|
||||||
| استراحـة المنتـدى منتدى يختص بتبادل الترحيب والتهنئة والتعزية بين الأعضاء |
|
|
أدوات الموضوع | انواع عرض الموضوع |
|
#1
17-01-2009, 12:04 PM
|
||||
|
||||
زيارة لابطالنا من غزة فى معهد ناصر
السلام عليكم ورحمة الله وبركاته
امبارح كان يوم غاية فى الروعة والجمال لانه مكنش يوم روتينى زى اى يوم حاولت اكون ايجابية شوية وبدل اللى بنشوفه فى قناة الاقصى قولت لازم نشارك اخواننا المسلمين افراحهم واحزانهم فسمعت ان مصر جايبة من فلسطين جرحى تعالجهم وقالوا فى معهد ناصر فذهبت انا واختى وزوجها لزيارتهم والله كنت اعتقد فى عصرنا المليئ بالفتن انه لن يوجد غيرنا ولكن خاب ظنى والله افواج من المسلمين ما شاء الله ومعظمهم ملتحييين ومنتقبات وبردوا فى ناس عادية وفى ناس مش متدينة بس جاية تشارك وتطمن على اخواننا فى الاسلام بجد منظر المعهد يفرح القلب وخطر ببالى قول الرسول صلى الله عليه وسلم ان الخير فى امتى الى يوم القيامة او كما قال رسول الله صلى الله عليه وسلم ما شاء الله من كتر عدد المسلمين بقيت اكبر وانا ماشية ربنا يزيد ويبارك وما شاء الله على الاعانات والتبرعات بجد لسه فى خير والخير كتير اووى كمان فمررنا على بعض حجرات جرحى فلسطين ومنها شاب لم يتجاوز 25 من عمره اتقصف عليه شرار من القنابل الفسفورية واصابت قدمه بكسرها وذراعه لكن ما شاء الله صامد وصار وقوله الحمد لله واتكلمنا على اليهود قال والله هم جبناء لولا الطائرات لكنا غلبناهم لكنهم يخافون منا ولا يقدوا ان ينزلوا حتى من الدبابة لاى غرض من الاغراض ويقول انه راى بعينه ان اسرائيلى اذا به يقذف من الدبابة البمبرز علشان ماينزلش من الدبابة ليقضى حاجته جبان وبكينا والله مع هذا البطل على اوضاع فلسطين وغزة وعلى حال المسلمين وولاة الامر ومررنا ايضا على حالة طالب فى الثانوية العامة ما شاء الله لم يتالم من شئ ولكن كل هدفه ان يكمل دراسته الثانوية حتى لو فى مصر وحتى لو زال جرحيا امله ان يتفوق فى الثانوية العامة واتجهنا الى مريم مريم طفلة لم تتجاوز 15 عام كانت مسيحية واسلمت بفضل الله حالتها الصحية صعبة جداا مكنتش بتتكلم اتكلمنا شوية مع مراعيها ودعا لنا بان نصلى فى المسجد الاقصى معهم وايضا مررنا على بطل من ابطالنا لم يتجاوز 25 من عمره لم يبتسم قط ولم ينطق بكلم قط تكلمنا مع راعيه قال لنا انه شاب متزوج قريب جدا مدة زواجه ثلاثة اشهر ولم يبتسم لان امراته لم تتصل به ولا يعرف عن اخبارها اى شئ لمدة اربعة ايام ربنا يفك كربه ويشفيه شفاءا لا يغادره سقما ومررنا ايضا على اخت عمرها تقريبا لا يتجاوز20 عاما ما شاء الله عندها عزيمة جميلة قولنا لها اوصفلنا المعيشة فى غزة عاملة ازاى قالت لنا مفيش مياة ولا كهرباء ولا حتى طعام ولا تعليم ولا اى شئ قولنلها طيب انتوا كنتوا عايشين ازاى من غير طعام ومياة قالت لنا فى ايام مكناش ولا بناكل ولا بنشرب خاللص وفى ايام بنلاقى اللى بيخبط علينا وبيعطى لنا مساعدات والحمد لله عايشين كويس جدا قولنلها طيب اخرجوا جيبوا طعام اى حاجة قالتلنا ممنوع خروج اى حد من بيته تماما الا ابى فقط بيخرج يجيب احتياجتنا كل فترة وشوفنا بردوا جرحى كتيرة بس مش بيقدروا يتكلموا مصابين خالص سالنا عن الاطفال قالولنا جميع الاطفال فى العناية المركزة حالتهم خطيرة جدااا فادعوا لهم بالشفاء من كل سوء وياريت نشاركهم احنا كمان ونروح نزورهم وآسفة على الاطالة وجزاكم الله خيرا
__________________
 ربى أرنى الحق حقا وأرزقنى اتباعه وأرنى الباطل باطلا وارزقنى اجتنابه
|
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 12:28 PM.
