جبتلكم الحلقه التالته
يارب تعجبكم
ومش عايزه اي حد يزعل مني ابدا
في النهايه كلكم اخواتي في الله
اسيبكم مع الحلقه
ويارب تعجبكم
الحلقه الثالثه
اول ما قولت كده لمحمد بصلي بصه كلها خوف.....فقولته او يمكن مقفلتوش مش فاكر ما انت عارف اخوك كبر والزهايمر بقا وروحت ضاحك
مع اني جوه نفسي واثق ومتاكد اني طفيت النور بس قولتله كده بس عشان ميقلقش ولا حاجه..!
خرجت من الشقه وانا نازل لحد باب العماره تحت لقيت على باب العماره قطه سوده وشكلها وحش بس كان فيها حاجه مميزه(كان حولين عينها اليمين دايره بيضه)
استعذت بالله من الشيطان وققومت خارج من العماره...وطلعت على المسجد جنب بيتنا على طول
وكان قبل ادان العشا...ولقيت الشيخ مفيش غيره في المسجد..قولت كويس ودخلتله وسلمت عليه وصحتك يا شيخنا وكده
وبعدين قعدت احكيله على اللي حصل..:
انا: بس يا شيخ ادي اللي حصل من اول لاخره وانا لسه جاي من عندهم دلوقتي
الشيخ.: يعني هما دخلوا القصر اللي بتقول عليه ده وبعد ما خرجوا بدا ده يحصلهم
انا : ايوه يا شيخ بس مش شرط عشان القصر طب ما انا دخلته مره...محصليش حاجه
الشيخ.: طب يعني هما معملوش اي حاجه جوه القصر خلت الكلام ده يحصل بعد كده
انا قعدت افتكر .... بتهييالي ان هيثم كان قالي انهم عملوا حاجه...افتكرت يا شيخ دا قالي انهم وهما خارجين من اوضه كده ايدهم جت على حاجه تقريبا ايه هيا مش عارف
واتكسرت ... بس
فجاه لقيت الشيخ سرح ومش بقا معايا وقاعد يحرك ايده على دقنه وبيفكر وانا قاعد خلاص قلبي هينط من مكانه
راح فاجاه الشيخ قال.: راصد
انا مفهمتش حاجه ... راصد مين..قعدت ابص حاواليا يمكن بينده على حد بس مفيش غيري انا..فقوله يا شيخ انا محمد
قالي.: انا عارف انا قصدي راصد ده اسم جني.....قولتله نعم(طبعا مصدقتش خالص اسمه ايه هوا انا قولت حاجه اصلا قال اسمه قال)
قالي.: لا مش القصد انا ولا دجال ولا ساحر يا ابني
قولتله : عارف والله بس انا استغربت بس
قالي.: بص دلوقتي لما يبقا فيه مكان مهجور من سنين اكيد بسكنه الجن..قولتله ايوا..قالي.: الجني اللي بيحرس المكان او بيحرس حاجه بيبقا اسمه راصد لقب يعني
قولتله ااااااااااااه ايوا فهمت...يعني يا شيخ اللي بيعمل فيهم كده الراصد ده
قالي بص.: الاماكن المهجوره دي بيسكنها الجن..ومش بيحبوا ان حد يدخل عندهم المكان ولا يقرا قران جوه ولا يكسر ولا ياخد حاجه من جوه فاهمني
قولتله ايوا فهمت..طب والعمل
قالي.: انت اكيد صحابك بيصلوا وبيحفظوا قران وكده صح...قولتله صح,,بس ليه اكيد
قالي لانه لو مش اكيد كان حاصلهم دلوقتي حاجه وحشه..الراصد ده هيفض متربصلهم شويه كده وبعدين هيمشي...بس اهم حاجه انت متدخلش في الموضوع!
انا اول ما سمعت كده استغربت اوي...ليه يا شيخ مدخلش وازاي اصلا ادخل
قالي.: يعنيي متعقدش تسالهم كتير عن اللي بيحصل ولا تروح تقولهم حاجه من اللي قولتهالك دي..عشان متتاذيش انت كمان
قولتله معلش يا شيخ انا مش بخاف غير من ربنا ولازم اطمنهم ان اللي بيحصلهم ده هينتهي قريب
قالي.: براحتك بس حافظ على صلواتيك كويس عشان ربنا يحميك
سلمت على الشيخ وقومت ماشي من عنده الدنيا بتلف بيا...مكنتش اتوقع ان في يوم من الايام ممكن تحصلنا حاجه زي ده ابدا
المهم روحت البيت وروحت مكلم اصحابي في التلفون وحكتلهم على اللي شيخ قالهولي...وطمنتهم
وبعدين اهلي طلبوا مني طلب انزل اجيبه.........قومت لبست
وروحت لباب الشقه واول ما فتحت الباب..
لقيت القطه السوده اللي حوالين عنيها دايره بيضه قاعده قدام الباب وبتبصلي...ساعتها اتاكدة اكتر ان كلام الشيخ صح!!!!!!!!!!!!!!!!!
ادعولي كتير
النتيجه قربت
النهارده بالليل ان شاء الله الحلقه الرابعه
اختكم في الله سندريللا
09-07-2008, 03:00 PM
العرض الشجري
