تعبت بجد.......ياريت تساعدونى

[مانجووووو2]

السلام عليكم و رحمة الله

سورى ان اول مشاركة ليا هتبقى مشكلة عايزة مساعدتكم فيها
بس معلش بقى استحملونى
دلوقتى انا فى مشكلة جامدة جدا
اللى هيا
بتعامل مع الناس باسلوب مش مناسب ليهم
انا ببقى عارفة ان الحد اللى ادامى مش يستاهل
و مع ذلك
بخاف ع شعورهم اوى و بضحى اوى
و ممكن اقبل انى اتظلم ع انى اجرح حد
حتى لو مش قلت انى عملت كذا
انا مش عارفة ليه انا كده
انا بجد تعبت من الدنيا و من الناس كلهم
و بقيت بخاف من الناس كلهم كل الناس

ده بجانب انى حساسة زيادة عن اللزوم
حساسية بتخنقنى
بتخلينى بجد اوقات مش بحب نفسى
بتاثر بحاجات مش تستاهل و ابقى عارفة انها مش تستاهل
بشيل هم الناس يمكن اكتر من ماهم بيشيلوه
ياربى انا بجد مش عارفة اكتب
بس اكيد فى ناس قابلت شخصيات زيى
انا بجد مش بحب كده
و تعبت جداااااااااااا
بقيت حاسة بغربة جامدة جدا فى الدنيا
انا عارفة ان فى ناس هتشوف ان دى يمكن تكون ميزة انى بحس بالناس
بس انا عندى عيب و عيب جامد اوى لان انا حياتى بتتدمر بسبب ده و اعصابى بتتدمر
و المشكلة انى مش عارفة اتغير
مش عارفة اعمل ايه بجد عشان اتغير
ياريت اللى يعرف منكم يساعدنى اكون شاكرة جدا
و بكرر اعتذارى تانى لان اول موضوع ليا كان مشكلة و انا عارفة ان كل واحد مش ناقص مشاكل