بخصوص قرار إلغاء ضم مدة الخدمه

[محمد محمود القلفاط]

سالت عن قرار الغاء ضم مدة الخدمه و اتضح القرار صادر من رئيس الجهاز المركزي للمحاسبات هشام جنينه و انه بيعتبر ضم مدة الخدمه بتاعتنا فساد و اهدار مال عام
ياريت تركزوا في التظلمات و الفاكسات على الجهاز المركزى لان الراجل اللى اسمه هشام جنينه ده هدفه إثارة الناس بأي طريقه و صدر قرار في التربية و التعليم بإرجاء تنفيذ قراره لحين العرض على مجلس الدوله و ده قرار ارجاء تنفيذ قرارة في التربية و التعليم
حسبي الله و نعم الوكيل فيك يا هشام جنينه
.http://www.thanwya.com/vb/showthread.php?t=682545

[sayed2800]

معالى المستشار هشام جنينه لا يصدر قرارات وكذا الجهاز المركزى للمحاسبات إيضا لا يصدر قرارات ، ولكن يصدر تقارير بناء على فحص ومراجعة دقيقة للقرارات المصدرة من الجهات المختصة

[محمد محمود القلفاط]

طيب معالى المستشار الفالح ده مش شايف فساد غير ضم مدة الخدمه و لاهى من امتى كانت فساد ! لو كان لنا يوم واحد اتضم مش من حقنا يلغيه انما يضيع تعبنا عشان غرض خبيث هو بيشتغل عليه طول الوقت و هو انه يثير غضبنا على نظام الحكم لانه طبعا ولائه للى عينه في المنصب ده ، حسبي الله و نعم الوكيل ،

[محمد محمود القلفاط]

هذا المنشور وضح بما يدع مجالا للشك أن سبب إلغاء ضم مدة الخدمه لنا هو مناقضة هشام جنينه الاخونجي لقرار ضم مدة الخدمه و طبعا الهدف معروف ، صراع سلطات و نضيع احنا في النص و حسبي الله و نعم الوكيل

[sayed2800]

ياشباب معالى المستشار ولا الجهاز يستيطع إصدار قرارات ، كما أن القانون رقم 47لسنة 78 واضح وطبقا للقرارات الوزارية الصادرة فى شأن ضم المدة واضحة ومن حق أى شخص معلم أو عامل الخ ضم المدة بشروط معينة أهمها أن تتفق طبيعة العمل وطبعا هنا طبيعة العمل متفقة 100% وبمجرد رفع دعوى قضائية بسيطة سيتم ضم المدة ، أما المناقضة الخاصة بالجهاز فهى لمخالفات قواعد الضم ليس أكثر برجاء تحرى الدقة

[محمد محمود القلفاط]

لو كان هشام جنينه فعلا انسان نظيف النيه كان اصدر مناقضة على الاجرائات دون الاضرار بالمدرسين او إلغاء ضم العلاوات لمرتباتهم لكنه ولائه للى عينه و عارف ان أكتر شيئ يثير الموظفين هو نقض مكتسباتهم المالية و خصوصا شباب المدرسين هم الفئه المستهدفه و هم اكتر من يحمل مسئوليه العمل و هم اكثر فئة مستهدف إغضابهم و انا منهم لكن في هذا الموقف يجب أن يكون غضبنا في الإتجاه الصحيح ، ضد الخرفان اللى بيقرفونا في أكل العيش عشان يوجهونا لهدم البلد على وهم ان ذالك طريقهم للرجوع ( باختصار صراعهم على السلطه ندفع إحنا تمنه ) ربنا ينتقم منهم ، حسبنا الله و نعم الوكيل .

[teacher120]

معالى مين وزفت مين هشام جنينيه دا بتاع الاخوان -وبعدين فساد ايه فى ضم مده خدمه لمعلم كان شغال فى نفس التخصص فى نفس الجهه يعنى مده خبره علميه وعمليه ---

[ostaznemr]

المشاركة الأصلية كتبت بواسطة محمد محمود القلفاط

هذا المنشور وضح بما يدع مجالا للشك أن سبب إلغاء ضم مدة الخدمه لنا هو مناقضة هشام جنينه الاخونجي لقرار ضم مدة الخدمه و طبعا الهدف معروف ، صراع سلطات و نضيع احنا في النص و حسبي الله و نعم الوكيل

ياريت بلاش الفيلم الهندي اخوانجي ولا لا أصل احنا اسنانا درست من الحوارات الفاكسة دي والبلد خلاص مش مستحملة

[batot86]

لا هوا اخوانى وكل شويه يطلع بتصريح او قرار يسببحدوث بلبلة فى الدولة .

[sayed2800]

على فكرة يا شباب انا زوجتى معكم فى الشغل ومن المتضررين من سحب القرار وأنا أعمل بالجهاز المركزى ... برجاء التكرم بقراءة المنشور أعلاه بدقة وهتعرفو أنا مناقضة الجهاز على قرار السحب وليس قرار الضم ... والله لا علاقة لهشام جنينه سواء بقرار السحب أو الضم أنما موظف الجهاز يؤدى الذى يؤدى عمله ويراجع على أعلى مستوى من رؤساءه .... لذا لزم التوضيح

[محمد محمود القلفاط]

المكتوب نصا هو عدم احتساب مدة أقدميتهم لمناقضة الجهاز المركزى و أنا بصراحه مستغرب ، قرار ضم مدة الخدمه صدر و اتنفذ و لا يوجد به أى عوار قانونى ، لماذا ناقض هشام جنينه و لماذا يظلم الناس ، هل الصراع السياسي يجب أن يدفع تمنه الناس من قوت اولادهم ؟!

[أ/ هشام العيسوى]

ممكن رابط او موقع فيه تجميع لقرارات السحب التى صدرت حتى الان؟

[محمد محمود القلفاط]

المشاركة الأصلية كتبت بواسطة ostaznemr

ياريت بلاش الفيلم الهندي اخوانجي ولا لا أصل احنا اسنانا درست من الحوارات الفاكسة دي والبلد خلاص مش مستحملة

ياخويا و الله إخونجى ، عموما هو خلاص على ما يبدو أنه مقبل عالمؤبد و أكبر دليل انه إخونجى صفحات الخرفان اللى عامله مندبه عليه و ان اللى عينه هو الخروف مرسي .