|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
19-11-2008, 10:58 PM
|
||||
|
||||
والله أخدناها فى كى جى : النظافة من الإيمان
السلام عليكم ورحمة الله وبركاته الموضوع إنهارده مش زى أى موضوع لفت نظرى ليه ( عادل ) لما إتريق على خلفية الإزازة فى موضوع مقابلتنا  الموضوع إنهارده بيتكلم عن النظافة أيوه النظافة اللى بقت حاجة نادرة بتحصل فى حياتنا لما تقول لحد النظافة من الإيمان تلاقيه قعد يضحك ..!! بجد شىء صعب جداً يا جماعة لما الواحد يرمى ورقة فى الأرض فعلاً بيعبر عن بيئته اللى جاى منها بضايق جداً لما أكون ماشية مع حد ويرمى حاجة فى الأرض .. طيب يابنتى رامتيها ليه ؟؟!! تقول بكل برود : يعنى انتى شايفة الأرض نضيفة ..!! رد مُستفز  .. مين يعنى اللى خلا الأرض بالشكل ده .. مش إحنا برده ؟!!  والله بيصعب عليا عُمال النضافة بشكل عام وعمال النضافة عندنا فى الجامعة خصوصاً لما أكون فى الجامعة 8 الصبح وأشوفهم وهما بيلموا الزبالة من الأرض .. والله الناس دى بتتعب أوى .. ومش فاهمة من قلة صناديق الزبالة والباسكتات اللى فى كل حته وصلت بينا الدرجة إننا نكسل نرمى حاجتنا فى الباسكت لو كل واحد يمسك الحاجة اللى عايز يرميها فى إيده أو فى شنطته لغاية ما يلاقى باسكت ويرميه فيه البلد مش هتبقا بالمنظر البشع اللى بنشوفه كل يوم الكل بيستسهل ويرمى فى الأرض وخلاص لو نحط نفسنا مكانهم هنحس بيهم أوى دول بنى أدمين زينا يا جماعة .. أكيد بيقرفوا من المناظر اللى بنعملها دى فى الصين بيصنفوا الزبالة بنفسهم تلاقى فى الشارع أكتر من 20 صندوق : بلاستيك- بواقى طعام - زجاج - .... دول عندهم شرطة مخصوص للنضافة اللى يرمى حاجة على الأرض أو مش فى مكانها المُخصص دا حتى الهند اللى اسمهم الهند بيعملوا كده بجد ربنا يستر علينا من اللى بنعمله فى نفسنا ده ( بندور على اللى يضرنا ونعمله ) ومش بناخد فى إعتبارنا إن كل حاجة بنرميها على الأرض ربنا بيحاسبنا عليها كفاية رغى دلوقتى و أبقا أكمل كلامى بعدين وعايزة أسمع آرائكم فى الموضوع
__________________
إذا فقدت كل شىء و بقيت ثقتك بالله فإنك لم تفقد شيئاً
آخر تعديل بواسطة أسيل رزق ، 19-11-2008 الساعة 11:05 PM |
|
#2
19-11-2008, 11:11 PM
|
|||
|
|||
بصى بقى يامها الموضوع دة لعبتى
بجد بجد انا مش بكره فى حياتى قد القزارة مرة كنت فالباص وفى بنت كدة مقولكيش فظيعة جداااااااااا كانت بتشرب كانز وخلصته وجاية عند الشباك بتاعى وعاوزة تحدف الكانز تخيلى بقى واحنا على طريق سريع يعنى الكانز دية ممكن تنزل على عربية ماشية الراجل توازنه يختل يروح فيها هو والى وراه والى قدامه المهم انا قولتلها لا مش هترميها خليها فى شنطتك ولما تروحى ارميها قالتلى ولية العذابب دة قولتلها عشان تبقى شخصية نضيفة ومينفعش يبقى انسة جامعية اخر شياكة وترمى الحاجة فالشارع معرفتش ترد عليا والله وقعدت تضحك وتقولى اصل شنطتى مليانه ماعلينا انا عننفسى والله لو ورقة لبانة بحطها فالشنطة ولما اقابل باسكت او لما اروح ارميها اولا لاسباب: 1)ان انا واحدة عاقلة كبيرة انسة محترمة شكلى بايخ اوى وانا برمى زبالة فالشارع 2)ان لو انا رميت ودة رمى ودية رمت الشارع مش هنعرف نمشى فيه 3)مش مهم بقى مش لازم اقول كل الاسباب بس انتى عارفة يامها فالصين واليابان وكدة الى يرمى حاجة فالشارع يدفع غرامة وعندهم الباسكتات منوعة فى واحد للورق وواحد للبلاستك وواحد للكانز عشان يلموها ويعيدوا تصنعها من تانى شوفى حتى الزبالة بيستفيدوا منها واحنا مش هاين علينا نشيل وارقة فى جيبنا ولا شنطتنا لحد ما نرميها فى مكانها والله ياجماعة لو كل واحد اخد باله من نفسه ومرماش حاجة فالشارع بجد البلد هتنضف كتير بجد ياريت كل واحد يغير من نفسه الاول وبعدين ينبهه غيره شكرا ياموها عالموضوع عن جد فكرة جميل وموضوع مهم اوى
