هارد لك لناجح هذا العام

[semsama]

مبروك لجميع المعلمين اللى لم يدخلوا امتحان الكادر هذا العام وعلى وشك الترقية
لان القانون بيقول
مادة(81)
يشترط للترقية إلى الوظائف المنصوص عليها في المادة (71) من هذا القانون الآتي:
1-استيفاء شروط شغل الوظيفة المرقى إليها على النحو المبين ببطاقة الوصف الخاصة بها.
2-قضاء خمس سنوات على الأقل في ممارسة العمل الفعلي في الوظيفة الأدنى مباشرة أو ما في مستواها وفقاً للقواعد التي يصدر بها قرار من وزير التربية والتعليم.
3-الحصول على شهادة الصلاحية لمزاولة الوظيفة المرقى إليها .
4-الحصول على تقرير تقويم أداء بمرتبة فوق متوسط على الأقل في السنتين السابقتين مباشرة على النظر في الترقية.


ومعلش للى دخل الامتحان ونجح نقوله ياريتك كنت ؟؟؟؟؟؟؟؟؟؟؟؟؟؟؟؟؟؟؟؟؟؟؟

[حسام نصر عبد الحى]

وانتى نسيتى اللى على اى درجة علشان ياخد النسبة المقررة له لابد ان يكون امضى سنتين على الدرجة
مثال اللى واخد الدرجة التانية فى 1/7/2008 مش هياخد اللى 50% مش 75 لانه لم يكمل عامين على الدرجة التانية وهارد لك ليكى وكل اللى كانوا مكبرين دماغهم
وتتعوض المره الجاية واستنى بقى الدرجة ولا مستنهاش الدرجة هتجيلك انتى والا معاك ومش لواحدها دا هتيجى فى تاكسى
مع الاعتزار للمبى بيه

[العيسزى]

يعنى احنا خلاص اخدنا الخمسين فى المية وهنختلف على الدرجة

مش لم نصرف الاول يبقى نراجع القوانين

[حسام نصر عبد الحى]

حكاية السنتين ياجماعة كانت مجودة على موقع الاكاديمية وفى الشروط ولم يلتفت اليها اى شخص الابعد النجاح فى الكادر
يعنى الف مبروك لكل اللى دخلوا الامتحا لان كده كده لازم السنتين يطبقوا
واللى مدخلش السنه دى او رسب ضيع على نفسه سنه مش هيقبض

[ahmed 68]

الأستاذ حسام يتحدث وكأنه مندوب الوزارة يحبط أي إنسان صاحب موقف
عموما نتمنى ألا يضار أحد سواء اجتاز أو لم يجتز أو لم يدخل لسبب أولآخر
وأذكر سمسمة بأنه لاشماتة في ناجح ولو بالغش أو الحظ
مع خالص تحياتي .....

[bebobobos]

ياسمسمه انتى مدخلتيش الامتحان وال سقطىىىىىىىىىىىىىىىىىىىىىى:av4056bb7j p3::av40 56bb7jp3::av4056bb7jp3 :

[أفنان أحمد]

الاستاذ:حسام
موضوع السنتين خاص فقط بالترقيةلمعلم فيشترط أن يمضى سنتين وهذا الشرط زى عدمه لان أصغر مدرس فى الوزارة عنده أربعين سنة!!!!!!!

[احمد سلمى]

ايه حكاية السنتين دى يا جماعة اللى اخد الدرجة الثانية فى 1\7\ 2008 مفروض انه هياخدال75% لانه اكيد مضى عليه اكتر من 8 سنوات خدمة المعيار هو سنوات الخدمة وليس اقدمية الدرجة وراجعوا شروط الكادر الخمسة موجودة على موقع الاكاديمية

[جمال سراج]

بجد انا بقالى 18 سنة بشتغل والله ما اعرف انا بقبض كام او اساسيا كام او الكلام دة
كما اننى ابدا زى كتير من الناس بيبص للكادر دا او الامتحان على انه تحدى وحاجة كدا زى .......... طلع للواحد مش عارف منين
المساله كلها مش مساله 50% او 100%
يا ناس هو لو اخدت ال150% حتى هيبقوا كام يعنى
المساله مساله كرامة وكيان واستمرار
امتحانات ايه وزفت ايه
عيب - الموضوع كان ممكن ياخذ باحسن من كدة
تدريب وبعدين امتحان - اى حاجة غير الطريقة اللى اتعاملنا بها
والنتيجة ناس غشت ونجحت وناس محترمة عندها كرامة ورسبت
وناس تحولت بقدرة قادر اللى من مدرس عربى لمدرس كيميا
واللى من رياضيات لتربية رياضية زى ما سمعنا واللى مات ونجح
حاجة ملهاش زى
المساله مش مساله درجة ولا فلوس
تقبلوا تحياتى

[ayman asyoty]

تفسير القانون بهذه الطريقه خطا هذه المادة سوف تطبق بعد التسكين اولا

[t_orabi]

ايه الحوارات الغريبة دى
ما أرى إلا رغبة من صاحبة الموضوع وصاحب أول رد إلا لتضييع الفرحة على الناجحين
باختصار لو الوزارة ارادت عدم العمل بالدرجات الجديدة فى 1-7-2008 ما كانت استنفرت همم المديريات المختلفة لسرعة تسجيل الدرجات الجديدة
ولا أيه
والشكر للجميع

[نهر الكوثر]

الكلام هذا غير صحيح لان اللي نجح وحصل على الترقية 1\7\2008 سوف تحسب له على الدرجات الجديدة وهذا الكلام موجود في اكاديمية المعلم اسئلة شائعة وهي العبرة بالدرجة عند التسكين وعلى فكرة انا من قنا

[الكابتن55555]

الجنازة حارة والميت كادر

[مستر ايمن]

عمالين تألفوا وخلاص ماتقعدوا بقي وتستنوا الجديد الرسمي مالوش لازمه اللخبطه اصلااااا مش ناقصه هم وغم

[محمد البطل]

ان العبرة عند التسكين بمدى استيفاء شروط الوظيفة التى يجرى التسكين عليها عند صدور قرار التسكين كما هو الشأن فى سائر القرارات الإدارية ، فمن يستوفى شروط وظيفة معلم أول (أ) بعد تقدمه بطلب تسكين على وظيفة معلم أول قبل صدور قرار التسكين له الحق فى تعديل طلبه إلى التسكين على الوظيفة الأعلى ويكون للوزارة فى هذه الحاله إجــراء الاختبار الازم للمرشح الذى تتفق معه الوظيفة التى عدل طلبها إليها إن كان لذلك مقتض وفقاً للقواعد المعمول بها فى هذا الشأن ، وذلك باعتبار أن تاريخ التسكين هو التاريخ الذى يتحدد فية المركز القانونى للمعلم وليـس تاريخ تقديم الطلب