ياريت اى حد فى كليه العلوم يساعدنى

[scrubs]

هكلمك اولاً عن موضوع الدبلومة

قسم الكيمياء

كما يمنح القسم درجتى الماجستير والدكتوراه فى تخصصات :
1. الكيمياء العضوية.
2. الكيمياء غير العضوية.
3. الكيمياء الفيزيائية .
4. الكيمياء الحيوية.
وكذلك يمنح القسم دبلوم فى التخصصات الاتية :
1- دبلوم كيمياء تطبيقية . 2. دبلوم كيمياء تحليلية .

معنى كده ان الدبلومة لسة موجوده واى كلام غير كده سيبك منه وبلاش توتر على الفاضى عشان اعصابك

الشروط اللازمة للدبلومة

مادة(23) تبين القواعد التاليه الشروط اللازمه للقبول لكل دبلوم.
1- دبلوم الكيمياء التحليلية:
يشترط لقيد الطالب للدراسة الخاصة بدبلوم الكيمياء التحليلية أن تكون دراسته لدرجه البكالوريوس أو ما يعادلها قد تضمنت:
أ- الكيمياء لمدة أربع سنوات. ب- الطبيعة لمدة لاتقل عن سنة واحدة.


بالنسبة للتخصص والاقسام اتفضلى شوفى طريقك فى الكلية








المواد والمقررات فى سنة اولى




المقررات فى سنة تانية تخصص كمياء











المقررات فى سنة تالتة شعبة كمياء حيوى




المقررات فى سنة رابعة كمياء حيوى



لازم تعرفى ان اى كلية علوم فيها امتحانات اسمها ميد تيرم يعنى التيرم الواحد بيتقسم الى نصين فهتحسى ان الامتحانات بتيجى بسرعة فلازم تاخدى العملية من اول يوم جد وده الحال فى جميع الكليات العملية

اما بالنسبة ان انتى كان حلمك صيدلة فياريت تقرأى المشاركة ديه

مفيش شك ان 98% من اللى داخلين علوم هيدخلوها نظرا لظروف خارجه عن ارادتهم اللى كان نفسه فى طب او صيدلة واللى كان نفسه فى هندسة او حاسبات ومعلومات كـــــــــل الشريحة ديه هتخش علوم وفى منهم اللى هيخش خاص

انا شايف ان كلية علوم من اعلى الكليات كقيمة علمية وده مش مجرد كلام ده واقع
بس النقطة ان الكل بيقول عليها صعبة ...... مفيش شىء اسمه صعب انت هتخش الكلية هتجتهد وتذاكر وتدى الكلية حقها ربنا هيكرمك وتطلع بتقدير كويس ولازم نكون عارفين ان التقدير مهم جدا ..... هتخش ارفان ومخنوق ومش عايز تذاكر وعمال بينك وبين نفسك تقول ياااااااااه بقى اخرتها علــــوم سدأنى هتفضل محلك سر وهيبقى هو ده بداية طريق الفشل ..........الكلية فيها اقسام كتيير ومليانة تخصصات بلهبل وهيبقى عندك فرصة سنة كاملة تتعرف عليهم كلهم........

تعالوا بقى لنقطة مهمه جداً.....اللى هى الشغل ...... ديه بقى بأيد ربنا .... بس فى اسباب لازم تاخد بيها وتعمل اللى عليك خريج علوم راجل عنده من القدرة على الاستيعاب والفهم والتعلم كبيرة جدا نظراً لكمية العلم اللى درسه فى الكلية (كماً وكيفاً)عشان كده تلاقى خريج كلية علوم يقدر يشتغل اكثر من وظيفة وفى اكتر من تخصص غير بتاع هندسة قسم مدنى مثلا فده راجل هيشتغل مدنى بس اما انت يا خريج علوم ادامك مجالات كتير جدا على حسب قسمك فده ميزة كبيرة جدا الناس مش واخده بالها منها

انت هتبقى انسان مرن تقدر تتكيف وتتأقلم على حسب السوق ... وده لأنك خريج كلية علوم فهتلاقى خريج علوم ممكن يتشغل فى مجال الصيدلى او الدكتور او مهندس البترول وفى شركات البناء والتشييد وفى المصانع ومجالات لا حصر لها .........

بس انت لازم تحب الكلية وتبقى من جواك مقتنع انت داخل بحر من العلوم وانك انسان محظوظ جداً لأنك هتاخد تعليم مميز الى حد ما عن اى كلية تانية فى مصر كلها ...... بعد سنة اولى اختار تخصص تكون ميال ليه وحاول على قد ما تقدر انك تجيب تقدير... ويا سلام لو تبطل كسل بعد ما تتخرج وقدم على دراسات عليا وخد ماجيستر فى خلال سنتين ......
يعنى هيكون عندك 24 سنة ومعاك ماجيستر فى تخصصك ... زائد الخبرة اللى هتاخدها من الشغل حتى لو اشتغلت شغل صغير فى الاول المهم انك تشتغل وتشوف وتحتك بالسوق

انا عارف انى طولت بس المهم انك تكونى ارتحتى شوية واقتنعتى بالكلام وبالتوفيق