سامحينى يامه سماح ياغزة

[الشاعر/محمد علي]

يا أمى غزه ويا أم الشهيد لا تبكيانى وانتما تشاهدوننى وأنا مسجى بالشارع وبلغى
العرب سلامى وقولى لهم انظرونى وانظروا دمى واحتفلوا بقدوم العام الجديد

سامحينى يامَّه

مقدرتش أمسك نفسى وبكيت
مش م الفراق
لأ
ولا إنى سايبك
لإنى جايلك
والبُكا كان عشان الأرض غاليه
والعدو طايح يقطَّع ف الرَّقابى
العدو طايح بغِّلُه
طايح يقطّع فى الشّجر
يقتل نهار حبنا
الغلى يامَّه
مفروشه غزه أرضنا
من دمنا
ع الرمله يجرى
وانا حلمى صاحى
عمال بيجرى
طاير لفوق
عند القمر
يسرح بعيد
وأحلى عيد عليككى يامَّه
لما يقولولك إنى شهيد
سامحينى يامّه
سامحى بقه
علشان خلاص
دى المشنقه فردت حبالها
واللى جالها هُمَّه هُمَّه
هُمَّه اللى هيموتوا بساحاتنا
هُمَّه اللى هيموتوا بسلاحنا
والسلاح هوه الإيمان
والوطن غالى عليا
سامحينى يامه
لما الصور تطلع أمامك
وانا بتشال بين العيون
جوه عيونك
انا كلكم
أنا منُكُم
أنا ابن غزه
وفلسطين
عرفتى انا مين؟!!

الشاعر محمد على