__________________
 laugh at the time when people wait ur tears
|
|
#3
19-11-2008, 11:49 PM
|
||||
|
||||
|
بجد انتوا الاتنين عندكوا حق لئن دة بقا عامل زى الوباء الشارع كلها زبالة و الواحد يقرف يمشى جنبها انا بشوف ناس الباسكت جنبهم و يرموا جنبة شوفوا الفرسة يعنى انتى مش قادرة تمدى ايدك شوية و ترمية و لو كلمتى حد على الموضوع دة يتريقوا و يفضلوا يقولوا ماشى يا عم النضيفة و الكلام دة بس ربنا يستر عليا بس موضوع مهم اوى و شكرا اوى يا مهمتى
__________________
الحزن مملكة لا يسكنها سوى الدموع |
|
#4
20-11-2008, 12:07 AM
|
||||
|
||||
|
انا اكيد معاكى فى الى انتى بتقولى دا اكيد بس فى مشكله ودى انا شفتها واكيد كتير شافوها لما تيجى تروحى عند صندوق القمامه الى فى الشارع هتلاقى حاجه من الاتنين يائما الزباله على اخرها والباقى مرمى جنبها على الرض او الصندوق واقع على الارض ومكسور اما الصناديق الصغيره الى بتكون متعلقه على عمود النور انا مره كنت ماشى وكنت بشرب كنز (بيبسى) فلاقيت عمود نور ومتعلق عليه صندوق زباله برمى العلبه فيه لقيت الصندوق الارضيه بتعتوا مش موجوده يعنى العلبه دخلت ونولت على الارض هى الحكايه عايزه يكون فى حد متابع الى بيحصل ويغير الصناديق الى يلاقيها مكسوره لكن لاحياه لمن تنادى
|
|
#6
20-11-2008, 01:23 AM
|
||||
|
||||
|
المشكلة ان ده بقى سلوك عام من اغلب الناس
و مش بيفرق فيه متعلم من جاهل تلقى اى حد ماشى و بيشرب كانز مثلاً يرميه فى اى حتة فعلاً حاجة تقرف  ياريت كلا الناس تبطل السلوك دة و انا عندى اقتراح  :ممكن كل واحد بيروح اى مكان مفهوش صندوق للقمامة ياخد معاه كيس اسود و يحط فيه ال rubbish و بعدين يرمى الكيس لما يروح البيت او فى اى صندوق يقبله فى الطريق و شكراً على الموضوع 
__________________
الأختلاف فى الرأى لا يفسد للود قضية |
|
#7
20-11-2008, 08:50 AM
|
||||
|
||||
|
بصي يا اخت اسيل هقول جملة واحدة في الموضوع ده
(يا من حملت الفأس تريد انقاذها ، اقعد ، فكم مرة قلت امراض البلاد وانت من امراضها )
__________________
[CENTER][SIZE=4][COLOR=red]ابتسم يا عبقرينو فالحياة لا تساوي شيء دون العمل لوجه الله لا يهمني من أين يأتي الحق ولكن يهمني أن يأتي الحق أشرف السيد
|
|
#8
20-11-2008, 11:26 AM
|
|||
|
|||
|
والله يامها الواحد تعب من كتر الشعارات
بتاعة النظافة سلوك حضارى وحافظ على نظاقة مدرستك وبيتك وغيطك والكلام اللى ملوش محل من الاعراب تعالى نبص للموضوع من وجهة نظر تانية انتى عندك فى مصر وفى كل محافظة متعاقدة مع شركة نظافة هدفها تنظيف الشوارع القاهرة متعاقدة مع شركة انجليزية على ما اعتقد ومحافظة الاسكندرية كذلك لكن تيجى تشوفى جبال الزبالة والمخالفات تلقيها بالالوف وعمتا النظافة بتم فقط فى الاحياء الكبيرة بتاعة ولد الناس فقط مصر الجديدة والمهندسين والزمالك والمناطق الحيوية انما انزلى على اى حى شعبى هتلقى هناك كنوز من الزبالة مش هنتكلم عن الصين اللى تعددها مليار و200 مليون خلينا فى صر اللى تعددها 80 مليون ومش عارفه لغاية الان تنظف مدينة وحده شكرا على الموضوع النضيف  |
|
#9
20-11-2008, 12:01 PM
|
||||
|
||||
