قسم خاص بالاستفسارات & الطلبات

[الجويرية]

السلام عليكم ورحمة الله
ليه القلق ده كله؟؟
قسم اللغة العربية من اسهل الاقسام فى كلية الآداب مش زى ما الكل عارف لغة عربية يعنى صعبة جدا
هو للاسف تلت اربع الدفعة بتنجح بالملازم بتاعة يومين قبل الامتحان
بس فى بيجيبوا تقديرات عالية
وبالنسبة للانتساب فهو اسهل من الانتظام بكتيرررررررر
احنا الانتاظ بالنسبة لجامعة القاهرة
كل مادة بيدرسلنا فيها دكتورين بمنهجين مخلتفين
وفى مواد بيبقوا تلت دكاترة
اما الانتساب فكل مادة هو دكتور واحد ومنهج واحد بس
فالمنهج النسبة لهم اقل مننا
بس طلب الانتظام هو اللى واخد وضعه اكتر من الانتساب فى الجامعة
وعلى فكرة المناهج مش صعبة خالص
لو فعلا بتحب اللغة العربية هاتستمتع جدا جدا بالدراسة
لو مش بتحب اللغة العربية مش هاتعرف تحب المنهج ولا المحاضرة خالص
انا بنصح حضرك
اهم حاجة الالتزام بالحضور
بينفع جدا فى الامتحان
مش مشكلة المذاكرة طول السنة المهم فهم المحاضر والتركيز فيها
واخر شهر لو اتذاكر كويس فيه هاتجيب تقدير عالى فيه جدا مع الحضور
دى نبذة

واى استفسار آخر انا فى الخدمة
انا سنة تانية لغة عربية
وجزاكم الله خيرا