حسببي الله فيكي يا نقابة (المتبهدلين) المعلمين سابقاً

[أمجد حلواني 9]

أخواننا القائمين على أمر نقابة المعلمين من الواضح انهم يا اما صم وبكم يا اما تربية فكرية يا اما نور وأمل لأنه مش معقول اللي بيعملوه فينا في البرامج وهما ولا حس ولا خبر من قناة الحياة لقناة المحور لقناة دريم يا قلبي لاتحزن زي ما يكون جنازة المدرسين وبرامج التوك شو عايزة تشبع فيها لطم

حرام عليكم يا نقابة ولا هوما فيش غير السرق والنهب والمصايف والعمرة والكافتيريات وقاعات الأفراح وسرقة الاشتراكات من اللي بيسافروا برا مصر فين موقفكم من البرامج دي فين دفاعكم عننا في قضية الكادر فين دفاعكم عننا في قضية الحوافز في دفاعكم عننا في قضايا الضرب والتحرش اللي عمالة تطلع من تحت الأرض دي نقابة المرشدين السياحيين عشان مسلسل هيما قومت الدنيا وما قعدتهاش وأعضاؤها ما يكملوش 10.000 بني أدم مش زينا 1.400.000 مليون وربعمية ألف روح ذنبهم في رقبتكم

[ayman asyoty]

ياعم العدد فى الليمون احنا ملناش ظهر فنضرب فى كل اتجاه ولسه اللى جى اكتر الرياح عاتيه

[ashrafnassr]

المشاركة الأصلية كتبت بواسطة أمجد حلواني 9

أخواننا القائمين على أمر نقابة المعلمين من الواضح انهم يا اما صم وبكم يا اما تربية فكرية يا اما نور وأمل لأنه مش معقول اللي بيعملوه فينا في البرامج وهما ولا حس ولا خبر من قناة الحياة لقناة المحور لقناة دريم يا قلبي لاتحزن زي ما يكون جنازة المدرسين وبرامج التوك شو عايزة تشبع فيها لطم

حرام عليكم يا نقابة ولا هوما فيش غير السرق والنهب والمصايف والعمرة والكافتيريات وقاعات الأفراح وسرقة الاشتراكات من اللي بيسافروا برا مصر فين موقفكم من البرامج دي فين دفاعكم عننا في قضية الكادر فين دفاعكم عننا في قضية الحوافز في دفاعكم عننا في قضايا الضرب والتحرش اللي عمالة تطلع من تحت الأرض دي نقابة المرشدين السياحيين عشان مسلسل هيما قومت الدنيا وما قعدتهاش وأعضاؤها ما يكملوش 10.000 بني أدم مش زينا 1.400.000 مليون وربعمية ألف روح ذنبهم في رقبتكم

نقول تانى ........... السيد نقيب مؤقت و نفسه يتثبت يبقى لازم يمشى تحت جناح الحكومه عشان ينجح فى الانتخابات النزيهه و الحوافز بيعملوا اللى عليهم و بيسلكوا كافة القنوات الشرعية و المهلبيه وده لانهم حفظة قانون مش نقابة فتوات و بعدين كل واحد يلم نفسه ومش هيبقى فيه مشاكل لان المشاكل بتيجى من المدرسين ووجع دماغهم و اخيرا اكيد بيحسبوا حصتهم فى الغنيمة بتاعه الكادر و الاشتراكات اللى لازم هتزيد و العمليه فى النملية و الازازة فى البزازة و كله تمام يامعلم

[sssahmed]

رحمة الله على الاستاذ الفاضل المرحوم / مصطفى كمال حلمى
نقيب المعلمين الأسبق
من بعده لا نقابه
النقابة التى لا تدافع عن العاملين والمشتركين بها لا يصح ان ننتسب لها
طالما لا رأى و لا صوت لها فى الدفاع عنا

[ممدوح مصطفى الانصارى]

هو فى مصر نقابة للمعلمين؟؟؟؟؟؟؟؟؟
من هو نقب معلمى مصر؟؟؟؟؟؟؟؟؟
اخر مرة سمعت فيها عن نقابة المعلمين قبيل امتحانات الكادر، واعضاء نقابة فرعية باحدى المحافظات تهدد المدرسين الذين يلوحون بمقاطعة الامتحانات . ربنا يعوض علينا ................
استاذ امجد حلوانى 9
اسمحى لى اعاتب حضرتك( الواضح انهم يا اماصم وبكميا اماتربية فكريةيا امانور وأمل )
كدا يبقى احنا بنظلم النور والامل والتربية الفكرية والصم والبكم.........عارف ان حضرتك لا تقصد سوء بــهولاء.
خالص الشكر والتحية وفى انتظار المزيد من مشاركاتك المثمرة

[محمد السيد غريب]

نقابة اية علية العوض محدش يجيللك فى نقابة

[gamalka]

انها نقابة فاشلة -- مجموعة من مصاصي الدماء محترفي الاكل علي كل الموائد 0000 لم ولن نسمع لهم صوتا لأنهم صم وبكم ومشلولين 0000 اللهم انزل بهم وعليهم جام غضبك000000000 اتخذوا موقفا جماعيا منهم 00000

[مستر محمد سلامه]

لنا الله هو القادر على كل شيء

[romanna]

يـــــــــــوووه مهلبية يــــــــــوووه أرز على ملوخــــــــــيه يـــــــــوووه

[faraglxr]

لماذا لاتكون لنا نحن المعلمون وقفة جماعية تجاه هذه النقابة نطالب فيها بحقوقنا ؟؟