محتاجة مساعدة .. مدرسة على اول الطريق !

قطرالندى · #1 07-03-2009, 01:03 PM

السلام عليكم ورحمه الله

تحية طيبة لكل الاساتذة القديرين .. فى هذا المنتدى
انا بحضر دبلومة تربوى والمفروض ان الترم التانى بننزل تدريب ميدانى فى المدارس واكيد حضراتكم مجربين ومريتوا بالموقف دا وبنفس الاحساس

وان شاء الله الخميس اللى جاى المفروض انى اشرح unit 23 .. lesson 2 من منهج الصف الثانى الاعدادى
للطلاب .. لكن بما انها المرة الاولى لى عالاطلاااق انى اقف فى الفصل واشرح .. مش عارفة ازاى
اشرح الوحدة او ادخل فى موضوع الدرس

خاصة ان الموضوع عبارة عن read and answer and conversations
والجزء التانى من الموضوع خاص بجرامر المباشر وغير المباشر

يعنى درس مش سهل

..... دا كله بقي غير القلق والتوتر والرهبه خاصة انها اول مرة

والموجه هيكون موجود وقتها ان شاء الله على حظى وحاسة ان الدنيا كلها هتبوظ

ياريت اى استاذ فاضل يساعدنى ازاى ممكن اشرح درس زى دا ..... ويقولى
ايه المفروض اعمله بالظبط
اتمنى انكم تفيدونى بخبرتكم وتعلمونى مما علمكم الله

والاجــر والثـواب عند الله

اتمنى لكم دوام الصحة والعافية