اجمل لقاء فى (( كايرو مول ))

[MoHaMeD ELsHeRbEnY]

السلام عليكم ورحمة الله وبركاتة

ازيكم جميعا

عاملين اية يارب تكونو بخير

ايمنEmoo

رامى روميو

محمد commanda

محمد ELLORD

اننا هنتقابل يوم الخميس الموافق 26 / 2/2009نقضى يوم فى القاهرة ان شاء الله وطبعا كايرو مول دى اخترناها علشان جمب محمد كوماندا مع ان محدش فينا يعرفها اصلابس قلنا هوة هيوديناهههههههههههه

المهم اتفقنا كلنا اننا هنتقابل فى عبود الموقف الى انا هنزل فية يعنى لانى معرفش اى حاجة فى القاهرة ... المهم اتفقنا اننا نتقابل فى عبود الساعة 10.30انا خرجت من بيتنا الساعة 7.30 بالظبط ركبت من دكرنس عبود اتصلت بايمن قبل ما ندخل القاهرة بشويةكان تقريبا شارب ماية ساقعة قبل اما ينام

فى القاهرة ... المهم اتفقنا اننا نتقابل فى عبود الساعة 10.30انا خرجت من بيتنا الساعة 7.30 بالظبط ركبت من دكرنس عبود اتصلت بايمن قبل ما ندخل القاهرة بشويةكان تقريبا شارب ماية ساقعة قبل اما ينام

أيمن: انا عندى سكشن الساعة 12

انا: قوم ياعم قابلنى وهنوصلك لحد الكلية

(وهوة كان عاوز يخلع شكلة كدة ههههههههههههههههه)

أيمن: اوكش 10 دقائق وهكون عندك

انا: ماشى يا بوب

المهم الكلام دة تقريبا الساعة 9.45 دقيقة قلت تمام كدة لما هوصل هيكون هوة وصلوا

انا راكب جمب السواق

السواق: انت رايح فين؟

انا: الهرم

السواق : قالى وهتنزل عبود لية ؟؟

انا : ناس اصحابى هيقابلونى هناك

السواق :وانت جاى من دكرنس للقاهرة علشان تقابل اصحابك

انا: ايوة

السواق: انت عيل فاضى

( هههههههههههههههههههه كان راجل كبير بقى معرفتش اكلمة )

انا : شكرا ياعم الحاج هههههههههههههههههههههه

السواق: قول لصاحبك يقابلك فى رمسيس اقرب ليك من عبود

وانا اصلا بكلم ايمن وبحاول افوق فيةكان ضارب ماية ساقعة فى عز البرد زى ما قولنا ولو قلت لة رمسيس هيتوة اكتر ما هوة تاية فمقلتش وعم الحاج السواق قاعد يقولى قولة قولةهههههههههههههههههههه

لما خلانى اشد فى شعرى المهم وصلت الموقف الساعة 10.15 بالظبط .. اتصلت بصاحبنا ايمن

انا: انت فين ياعم

(على اساس انة وصل من زمان )

ايمن: قالى انا نازل من البيت اهوة ههههههههههههههههههه

انا: بسرعة ياعم يلا ..

أيمن : 10 دقائق بالظبط10

( دقائق دى طول اليوم معلقة صح يا واد منك لة ؟ ههههههههههههههههههه)

المهم فضلت قاعد واتصلت بايمن تانى الساعة 1.45 دقيقة

ايمن:انا فى الموقف انت فين ؟؟

انا: فى موقف دكرنس

ايمن: انا قدام الموقف

(طبعا انا كنت متخيل ايمن دة راجل فى 3 صيدلة طول بعرض بقى قدى مثلا 3 مرات )هههههههههههههههههههه

انا: انت لابس اية ياحبى

أيمن: شايل البالطو

(قعدت ابص على حد شايل بلطو لقيت واحد بس غير الى كنت متوقعة خااااااااااالص ههههههههههههههههههههه المهم قلت اجرب واقول يا ايمن يمكن ؟المهم قلت يا ايمن لقيتة بيبص اتقابلنا بقى سلام وبوس وبتاع )هههههههههههههههههههههه المهم

ايمن : يلا

انا: تعالى نستنى رامى لما يجى

ايمن: اوكش

......

