أرجوكم أسئلة عن كلية العلوم

[duro_re]

بالنسبة لخريج العلوم فهو بيكون كفء لتعليم جميع المواد العلميه في ثانوي بالعربي والانجليزي دي حاجه اساسيه
ثاني حاجه لو كيميائي ممكن تشتغل في كل الصناعات لان مفيش صناعة مفيهاش كيمياء اسمنت وبترول وحديد وبلاستيك وادويه وهكذا
لو فيزيائي نفس الشئ وبتبقي متخصص في العمل علي المكينات الفيزيائيه
لو جيولوجي يبق عليك وعلي الاسمنت والدهب والتنقيب عمتا
في اقسام كتير وفيها شغل كتير بس انت شد حيلك وعلي فكره هي كليه علميه اكثر منها تطبيقيه يعني بتعلمك من الاصل وبتفهم الاساسيات وكل القوانين جت منين بس مشكلتها منهجها طويلة جدا لانها في اربع سنين بس حتطلع بتفهم في كل حاجه
واي حاجه وحيكون عندك استيعاب لاي شغله تدخلها بل انك حتبتكر فيها لان الكليه اصلا للمبتكرين قبل لانك بتتعلم علوم كتير اكبر من انك تشتغل في الاخر في مصنع هي بس عيزه ناس تشتغل وتاخد الاربع سنين جد وربنا بيوفق
وفي حاجه لو كنت بتفهم ومبتحبش الحفظ فهي دي المكان الاساسي لكدا لان كلها فهم مش حتحفظ غير الاساس والقواانين الاساسيه لكن لو كل حياتك حفظ يبقي ابعد عنها لانها حتبهدلك فهم
انا في سنه تانيه والحمد لله اقدر افسر كثر من الظواهر الطبيعيه واقدر اصنع حاجات كتير من القوانين اللي عرفتها فيها دا مع اني لسا بسمي واي خدمه تانيه انا موجود