بنات 3 ثانوى علمى ( ادخلوا بسرعة)

[Dr|shereen]

يضرب حاجه غريبه ليه احنا فى الحضانه ازاي يعنى ده كده اسلوب مش كويس صدقينى الفيزياء دى مش مشكلتك لوحدك بس هى عايزه حد يفهم وانتى وانا او اى حد ميعرفش يفهم الفيزياء لوحده كده لازم تحاولى تلاقى مدرس يعرف يخليكى تحبيها ويخليكى تفهميها وبصى احنا فى اول السنه فانتى متيياسيش وكله بالتدريب هيبقى سهل ان شاء الله

[marwa.m]

المشاركة الأصلية كتبت بواسطة Bosy 2

ازيكم يا بنات كل سنه وانتم طيبين

انا يا جماعه زعلانه اوى ومضايقه جدا من المخروبه الى اسمها الفيزياء وخده هى والاحياء معظم الوقت وفى الاخر مش نافع كان الاستاذ بتاع الفيزياء قالنا عندنا امتحان على الوحده التانيه كهربيه المهم ذاكرت طبعا ورحت الامتحان الاقى الامتحان على الوحده الاولى والتانيه كهربيه حليت الحمد لله الى على الوحده التانيه والى والله العيال طلعين بيعيطوا منها وكان فى نوع مسائل كده فى الدواير الكهربيه فى الباب الاول معقده شويه الاستاذ مسميها الدايره الحلوفه اجى فى الامتحان عشان افتكر الحلوفه دى بتتحل ازاى اتبخرت من دماغى خالص مع انى كنت مذكراها كويس والله ومش عدى عليها الا اسبوعين بعد انا مضايقه جدا ده بعض المنظر عن الضرب فى الدرس لان الاستاذ قال مش هيضرب الى غلطان فى الوحده التانيه بس هيضرب الى غلطان فى الوحده الاولى

بصوا بصراحه انا بعترف انا غبيه جدا

انا اختك فى الغباء

اقسم بالله العظيم الود ودى اولع فى الكهربية والاستاذ وفى الكتب وفى نفسى

والله العظيم حرام كدة مادة منيلة بستين نيلة

لو كنى يابوسى لسة مخدتيش الفصل 11 احب اقولك انة زبالة والفصول التانية بالنسبة لية ملاك

هو انتوا عندكوا النظرية الحلوفة بس دة احنا عندنا الاستاذ مسميهم اسامى هايلة

طبعا بما انى انا ونتى فى الكهربية كنت مستنيانى اساعدك بس للاسف ما باليد حيلة

الحقونى الاستاذ هيعملنا امتحان على 9-10-11 مرة واحدة

[الرحمة حلوة]

المشاركة الأصلية كتبت بواسطة sumasamy

على فكرة انا معاكى ان الفيزيا رخمة فى مزاكرتها بس مش معاكى ان الاحياء وحشة حاولى تفهميها وانتى هتحبيها والله لانها بتتكلم عن حاجات محسوسة حاجات فى النبات وفى جسم الانسان حاولى بس انك تحبيها وتفهميها ونصيحة منى ممكن يكون العيب فى المدرس بتاعك حاولى تغيريه
على فكرة انا كمان العيد كان بايخ عندى مش عرفة ليه كدة يمكن عشان حملين هم الثانوية

مش هتصدقوا لو عرفتوا ان الاحياء احسن مادة عندى كنت وخداها فى تانية وجبت فيها 49 والدرجة والله مش علافة راحت فين بس انتى حبى المادة وهى هتحبك والجميل فيه انها كلها حاجات ملموسة وبنشوفها غير مثلا الكمياء والفزيا بس اهم حاجة التركيز مع استاذ الدرس وكتاب المدرسة بكل رسوماته لا جتلنا السنة اللى فاتت رسمة الحوض وكنا بنحسبها ملغية فركزى على كتاب المدرسة ورسوماته وربنا يوفقنا كلنا

[Dr|shereen]

المشاركة الأصلية كتبت بواسطة الرحمة حلوة

مش هتصدقوا لو عرفتوا ان الاحياء احسن مادة عندى كنت وخداها فى تانية وجبت فيها 49 والدرجة والله مش علافة راحت فين بس انتى حبى المادة وهى هتحبك والجميل فيه انها كلها حاجات ملموسة وبنشوفها غير مثلا الكمياء والفزيا بس اهم حاجة التركيز مع استاذ الدرس وكتاب المدرسة بكل رسوماته لا جتلنا السنة اللى فاتت رسمة الحوض وكنا بنحسبها ملغية فركزى على كتاب المدرسة ورسوماته وربنا يوفقنا كلنا

انا مش عارفه ليه يعنى كل الطلبه الشاطرين بيجيبوا 49 هو محدش بيجيب 50 طيب تفتكري الدرجه دى ضاعت فى الرسومات ولا انتى رسمك حلو اصل انا الصراحه الرسومات مجننانى وتعبانى جدااا مش عارفه اعمل ايه المستر بتاع الدرس طبعا مش هيفضل يعلمنا واحده واحده هو بيرسم الرسمه مره واحده بس

[Dr|shereen]

