدة بيقولوا عليها أصعب ... بس زمايلي في الكلية الاكبر مننا كانوا بيقولوا إن النقطة دي بتخلي فيه تميز في مستوى الطالب ... يعني الطالب المتخرج بجيد جداً من عندنا بيبقى مستواه العلمي أحسن من الطالب المتخرج من أي جامعة تانية ... يمكن إنك تجيبي تقدير في أي جامعة تانية أسهل و ده اللي بيخلي فيه فرق في المستوى ... _________________________________________________ بجد طب عين شمس احسن بكتير يمكن دسمة شوية فعلا ودة اللى بيخليها اصعب لكن هتستفيدى بدة كتير . كمان ف الخارج هى اللى ليها الشهرة .. وكان دكتور ف الكليه قال الكلمة دى بالنص((خريج طب عين شمس لما بيخرج برة مصر بيرفعوله القبعة)) الحقيقة انا مش مقتنعة بالكلمة دى لأنى ما أعتقدش ان فى حد برة يعرف اسم أى جامعة مصرية بس يللا اهى كلمة حلوة فى حقنا:D _________________________________________________ وفى النهاية أنا مقولتش الكلام دة عشان حد يكرة الجامعة بتاعتة ويجى عندنا فى عين شمس لأ:D وكلامى مش معناة ان بتوع طب عين شمس ناجحين وباقى طلبة الجامعات التانية عكسهم لأ عاااااااااااااااااااادى كل الجامعات بتدرس مواد الطب أهم حاجة الطالب هو الأساس هو الللى يعرف يتميز فى أى مكان وبعدين أنا فى دكتور قاللى (مش مهم انت واخد البكالوريوس منين أهم حاجة انت دراساتك العليا فى أى جامعة وأحسن جامعة مصرية _بالذات فى الطب_ تتشرف بأنك عامل دراساتك العليا فيها هى 7 7 7 7 7 7 7 7 7 7 جامعة عين شمس:D )مع خاص تمنياتى بالتوفيق للجميع  :)
__________________
أحببتكم فى الله فائق احترامى للجميع،،،،،،،، بالتوفيق
آخر تعديل بواسطة د/ ماجدولين ، 31-07-2008 الساعة 07:13 AM |
|
#21
31-07-2008, 11:15 AM
|
||||
|
||||
|
اقتباس:
اناليا مداخلة يعني في الموضوع لو تسمحولي وسط الكلام الكتير ده :D:D اولا انا اسيوط يعني لا القاهرة ولا عين شمس ثانيا بعيدا عن ان اسيوط احسن واصعب جامعة في مصر والكل بيشهد بكده والمجاميع برضة بتشهد ودكاترة القاهرة وعين شمس نفسهم بيجو يتعالجو عندنا بس ده مش موضوعنا:D:D:Dبهزر واللهثالثا بقى وده الاهم ان كلامك كله عجبني عن عين شمس واقنعني جدا وخصوصا كلام الدكاترة ده اللي كانو بيقولوه ده بس انتي هنا جبتي كلام اللي في عين شمس واكيد كل واحد هيكتب في كليته احسن حاجة لانه شايف كدة لكن حضرتك ماجبتلناش كلام حد تاني في اماكن تاني عشان نعرف ايه احسن كلية يعني احنا لو جبنا دكاترة من جامعة الصومال نفسها هيقولو انها احسن جامعة:D:D وانت بتقولي بعض الردود طيب ماجبتلناش كل الردود ليه عشان نعرف رأي الكل ممكن تجيبي باقي الردود:D:D وطبعا زي ماقلتي كلها طب يعني كلنا هندرس حاجة واحدة ونطلع دكاترة في الاخر وكل واحد وشطارته بقى:D آخر تعديل بواسطة JusT DreaM ، 31-07-2008 الساعة 11:32 AM |
|
#22
31-07-2008, 11:37 AM
|
||||
|
||||
|
هو ليه اللي في صيدلة مش عاجبه اللي في طب
واللي في طب مش عاجبه صيدلة وبتاع طب القاهرة مش عاجبه المنصورة وبتاع المنصورة مش عاجبه عين شمس وبتاع عين شمس مش عاجبه العجب ممكن تحمدوا ربنا فيه ناس مادخلتش لا طب ولاصيدلة بس خلاص وكل واحد يخليه في كليته في امان الله |
|
#23
31-07-2008, 12:16 PM
|
||||
|
||||
|
انا الحمد لله طب القاهرة ومنتظرة التحويل لطب المنصورة