|
اقتباس:
فى امااااااان الله
__________________
You can only go as far as you push
 |
|
#10
20-11-2008, 04:00 PM
|
||||
|
||||
|
اقتباس:
أول حاجة حاجة هعلق عليها إن النظافة مش من الإيمان
يعني مش شعبة من شعب الإيمان عشان مفيش حديث صحيح في كده نيجي بقي لموضوع النظافة هي أكييد مهمة جدا و في حكاية بتعكس إنطباع عن البيئة اللي هو منها أنا مثلا إنهاردة قبل ما أدخل اللجنة(خرجت بعد 10 دقايق) إشتريت كنز و بعد ماخلصته أعدت أدور علي حتة أرميه فيها ملقيتش لغاية لما لقيت عند الورش بتاعتنا(بتاعت هندسة) شكاير و حاجات عجيبة كده مرمية أمت رايح راميها جنبهم بس أنا لو مكنتش رميتها كان أقرب باسكيت بره البلوكات بتاعتنا يعني ليلة علي ما أطلع فكنت هرميه في الشارع يبقي ده يعكس إنطباع إني و أنا أعد في البيت برمي الحاجة علي الأرض ما أعتقدش بس المسألة إن : "كلوا بيرمي فبرمي معاهم"
__________________
Mahmoud Wafaay
Control - Engineer Mansoura university  |
|
#11
20-11-2008, 05:23 PM
|
||||
|
||||
|
الحمد لله الذي لا يحمد على مكروه سواه
سبحان الله عمرك اطول من عمري(لاني كنت هعمل توبيك كده بالظبط ) انا لما بتكون معايا مخلفات مش لدرجة انيي بشيلها لغاية ما الاقي صندوق قمامة لكن احيانا برزوح بيها البيت اخر تريقة كانت من قيمة اسبوع احنا طبعا في فصل متفوقين يعني .......,و....... و..........و.............و............ الخ وحاجات كثيرة المهم كان معايا باكيت بسكويت (بوريو اصل انا بحبه مووووووووووووووت) اكلت ه وفضليت ماشي لغاية موصلت الملعب ( لان المدرسة كلها مش فيها غير باسكت واحد) ورميت الباكيت لاقيت واحد صاحبي قالي انت بتعمل اية قلته برمي الـــ لقيته بصلي بنظرة مش ولا بد غير الكلام اللى قاله........................... عاااااااادي ده ككله يمكن علشان متعلم في مدرسة حكومية لكن بقى العجيب وانا نازل من اكتوبر (من قصاد مسجد الشيخ الحصري رحمه الله) ركبت السيارة حجة رمسيس وكان جالس بجواري اخ مصري بس مودرن واستيل (يعني بتاع مامي ودادي وتاتي ) وكان بياكل جيلي (يعني عـــ الدلع ) وبعد مخلص الجيلي لااااااااازم يحبس بكنز الراجل مشكور معزمش طبعا بس يشكر برده سند علبة الجيلي على المنضدة اللى خلف السواق لغاية ما يشرب الكنز وخلص الاتنين بالهنا والشفا وقام ماسك بيهم ومن الشباك ............ بهدوء قلت يانفع كده حضرتك قال الللى هو اية فلته اللى حضرتك عملته يعني احنا على المحور وطريق سريع ونظيف قال علشان كده قلت هو اية؟ قال احنا في مكان بتعدي عليه كبرات البلد (...........) يعني لازم ينظفوه علشان خاطر ساعته مش ينفع يشوف ......... اتكلم عن الللى بيحصل في الجامعة (هي خاصة طبعا) وطلع انه خريج مدرسة امريكية وكمان في كلية صيدلة يعني ده مش مشكلة فئة مش منظمة ولا طبقة معينة ده مشكلة شعب انا من رايي انها وباء نفسي تفشى في البلد شوفو احنا كام مليون مواطن (80 )كل واحد رمى ورقة اية اللى هيحصل................ اما بالنسبة لـــــ عاملي النظافة انا كل يوم وانا نازل المدرسة بشوفهم اول حاجة بالقي عليهك تحيةو الاسلام وبقولهم ربنا يقويكم يا رجالة وانا من جوه نفسي صعبان عليا الناس دول لانهم اول حاجة كبار السن و متدينين اوي وطيبين ومتعاونين وبيضيقني الالطلبة بعد ما يكون في توزيع ورق دعايا ياخذوا الورق ده وقطعوه ..... كمان كان في مرة طالبة قطعت ورقة دعايا ورمتها فتقدمت اقول في هدوء حضرتك العمال لسة منظفين المكان ياريت تشيليها قالت بكل ببرود وانت ماااالك انا وجهي جاب الوااااااااااااااااان ومشيت وانا زعلان على البلد والاجيال اللى طالعة مش على الاحراج والتهزئ بالرغم ان بالبنت ده كانت من اوائل المدرسة يلا نغير من نفسنا وياريت كل واحد قرا التوبيك ده مش يرمي قمامة في اي مكان تاني وياريت كل النااااااس يــــــــــــــــــــــــــــــــــــا رب في حفظ الله ورعايته والسلام خير ختام السلام عليكم ورحمة الله وبركاته |