المشاركة الأصلية كتبت بواسطة sumasamy

على فكرة انا معاكى ان الفيزيا رخمة فى مزاكرتها بس مش معاكى ان الاحياء وحشة حاولى تفهميها وانتى هتحبيها والله لانها بتتكلم عن حاجات محسوسة حاجات فى النبات وفى جسم الانسان حاولى بس انك تحبيها وتفهميها ونصيحة منى ممكن يكون العيب فى المدرس بتاعك حاولى تغيريه
على فكرة انا كمان العيد كان بايخ عندى مش عرفة ليه كدة يمكن عشان حملين هم الثانوية

والله نفس رايك انا بحب الاحياء اكتر لانها حاجات شايفنها وحسنها لحد ما لكن الفيزياء دى حاجات بنحاول نتخيلها ودى الحاجه اللى مصعباها انها ظواهر مش محسوسه انتى جبتى كام السنه اللى فاتت

[sumasamy]

المشاركة الأصلية كتبت بواسطة nada00

انا مش عارفه ليه يعنى كل الطلبه الشاطرين بيجيبوا 49 هو محدش بيجيب 50 طيب تفتكري الدرجه دى ضاعت فى الرسومات ولا انتى رسمك حلو اصل انا الصراحه الرسومات مجننانى وتعبانى جدااا مش عارفه اعمل ايه المستر بتاع الدرس طبعا مش هيفضل يعلمنا واحده واحده هو بيرسم الرسمه مره واحده بس

حاولى تركزى معاه وهو بيرسم فى الحصة ولما تروحى هاتى ورقة وافتكرى هو كان بيبدا الرسمة منين وبيكملها ازاى وارسميها مرة واتنين وتلاتة لحد لما تحفظيها وبعد كدة ارسميها لوحد من غير متشوفيها جربى الطريقة دى يمكن تنفع

[sumasamy]

انتى جبتى كام يا ندى؟؟؟

[Dr|shereen]

المشاركة الأصلية كتبت بواسطة sumasamy

حاولى تركزى معاه وهو بيرسم فى الحصة ولما تروحى هاتى ورقة وافتكرى هو كان بيبدا الرسمة منين وبيكملها ازاى وارسميها مرة واتنين وتلاتة لحد لما تحفظيها وبعد كدة ارسميها لوحد من غير متشوفيها جربى الطريقة دى يمكن تنفع

اوكى يا سوما هحاول اجربها بس يارب تنفع عشان انا حاسه ان الرسومات دى هى اللى ممكن تنقصنى انتى عارفه الامتحان بييجى فيه حوالى 3 رسومات شوفى بقى هيبقى عليهم كااااااااااام درجه

[sumasamy]

انتو مش بتشتركو معانا ليه يابناااااااااااات

[Dr|shereen]

انا جبت تقريبا 97 هو بالظبط 96.8

[sumasamy]

المشاركة الأصلية كتبت بواسطة nada00

اوكى يا سوما هحاول اجربها بس يارب تنفع عشان انا حاسه ان الرسومات دى هى اللى ممكن تنقصنى انتى عارفه الامتحان بييجى فيه حوالى 3 رسومات شوفى بقى هيبقى عليهم كااااااااااام درجه

متحمليش هم الرسومات من دلوقتى السنة لسة طويلة ولسة هنمتحن كتيييييييييير فى الدروس وفى المدرسة يعنى هنكون اكيد اتمرنا على الرسم وبقى سهل علينا انتى بس متصعبيش الامور على نفسك

[sumasamy]

انا جبت مجموع عالى بس مش عيزة اقوله عالمنتدى

[Dr|shereen]

المشاركة الأصلية كتبت بواسطة sumasamy

انا جبت مجموع عالى بس مش عيزة اقوله عالمنتدى

يا بنتى عادى كلنا اخوات عالعموم براحتك

[الرحمة حلوة]

المشاركة الأصلية كتبت بواسطة nada00

انا مش عارفه ليه يعنى كل الطلبه الشاطرين بيجيبوا 49 هو محدش بيجيب 50 طيب تفتكري الدرجه دى ضاعت فى الرسومات ولا انتى رسمك حلو اصل انا الصراحه الرسومات مجننانى وتعبانى جدااا مش عارفه اعمل ايه المستر بتاع الدرس طبعا مش هيفضل يعلمنا واحده واحده هو بيرسم الرسمه مره واحده بس

والله انا لما شفت النموذج على المنتدى لاقيت والله معنديش اى حاجة مفيش بس الا سؤال العامل الريزوسى وكان اكتبى نبذة مختصرة (ان شاء الله هتخديه فى التكاثر ) المهم ان الاجابة النموذجية والله كانت صفحة كتاب المدرسة كله وانا بصراحة مكنتش اتخيل انى اكتب كل ده وكتبت التعريف بس وحاجات تانية بسيطة فممكن ده اللى نقصنى بس برضه مش لدرجة بس الحمد لله وعلى فكرة معاى اتنين من اصحابى جايبين 50 والله الاحياء سهلة جدا وممكن تحلى مشكاة الرسومات وانا كنت بروح لاستاذ المدرسة وبصراحة كان متعاون جدا ورسملى اللى انا عاوزه وعملت كراسة رسم صغيرة جامعة فيها كل الرسومات اللى فى الكتاب بس كانت فى رسومات الاستاذ اصلا قلنا ان هى ملغية وجت واحدة منهم فى الامتحان زى رسمة الحوض وبعد كده عرفنا ان كل رسومات الكتاب المدرسى مقررة علينا

[marwa.m]

منورين يا بنات

والله فرحانة بيكو كلكم

ربنا ينتقم منك يافيزيا

وعلى رأى المثل ادعى على الفيزيا والكل يقول امين