لكن مازلت محتارة مابين 3 اختيارات وعايزة اخد رأيكم الاحتمال الاول انى ماحولش واكمل فى القاهرة والتحق بالمدينة واذا ارتحت فى السنة الاولى فاستمر فى الدراسة هناك وده طبعا لان طبيعة الدراسة هناك هاتكون افضل بكتير ويكفى انها القصر العينى وليا قرايبى هانك بيقولوا ان عندهم مادة التشريح افضل بكتير جدا من هنا فى المنصورة وده طبعا بسبب الامكانيات والكلام ده كله لكن فيه مشكلة ان المواصلات هناك صعبة قووى وخصوصا ان الكلية اصلا مش فى الجامعة وحتى المدينة بعدية عن الكلية لكن بغض النظر عن كل ده فجامعة القاهرة مميزاتها كبيرة جدا اما الاحتمال التانى فهو انى احول طب المنصورة وده لاسباب كتير اولها ان دى بلدى فليه ابعد وانا قدامى فرصة التحويل ومن ناحية تانية انا ليا اخواتى فيها فتقريبا كل حاجة متوفرة لى من كتب وعظم وماشابه ده غير برده ان المنصورة مدينة طبية والعلم فيها عظيم برده لكن المشكلة فى امحتاناتها ان الدكاترة بيتعمدوا انهم يجيبوا الامتحانات صعبة على الطلبة وماتكونش غير متوقعة وتقريبا الاربع سنين الاولى فى طب نظرى بحت يعنى حفظ ودح بدون اى اى فهم والاحتمال الثالث هو ضعيف شوية انى احول طب اسنان المنصورة ودى لانها مشوارها طبعا اقصر وزى ماانتو عارفين طبعا الفرق مابين الاتنين مش هاطول عليكم لكن الف مبروووك لكل اللى حقق امانيه و عندى هنا ورقة كانت لاسرة اختى المقررة ليها وكانوا بيوزعوها على سنة الاولى السنة اللى فاتت مكتوب فيها كل حاجة عن المواد اللى هاندرسها ان شاء الله وباذن الله اذا اتيحت ليا الفرصة انى اكتبها لكم فانا تحت امركم وتوكلوا على الله واللى نفسه فى حاجة واتحققت له مايضيعهاش لاسباب تافهة زى الكلية ماتفعش للبنات ودى 7 سنين وغيره من الكلام ده كله عموما الف الف مبروووك ليكم كلكم يا شباب وعقبال حفلة التخرج ان شاء الله وزى ما قال العضو اللى قبلى احمدوا ربنا فالحمد لله على اى حال
__________________
 يشتاق قلبى للصلاة على النبى ..طه الحبيب بلهفة الظمــآن
آخر تعديل بواسطة المشتاقة إلى الجنة ، 31-07-2008 الساعة 12:19 PM |
|
#24
31-07-2008, 12:35 PM
|
||||||||
|
||||||||
|
اقتباس:
يا ولكم بحضرتك دة انتى تنورى  اقتباس:
كويس يعنى الدكاترة بدل ما يتعالجو فى أوربا بيتعالجو فى أسيوط لا والله...............مش تزعلى والله بهزر:D مصر فيها أمل ياولاد  اقتباس:
أمال مين اللى هيشهد للعروسة؟؟؟:D اقتباس:
كلامك مظبوط يا دكتورة  بس بصى انا الكلام دة جبتة من ع النت لما كنت بدور عن معلومات ع الكلية وبأمانة والله مشفتش أى رد يعيب عين شمس فى حاجة وألا كنت قولتة لآن دة أسلوبى وانا عارفة ان أى كلمة بقولها ربنا شايفها وهيحاسبنى عليها.........اوكى يا دكتورة وبعدين انا كلها ساعتين بالكتير ومسافرة ولما أرجع بأذن الله هبقى اعمل بحث فى جوجل بعنوان(عيوب طب عين شمس):D  وأبقى أجى اقطع فى فروة الكلية قدامكوا  الخلاصة كل مكان فى الدنيا فية مميزات وعيوب وأكيد عين شمس فيها عيوب زى ما فيها مميزات  وربنا يوفقك يا قلبى اقتباس:
والله دى كانت تقريبا كل الردود والباقى كان من نفس النوعية اقتباس:
ما قولتلك وادى اللنك حتىhttp://forum.amrkhaled.net/showthrea...t=28214&page=4 اقتباس:
تمام يا دكتور __________________________________________وربنا يوفقكوا بجد  اقتباس:
حضرتك أنا مش عارفة خدت الموضوع بالنظرة دى لية
أحنا كلنا زمايل وأخوات وأكيد بنتمنى الخير لبعض مهما أختلفت كلياتنا أو جامعتنا الكلام اللى بنقولة مجرد أراء عاااااااااااااااااااااادى جدااااااااااااااااااااااا وأنا بحمد ربنا ع كل حاجة وبأذن الله لما أرجع من السفر هعمل توبيك لكل طلبة الطب بمختلف الجامعات عشان الأفادة لآن أحنا كلنا زمايل وبنتمنى الخير لبعض وأذا كان ع كلام بتوع الطب للصيدلة أو العكس فأكيد دة كلة هزار:D ويا جماعة لو كان كلامى ضايق حد أو زعلة أو فهمة غلط  فأنا بجد بسحبة ودة مش قصدى خالص وربنا يوفق الجميع فى رعاية الله