قعدنا نتكلم شوية على السايت وما فية من مشاكل وبتاع وطبعا ايمن دا دماااااااااااااااااااااااااااااغ والله العظيم قالى حاجات انا مكنتش اصلا ممكن افكر فيها المهم قالى كلم رامى

كلمت رامى قالى 10 دقائق وهكون عندك معلش قلت لة اوك كملنا رغى انا وايمن

ايمن : السكشن هيضيع اطلب رامى

طلبت رامى

رامي: معلش ياحبى 10 دقائق وهكون عندك

تقريبا ساعتة كانت واقفة وكل شوية يقولى 10 دقائق الساعة وصلت 11.45 تقريبا

ايمن : اطلب ياعم السكشن هيضيع وفعلا ضاع اتصلت..

انا: اية يارامى انت فين

رامي: 10 دقائق والله

انا: ايمن السكشن بتاعة هيضيع وبتاع

رامي: والنبى ما تمشو والنبى ما تمشو

(بصراحة صعب عليا وقطع قلبى وفشتى كمان هههههههههههههههههههههه وصعب على ايمن )

ايمن: خلاص السكشن ضاع بسبب رامى

...................

المهم 10 دقائق كدة ولقيت رامى جاى سلام وبوس ومش عارف ايةكالعادة هههههههههههههههه وقولنا يلا نتحرك من هنا بقى على فين يا شباب قالو نركب رمسيس طبعا انتم كلكم بتسالو عن محمد كوماندا اعطانا مقلب ومجاش وموبايلة كان مقفول طول اليوم ههههههههههههههههه المهم طلعنا ركبنا رمسيس وركب معانا شوية صعايدة جاين من الجيش رامى وايمن مسكوهم تريقة طول الطريق بقى انا طبعا مفتحتش بقى هههههههههههههههه المهم وصلنا رمسيس وطبعا المفروض اننا هنقضى اليوم فى كايرو مول فى الهرم وقفنا شوية فى رمسيس وقلنا نتصور شوية وبعدين نروح كايرو مول المهم موب رامى فصل شحن وكان يوم رامى من اولة باين ههههههههههههههههههههه قلنا ناجل التصوير لاخر اليوم وهنصور بموبايلى انا هنركب يا رجالة الهرم منين قالو منعرفش رامى راح لعسكرى مرور سالة قالة على المكان رحنا وقفنا مفيش الهرم معدى خالص قام رامى رايح للعسكرى تانى وطبعا العسكرى اتخنق من رامى المهم قالة على مكان تانى رحنا ركبنا على طول الحمد لله بس هننزل فين منعرفش ادينا راكبين وخلاص المهم سالنا راجل قاعد جمبنا قال لنا هقول لكم لما نوصل قلنا الحمد لله اتحلت وطبعا كنت خايف للراجل ينسى يقول لنا

انا: ايمن فكر الراجل ياعم

ايمن :هخبطة دلوقتى افوقة واقولة لسة كتير ولا لا ههههههههههههههههههه

الراجل: لسة شوية

وسالتة انا تانى

الراجل : لسة شوية

(الشوية دول ما بيخلصوش ولا اية)

المهم وصلنا كايرو مول ودخلنا وقعدنا هناك شوية مش فاكر قوى لحد الساعة كام بس تقريبا لحد الساعة 4 او 5 والله منا فاكر الى فاكر منكم يقول بقى المهم خرجنا عاوزين نركب سرفيس ولا كارو حتى مفيش خالص او تقدرو تقولو مكنش فية نية من رامى اننا نركب كان عاوز يتمشى ههههههههههههههههههه المهم فضلنا ماشين كتيييييييييييييييييييييير لحد لما تعبت من كتر المشى والله المهم ركبنا المتروو انا بصراحة اول مرة اركب المترو ههههههههههههههه المهم حطيت التذكرة ونسيت اخدها تانى هههههههههههههههههههههههه

ورامى الى كان ورايا فجابها ليا.. المهم دخلنا المترو ونزلنا على ما اعتقد والله اعلم التحرير باين ... المهم اتصورنا هناك شوية وروحنا نركب مترو تانى علشان ننزل رمسيس ونروح بقى كانت الساعة تقريبا 7 والله اعلم...المهم طبعا انا ورامى شكلنا سوابق وصيع زى ما حضراتكم عارفين هههههههههههههههههههه

اما ايمن راجل محترم طبعا ههههههههههههههههههههههههه المهم الشرطة شاكت فينا فنادو علينا ..

