ماذا افعل للألتحاق بالهندسة

[elsharef]

السلام عليكم و رحمة الله و بركاته
انا لسة مخلص ثانويه السنة دى وان شاء الله ناوى اخش هندسة السنة اللى جايه و حاسس ان مجموعى حيساعدنى لانى و الحمد لله جبت 98% فى سنة تانية و ان شاء الله ربنا يوفقنى فى مجموع تالتة لانى مستنى النتيجة , المهم علشان مطولش اكتر من كدة , انا كنت عاوز حد يعرفنى اكتر عن الهندسة و ازاى ممكن استثمر بعض وقتى فى الاجازة للأستعداد للهندسة و التحضير ليها , وكنت عاوز اعرف ايه المواد اللى بدرسها فى الاعدادى وكده , و كمان كان عندى مشكلة , هى انى من الاقصر و عاوز ادخل كليه فى القاهرة لان ده حيكون احسن بالنسبة لى لأسباب كتير , كنت عاوز اعرف ايه اعمل فى التنسيق علشان الحكايه دى و كنت محتاج حد يفهمنى لانى عامل زى الاطرش فى الزفة و مش لاقى حد كفئ اساله و علشان كده جيت القسم الرائع ده لانى حاسس ان اللى موجودين كلهم كفائان و اكيد كلامهم حيكون موثوق و موثق , لذا نرجو الافادة .