__________________
أحببتكم فى الله فائق احترامى للجميع،،،،،،،، بالتوفيق
آخر تعديل بواسطة LA STELLA ، 31-07-2008 الساعة 09:33 PM سبب آخر: تعديل روابط الصور لتظهر بشكل افضل |
|
#25
31-07-2008, 12:55 PM
|
||||
|
||||
|
اقتباس:
بصى يا أختى بداية مبروك ع حضرتك:D ثانيا أنا أرى أن الحل التانى هو الأنسب ودة لعدة أسباب اخواتك اللى معاكى واللى أكيييييييييييييد هيساعدوكى ويفيدوكى كتيييييييييير (ودى أهم حاجة فى الموضوع) المنصورة زى ماقولتى مدينة طبية محترمة لكن الحاجة الوحيدة اللى مخلياكى قلقانة هى الأمتحانات الصعبة ودى ع فكرة ميزة مش عيب  عشان تتشجعوا وتذاكروا وتركزوا ومش تفوتوا محاضرات صدقينى لما تبقى جنب أهلك أفضل بكتيييييييير وخصوصا أنك بنوتة والأربع سنين النظرى دول هيبقوا فى كل الجامعات يعنى الدراسة هتكون أكاديمى ************************ أما انك تحولى لأسنان عشان الطب 7 سنين وانك هتتأخرى فى الجواز والكلام دة ف الكلام دة هبل و بيتقال لكل بنت تفكر فى الكلية دى طالما انتى حابة الطب كدراسة بالله عليكى متحوليش منة :D وألا هتندمى بعد كدة بالتوفيق فى رعاية الله
__________________
أحببتكم فى الله فائق احترامى للجميع،،،،،،،، بالتوفيق
|
|
#26
31-07-2008, 04:27 PM
|
||||
|
||||
|
اقتباس:
بس عايزة اوضح نقطة ان الاسباب اللى قولتها دى انا اصلا مش مقتنعة بيها ومابأيدتش الكلام ده كله انا بوضح بس راى الناس اللى اتقالى لى اما بالنسبة ليا فأنا ميالة أكتر للطب البشرى وبالنسبة لصعوبة الامتحانات فى المنصورة فدى زى ماحضرتك قولت ميزة بجد وده اللى بيخلى جامعة المنصورة هى القمة دايما وانا مش قلقانة من كده ولا حاجة انا برده بوضح اللى اتقال لى وعموما ربنا يقدم اللى فيه الخير لينا جميعا وشكرا جزيلا
__________________
يشتاق قلبى للصلاة على النبى ..طه الحبيب بلهفة الظمــآن
|
|
#27
31-07-2008, 04:45 PM
|
||||
|
||||
|
اما الاحتمال التانى
فهو انى احول طب المنصورة وده لاسباب كتير اولها ان دى بلدى فليه ابعد وانا قدامى فرصة التحويل ومن ناحية تانية انا ليا اخواتى فيها فتقريبا كل حاجة متوفرة لى من كتب وعظم وماشابه ده غير برده ان المنصورة مدينة طبية والعلم فيها عظيم برده لكن المشكلة فى امحتاناتها ان الدكاترة بيتعمدوا انهم يجيبوا الامتحانات صعبة على الطلبة وماتكونش غير متوقعة وتقريبا الاربع سنين الاولى فى طب نظرى بحت يعنى حفظ ودح بدون اى اى فهم انا شايفة ان الاحتمال التانى احسن وكمان يا ستى علشانتبقى معايا انا عندى ملحوظة ليها احنا لما بنكلم بعض بنعد نقول يا دكتور ويا دكتورة مع اننا لسه ولا دخلنا الكلية ولا درسنا اى حاجة فيها ياترى ايه السبب
__________________
اللهم مابى من نعمة او باحد من خلقك فمنك وحدك لاشريك لك فلك الحمد ولك الشكر
|
|
#28
31-07-2008, 04:57 PM
|
||||
|
||||
|
ان شاء الله
بالنسبة للملحوظة فدى مجرد ضحك مش اكتر
__________________
يشتاق قلبى للصلاة على النبى ..طه الحبيب بلهفة الظمــآن
|
|
#29
31-07-2008, 05:47 PM
|
||||
|
||||
|
اقتباس:
أنا ممكن أجيب لحضرتك ردود من كلية القصر العينى هيقولوا لحضرتك ان عين شمس أصعب ايه رأيك :D:D
__________________
|
|
#30
31-07-2008, 06:27 PM
|
||||
|
||||
|
خلاص يا شباب قصدى يا دكاترة طبعا كل واحد هينحاز للكلية اللى هيدخلها ودا شئ طبيعى المهم ان ربنا يوفقنا جميعا
__________________
اللهم مابى من نعمة او باحد من خلقك فمنك وحدك لاشريك لك فلك الحمد ولك الشكر
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:04 PM.