الشرطة : انتم بتشتغلو اية

احنا: طلبة

ايمن قالة صيدلة وانا قلت لة اداب ورامى مش فاكر المهم ساب ايمن لانة شكلة محترم اما احنا سوابق وقال لرامى بطاقتك وليا بطاقتك ودخلنا مكتب كدة وقال لايمن خليك برة وايمن دماغة ناشفة مرداش يخرج ههههههههههههههههههههه المهم طلعنا بطايقنا شافهم وقال لرامى طلع كل الى فى جيوبك وقلبة احلى تقليب وفتشة على اعلى مستوى وقالى انا كمان طلع كل الى فى جيوبك وفتشنى زية

هههههههههههههههههه المهم طبعا ايمن قال الموضوع دة مش هيعدى بالسه لسبنا الحمار ورحنا لمش عارف ايةالمهم لقينا عسكرى غلبان قاعد فى جمب كدة مش قادر يقوم من مكانة يا عينى ورحنا لة قلنا لة عاوزين قائد الحرس الى هنا وبتاع قال لية بس يا جماعة قلنا لة احنا اتفتشنا وبتاع ورامى اخوة ظابط وانا عمى لواء وبتاع وشغل رسم على اعلى مستوى طبعا العسكرى اترعب وقام معانا ودخلنا لامين شرطة كدةالمهم حكينا لة الموقف وبتاع قعد يقول لنا انتم مش هتعلمونا شغلنا ومش عارف اية واول لما رامى قالة انا اخويا ظابط وانا عمى لواء هدى خااااااااااااااااااااااااااالص عالم مبتجيش غير بالعين الحمرا

ههههههههههههههههههه المهم قعد يقول معلش يا رجالة وبتاع وايمن كمان رايح بيقولةاحنا بنستخدم ورق بافرا فى الكلية قالة دى فيها 6 شهور سجن قالة روح ارفع قضية على الصيدلية مش علينا احناههههههههههههههههههههه المهم قعد بقى يثبتو فينا ويقولو احنا مبنشكش غير فى الواد النضيف وبتاع المهم بقى فى الموضوع دة كلة ان رامى طلع على قديمة هههههههههههههههههههههههه صح يا رامى على قديمة يا معلم هههههههههههههههههههههه

المهم مشينا ورحنا اتصورنا فى كذا مكان وكدة وقلنا نروح بقى ركبنا مترو تانى علشان يوصلناونزلنا انا ورامى وسيبنا ايمن علشان يروح هوة كمان

المهم وصلنا عبودملقتش عربيات دكرنس ركبت المنصورة وقلت اركب دكرنس من هناك على طول .. المهم اليوم فى اخرة قلب غم رامى مشى وانا مشيت ووصلنا سندوب لقينا لجنة وقفتنا المهم كان معايا واحد طلعت اعرفة فى العربية وكدة فقالى مطلعش بطاقتك دا حتة امين شرطة وبتاع

المهم مشيت وراة اتارى اصلا هوة معهوش قالى بطاقتك قلت لة مش قصة بطايق النهاردة قالى طيب انزل تعالى يا ظريف وصاحبى كمان نزل معايا وقالى هعلمكم الاستظراف بجدالمهم جيت اتصل بعمى ملقتش رصيد يادى المصيبة هنروح هنتعشى ضرب فى القسم

هههههههههههههههههههه المهم بعت لعمى كلمنى شكرا قام متصل هوة قلت لة كل الى حصل فقالى اعطينى قائد اللجبة يا مغلبنى قلت لامين الشرطة ممكن تكلم حضرتك قالى مبتهددش ومبتكلمش وبتاع فقلت لعمى قالى اللجنة دى منين قلت لة من قسم تانى المنصورة المهم قالى طيب هقفل و3 دقائق وهتنزل وهطلبك تانى قلت لة ماشى بس افتكر معايا واحد صاحبى ههههههههههههههههههه قالى ماشى المهم شوية موب امين الشرطة رن قال فين محمد الشربينى والى معاة قلت لة انا قالى انزل يا ظريف انت وهوة هههههههههههههههههه

المهم نزلنا وهما مشيو وندور على عجلة حتى تقف لينا توصلنا جوة المنصورة مفيش خاااااااااااااااالص المهم اتمشينا لحد لما طلعت عنينا وركبنا من هناك دكرنس ووصلت بيتنا الحمد لله الساعة 1 بالظبط

هههههههههههههههههههه

مش عارف انا نسيت حاجة ولا لا لو نسيت حاجة ايمن ورامى يفكرونااما بالنسبة للصور بقى ان شاء الله باليل او بكرة الصبح هنزلها

فى رعاية الله