يوم فى حياتى ....

[hobahoby]

المشاركة الأصلية كتبت بواسطة خالد احمد زكريا

اليوم الثانى
كنا عندنا إمتحان كيمياء شامل فى الدرس و الإمتحان الشامل بيبقى يوم الجمعه الساعه 8 صباحا المهم رحت الإمتحان وحلينا وخلصنا خلاص وطالعين براجع أنا وصحابى بيقولولى " وزعت عنصر الأومنيوم إزاااااااااااااى ؟؟؟ " إستغربت جدا وقولتلهم " ألومنيوم إيه ده كان عايز عنصر الصوديوم " المهم قعدنا نتخانق لا الألومنيوم ، لا الصوديوم " يا جماعه أنا متأكد إنه الصوديوم " قالوا " خلاص لما تروح إسأل المستر ف التليفون " تمام روحت وأول م دخلت من باب الشقه رحت مكلم المستر ع تليفون البيت لأن موبايله كان بايظ وطبعا إحنا مخلصين الإمتحان الساعه 10 وبعدها هو بيعمل إمتحان البنات الساعه 30 : 10 المهم كلمته ع البيت مراته ردت وقالت لسه مجاش ده عنده إمتحانات ف السنتر ، المهم صليت الجمعه وروحت كلمته تانى م أنا بارد بقى قالتلى لسه مجاش من الصلاه ، المهم إتغديت ورحت مكلمه تالت كان نايم راحت مصحياه " يا محمد يا محمد قوم طالب عايز يكلمك " المهم رد عليا بكل قرف طبعا وسألته قالى " لا ده عنصر الالومنيوم إللى كان ف الإمتحان ، هو إنت إسمك إيه ؟؟؟" رديت وقولتله " خالد أحمد إللى ف مجموعه السبت الساعه كذا " طبعا تانى يوم كان عندنا حصه رحت عادى طبعا أول م دخل قال " فين الطالب إللى إسمه خالد أحمد إللى كان بيكلمنى إمبارح ؟؟؟" المهم رفعت إيدى وقولتله " أنا يا مستر " قالى بكل قرف " إنت ي بنى معندكش دم خالص مكلمنى إمبارح 3 مرات وأنا راجع البيت تعبان طول النهار واقف على رجلى ف الإمتحانات بتاعتكم مش قادر تستنى ل تانى يوم يعنى ؟؟؟؟" طبعا كان منظرى زبااااااااااااله وشكلى معفن ووشى جاب 100 لون بس بعد الحصه إعتذرلى قدام صحابى ومن ساعتها عرفنى و ميقوليش إلا " يا خلللللود " ولغايه دلوقتى بكلمه فى المناسبات وعادى خلاص نسى الموضوع ده ، بس كان موقف جامد جدا
وإلى اللقاء فى موقف قادم ، إنتظرونا ....

( 2 )

هههههههههههههههههههههههههههههههههههههههههههههههههه هههههههههههههههههههههههه
مش قادرة انا بدحك بجد و الله

اصل فكرتنى بردو بموقف زى دة تقريبا
و حصلى نفس الموضوع بالضبط و المستر اتريئ عليا و اصحابى من ساعتها فكرنهالى
جامد اليوم دة فى انتظار يوم 3