تفكيرى ولمدة 15 دقيقة بالظبط .. تعبت جدا !!!

[براءة]

علي فكره احيانا كتير جدا ببقي عايز اكتب موضوع زيك كدا وفعلا ببدأ في كتابته بس من كتر ماهو ملخبط مش بعرف اكمله

بص يا عادل
والله نصيحة منى .. اعمله ملخبط عادى
ونزله ومتخافش
اقولك حاجة ؟؟
انا وانا بكتب الموضوع ده فى الاول مكنتش هنزله
ولما نزلته بعدها ب 5 دقايق كان هيحصلى حاجة وعاوزة اشيله باى طريقة
بس الحمد لله دلوقتى مندمتش
عبر عن نفسك و باى طريقة ..
وحتى لو محدش فهم من كلامك حاجة

الشباب كويس اوي يا رحمه ونفسه يتغير مش كله بس لو من كل عشر ولاد ممكن يكون في ستة او سبع اولاد عايزين يتغيروا

بس المشكله في التربيه من الاصل الاهل هما اللي بيحببوا اولادهم في الرسول (صلي الله عليه وسلم) وفي الصحابه (رضوان الله عليهم)
وهما اللي في ايدهم يقللوا من اهتمامهم بالعظماء دول

وبردو الاهل هما اللي في ايدهم انهم يطلعوا الفنانين في السما وهما اللي في ايدهم يحقروهم

بس دا طبعا لحد عمر معين يعني الولد او البنت اول لما يتموا ال16 سنه هو اللي مسئول عن نفسه وهو اللي هيكون ناضج كفايه انه يقدر يحدد هو عايز ايه

بس هنا بردو مسئولية المجتمع انه يوسع افق الولد او البنت

بس للاسف اللي بيحصل هو العكس

اقولك نكتة ؟؟
90 % من الشباب مينفعش يتغيروا غييير اذا كان اللى هيغيرهم بنات
والعكس صحيح
طيب ليه ؟
لان فى السن ده خلاص صعب تانى نشكل الشخصية من جديد
والاهل دورهم بيقتصر ع ما قبل المرحلة دى
وطبعا دى مشكلة
فعلا هم حابين يتغيروا لكن سلبيين
غالبا اللى يحركهم زى ما قلتلك فى اول سطرين
مش عارفة رأيي غريب يمكن بس بجد ده اللى انا شايفاه ! و بجد حاجة غريبة ...

انا متفق تمام معاكي في حاجه زي كدا

انا واحد من الناس لما كنت صغير وبتفرج علي الكارتون وافلام الاطفال كنت الاقي الولاد والبنات بيخرجو مع بعض يقعدوا مع بعض يروحوا بيوت بعض وكنت فاكر ان حاجه زي كدا مفيهاش حاجه لحد لما كبرت شويه وفهمت

ولما كبرت اكتر عرفت موضوع السم في العسل دا

وهنا دور الاهل انهم يمنعوا الاطفال انهم يتفرجوا علي الحاجات دي بس للاسف الاهل ذات نفسهم غايبه عنهم الحته دي

صح يا عادل
اقولك حاجة
زمان والدتى كانت دايما بتتحكم فى جزئية الكارتون دى اوى
اولا لحد اعدادى يمكن كان ممنوع منعا باتا نتابع مسلسلات ،، نشوف افلام ،، نشوف الكاتون لمدة تزيد عن ساعة فى اليوم وكمان تحت اشراف .. لازم قبل ما افتح تسألنى هتشوفى ايه ؟ وتتابع معايا حلقة او 2 وبعد كده تسمحلى انا واخويا بيه
الله يكرمها بجد بس اللى اقصده ان فى اهالى مدركه
وان كنت بجد ببقى متضايقه جدا جدا من التصرفات دى لكن
فعلا والدتى عرفت تربينا الحمد لله ودلوقتى تقبيل ايديها والله قليل عليها

وهي دي الحاجه اللي مضيعانا اننا بننشر غسيلنا اللي مش نضيف قدام الناس

لحد لما الغرب كلهم اخدوا الفكره دي عننا

وربنا يستر من اللي جاي

والله دى حاجة بجد خانقانى
بقينا بنشوه صورتنا بايدينا
وفى النهاية .. طلعنا بايه من الكلام ده يعنى ؟؟؟

بصي يا رحمه في السعوديه الساعه اتنين بليل اشارة المرور بتكون حمرا

والعربيه واقفه لوحدها في الاشاره ومبتكسرهاش

دا لان الناس خلاص التزمت بالنظام ولان في نظام بني ادمين طبيعين نظام ادمي

مش زي عندنا الحكومه تعمل نظام غبي هي ذات نفسها متمشيش عليه

احنا لو عملنا نظام محترم ديتها تلات سنين او اربعه بالكتير علي ما الناس تعود وهتلاقي البلد دي هتتغير بجد

عندك حق
انا والله شفت فى حتة النظام دى عجائب
افتكر عيله اوكرانية كانت مره بتزورنا
المهم كان المعاد الساعة 4
الساعة 4 الا 5 كانوا ع باب البيت
وفضلوا واقفين
واحنا مستغربين جدا؟؟
هما ليه مخبطوش وواقفين ليه
بالظبط 5 دقايق والجرس رن
احنا مفهمناش غير لما سألنا
عرفنا ان احنا اتفقنا ع 4
ومكانش ينفع هم يخلفوا معادهم ففضلوا مستنيين لحد 4 بالظبط ع الباب
!!!!!

عنيا وجعاني اليومين دول يا ترا ايه المشكله؟ عروستي

طيب نستنى عنيك تخف
احنا ورانا حاجة

المشاركة الأصلية كتبت بواسطة dr.zomba

وعليكم السلام ورحمة الله وبركاته

موضوع جميل جدا علي فكره

ونفسي اعمل زيه بس من كتر ما افكاري بتكون مش مترتبه بخاف اكتبه احسن تسيح علي بعض

ما انا قلتلك فى الاول

خد الخطوة وبجد
مش هتندم ..

اشكرك ع تفاعلك مع الموضوع يا عادل