|
#12
20-11-2008, 06:10 PM
|
||||
|
||||
|
جربيها كدا وارمى فى الباسكت
خدى كلام من هنا لللاخر بس نرجع ونقول اقتباس:
__________________
قالوا سكتُّ وقد خوصمتُ قلتُ لهم إنَّ الجوابَ لبابِ الشرِّ مفتاحُ والصمَّتُ عن جاهلٍ أو أحمقٍ شرفُ وفيه أيضاً لصونِ العرضِ إصلاحُ أما تَرَى الأُسْدَ تُخْشى وهْي صَامِتة والكلبُ يخسى لعمري وهو نباحُ 
|
|
#13
20-11-2008, 06:27 PM
|
||||
|
||||
|
يااااااه يا مها موضوعك فى الجون بصراحة .. انا جالى حساسية من المناظر اللى بشوفها بجد مناظر مقززة
عارفه فى مرة كنا داخلين انا وصحباتى المدرج وكان معانا كانز عمو اللى بيقف عند الباب قالنا مش هتدخلوا بيهم عمالين نقوله والله ما هنرمى حاجه يقول كلكوا بتقولوا كده امال المدرج بيبقى مليان زباله كده ازاى لما مافيش حد فيكوا بيرمى كنا شوية وهنعيط ونقوله المحاضرة هتبدأ وده مافيش اخر ما زهقنا سيبناله الكانز ودخلنا الراجل خلاص فقد الثقه ف ان ممكن يكون فى حد نضيف ميرسى يا ماهى ع الموضوع  |
|
#14
20-11-2008, 11:37 PM
|
||||
|
||||
|
بصى يا بنتى
الواحد بجد بقت دى العاده يعنى بقى دلوقتى اللى بيحاول يعمل كده و يحط فى الشنطه او كده يبقى غريب انا مثلا مدمنه بوريو ده  المهم بحط منه كتير جدا و لما بخلص مش بحب ارمى على الارض اقوم حطاهم فى الشنطه البنات يقولولى و ليه كده حتزحمى الشنطه و فى الاخر مره واحده غاظتنى و قالتلى مالها شنطتك مش نضيفه كده ليه و الله بقى انك تحاول تعمل حاجه صح يبقى انت كده اللى غلط بس لفت نظرى انك بتقولى الهند اللى هى الهند مالها الهند على الاقل عندها امكانيات و تنكنولوجيا انها تقدر تطلع اول صاروخ للقمر اللى الحمد لله احنا شوفوا كام دوله مش عارفين نعملها يلا الحمد لله على كل شئ  اقتباس:
جزاك الله كل خير فى رعايه الله
__________________
 In God's care HaPpiLy eVeR aFtEr |
|
#15
21-11-2008, 01:53 PM
|
||||
|
||||
|
بصى يا مها
انا هقولك على حاجة تقريبا انضف محافظتين فى مصر قنا والاقصر متلاقيش حاجة فى الشوارع لما الواحد يشوف الحاجة نضيفة ادامه عمره ما هيحاول يقلل نضافتها المشكلة فينا احنا لو شوفنا حاجة مش نضيفة للدرجة اللى هيا بنقوم نقلل نضافتها اكتر طب ليه طب ماتحاول تنضف نفسك يعنى الموضوع فى ادينا احنا اللى هننضف واحنا اللى ........... وعلى راى المثل الانسان النضيف نضيف والانسان ............. :::::::::::::::; بالنسبة للبلاد اللى برة ( على اساس ان مصر جوا ) مش هنلاقى انضف منها لان شعبها نضيف مع ان معظمهم مش مسلمين ( ومسمعوش النظافة من الايمان ) يعنى المشكلة مشكلة مبدأ وسلوك عندهم النظافة سلوك حضارى انما احنا نقعد نغنى ونقول ( النظافة من الايمان ) ولا حد بيعبر ربنا يهدينا جميعا شكرا على الموضوع ودمتم فى رعاية الله
__________________
 ......استودعكم الله الذى لاتضيع ودائعه.... ....closed 4 ever
آخر تعديل بواسطة ..Just Stop ، 21-11-2008 الساعة 02:01 PM |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:25 PM.
