هاتوا زير يا ولاد......ماجدولين ماشية وهتريحكوا منها

[د/ ماجدولين]

السلام عليكم
ازيكم عاملين اية؟؟
ان شاء الله تكونوا بخير
بداية أنا مبحبش مواضيع وداااااع اطلااقااااااا
وعمرى ما تخيلت فى يوم انى ممكن أعمل موضوع كدة
بس الظروف هى اللى بتحكم علينا
والغرض من موضوعى ليس اخباركم برحيلى فحسب
فصدقونى أنا ممن يفضلون الرحيل فى صمت......ولا أحب لحظات الوداع
أو اختبار مدى غلاوتى عندكم
لالالالالالالا ياسادة...فالأمر أسمى من هذا بكثير
هى فقط رسائل أوجهها لنفسى أولا ولكم ثانيا
لعل وعسى ان ينفعنا الله بها ويتغير شيئ ما فى هذا المنتدى
___________________________
عالم النت لا يختلف عن عالم الواقع فى شيئ...ما نقولة أو نفعلة علية
بلا شك سوف نُحاسب علية شئنا أم أبينا
فليتق الله كل شخص فينا فيما يفعل أو يكتب هنا
_____________________________
الخصوصية
لو سمحتوا الله يباركلكوا بالله عليكوا......ياريت نحترم خصوصية بعض
فى واحد مش عاوز يقول عن نفسة حاجة أو بيقولها لصحابة ع الميل لأنة مأتمنهم
بلاش ينشروها هنا.......هو لو كان عايز ينشرها ايدة مش مقطوعة يعنى
ممكن يتكتك ع الكيبورد ويكتب بنفسة
وبالذات البنات يا جماعة....لو واحدة بنت كلمتك عشان انتى بنت زيها وقالتلك حاجة بالله عليكى خليها فى سرك...ولو بتكلمى ولاد...دة مش ذنبها...بالله عليكوا احترموا خصوصية بعض يا جماعة
الغيبة والنميمة ع عالم النت أشنع بكتييييييير من الواقع
________________________________
ياريت نحافظ على احترامنا قدام الأعضاء
فى مشكلة بينك وبين عضو أو مشرف بلاش نظام التسييح دة
حاولوا تحلوا المشاكل ع الخاص أو ع الميل
ع الأقل حفاظا ع مظهركوا
الموضوع دة بيحسسنى اننا فى غابة
ببقى خايفة يحصل فيا كدة
من كتر اللى بيتقال مببقاش عارفة مين اللى صح؟؟!!
_____________________________
والأعضاء
بلاش نظام تهديدة النفوس المصرى دة
ونخش نولع...أو احنا نفسنا نختلق خناقات
ثانيا.......حد مش عاجبة المنتدى خلاص بالسلامة
ينسحب فى هدوء.........ويروح للمكان اللى بيرحية فى هدوء وبدون مشاكل لو سمحتوا
_________________________________
حبوا بعض يا جماعة...لية بنقف لبعض ع الواحدة؟؟!!!
لية مش بنسامح ونغفر؟؟!!
لو كل واحد جة على نفسة شوية الدنيا هتمشى
الدنيا مش مساهلة دة كلة يا جماعة والله
___________________________________
كلمة للأعضاء
الحالة اللى وصل ليها المنتدى مش سببها الإدارة بس
حد يقولى الإدراة قالت لحد فيكوا انقلوا اسرار بعض ع الميل؟؟!!
الإدراة قالتلكوا ولعوا خناقات واقفوا لبعض ع الواحدة؟؟!!
اللى بيلوم الإدارة بس غلطان لأنة مش عاوز يشوف الحقيقة
عامل زى الشعب المصرى اللى بيلوم الرئيس و وزرائة ع الحالة السيئة للبلد؟؟!!
فى حين ان الشعب بصمتة وعدم ايجابيتة كمان غلطان

_________________________________
كلمة للإدراة
الإدارة فى اى منتدى هى العقل الحكيم
الذى يحاول أن يجمع بين الأعضاء وينشر روح المحبة والإخاء بينهم
الإدارة بمثابة الأب الذى لا يعاقب ابنة فور ارتكابة الخطأ
الإدراة لابد أن تكون الأب الصبور والمثابر والمُتحمل دوما
__________________________________
ياريت تراجعوا كلامى السابق يا جماعة مشرفين كنتم أم أعضاء
وكل واحد يحاول يغير فى نفسة ولما يقدر يبقى يفكر ازاى هيغير فى غيرة
____________________________________
فى النهاية.......والله العظيم كلامى دة للكل
واللى على راسة بطحة يحسس عليها
عشان محدش يدخل فيا شمال ويقول قصدك عليا
أنا بتكلم بشكل عااااااام والله كمان مرة
ومش مستحملة انى أزعل حد أو أرد علية رد يضايقة قبل ما أمشى
أنا بحترمكوا كلكوا حتى لو اختلفت مع حد فيكوا
ولو زعلت حد فيكوا أنا بعتذرلة مكانش قصدى والله
سامحنى لو سمحت
___________________________
كلمة حق فى حق المنتدى
ع قد ماحرقت دمى ساعات وزعلتنى
ع قد مالقيت فيك بنات زى العسل
بنات جدعة ومحترمة
وهم دول الكنز اللى خدتة من هنا
وبشكر المنتدى علية
البنات دول هيفضلوا ذكرى جمييييييييلة بجد
_________________________
كلمة اخيرها اتبعتلى ع الميل ومش عارفة اذا كانت صح أو غلط

تخيلي حياتك من غير منتدى الثانوية؟؟
راحة...هدوء اعصاب...صدق مع النفس.....تكبير دماغ....اهتمام بالمذاكرة....وفي الاخر....تفوق وثقة في النفس

الكلمة دى فى الفترة الحالية صحيحة فى وجهة نظرى
حاولوا فى يا جماعة مشرفين وأعضاء
انكوا تغيروا الحقيقة دى فى السمتقبل
للأسف مش هقدر أكون معاكوا عشان أغير لأنى عارفة طاقتى وجبت أخرى هنا بجد
فاااااااااائق احتراااااااااامى للجميع

****************************
أنا عملت الموضوع فى العام وليس فى اهداءات

لأن الغرض ليس سماع كلمات الوداع من الأعضاء بقدر ماهو توجية رسالة للأعضاء وفتح مناقشة بينهم لعل وعسى تكون فاتحة خير

د/ ماجدولين