بعد تصريحات الوزير الأخيرة عن رواتب المعلمين كل معلم منصف لازم يشكر سعادة الوزير

[أحمد على فارس]

بعد الوزير ما قال فى القناة الثانية أن مرتب المعلم يبدأ من 1700 جنيه للمعلم المساعد و2900 جنيه العلم أول و3200 جنيه للكبير عشان يسخن أولياء الأمور المتعاطفين واللى مش متعاطفين على المعلمين لازم نشكره بشدة عشان هو كده هيستفز كل المعلمين عشان يكملوا الإضراب بقوة وكمان هو لما أستفز أولياء الأمرو علينا حيروحوا يتخانقوا مع المعلمين فيستفزوهم أكتر فالمعلمين اللى مش عاملين إضراب أو عايزين يفكوا الإضراب هيسخنوا ويصمموا الأستمرار فى الإضراب لغاية لما تتحقق المطالب كلها بإذن الله
يعنى الوزير الذكى جدا بيساعد معانا فى الإضراب عشان يستمر لغاية لما تتحقق مطالبنا يبقى لازم نشكره ولا لأ يا أخويا المعلم محنا لازم نكون منصفين ومش جاحدين للى يقف معانا
شكرا يا سيادة الوزير وبيقولوا عليه وزير سياسات وهو بيخبط فى الحلل
سياسات إيه دى مش عارف