ضع سؤالك هنا ...وباذن الله تجد الاجابة الصحيحة

[الاستاذ محمد سرور]

المشاركة الأصلية كتبت بواسطة nada_mohamed167

عندي سؤالين ارجو حلهم وافضل طريقة للحل
الاول
اوجد قياس الزاوية بين المستقيمين س+3ص+4=0 ، 2س-4ص+7=0


عاشان تحلى السؤال دة لازم تبقى عارفة القوانين دى

الزاوية بين مستقيمن

ظاه = موجب او سالب ( م1 ــ م2 ) / ( 1 + م1 م2 )

حيث ان م1 هى ميل المستقيم الاول ....... و م2 ميل المستقيم الثانى
وتذكرى ان الميل = سالب معامل س / معامل ص

اذا كانت المعادلة = صفر كما فى المثال الموجود

ومنها م1 = ــ 1/3 ........... م2= ــ 2/ ــ4 =1/2.........عوضى فى القانون اللى باللون الاحمر عن قيمة م1 وم2
وبعدها اعملى شيفت ظا للناتج الموجب فقط واضغطى زرار الكومة سيعطى لك الزاوية الاولى
وبعدين اطرحيها من 180 لايجاد الزاوية التانية واضغطى زرار الكومة مرة اخرى لتحصلى على الزاوية بالدرجات والدقائق


ملاحظة : الزاوية بين مستقيمين ليست زاوية واحدة ولكن زاوييتين متكاملتين

الثاني
اوجد معادلة المستقيم المار بالنقطة( - 6 ، 1 ) ويوازي المستقيم س - 2ص = 0

شوفى ما دام معانا نقطة يبقى ناقص لنا نقطة تانية او ميل
وبما قال انه بيوازى المستقيم س ــ 2ص =0
ان فانه يتحدث عن الميل
ومن شرط التوازى فان ميل المستقيم المطلوب = ميل المستقيم المعطى = سالب معامل س / معامل ص
= 1/2

ومعادلة الخط المستقيم بدلالة نقطة وميل بيساوى

( ص ــ ص1 )/ (س ــ س1 )= الميل

( ــ6 ، 1 )
اذن ص ــ 1 / س +6 = 1/2

وبضرب الطرفين فى الوسطين تجدى المعادلة

اطيب الامنيات بالتوفيق

وعلى فكرة انتى محتاجة تدخلى موضوع اللى اسمه رتب افكارك فى ايجاد معادلة الخط المستقيم

حتلاقيه فى اول القسم