بيبسي وكوكاكولا دهن حمير ولا خنازير ؟؟ هام جدا

[amr_2010]

ازيكو عاملين ايه يا احلي اعضاء
يارب تكونو بخير

بعيدا عن ان بيبسي وكاكاكولا شركات امريكيه ويهوديه

انا هتكلم عن الهجوم الشديد الي معمول علي بيبسي وكوكاكولا لانهم معمولين من دهن خنازير
ياريت حد يجيبلي دليل علمي موثوق منه انهم معمولين من دهن خنازير
ولو علي كلامكم فعلا معمولين من دهن الخنازير ازاي بلد زي السعوديه الي هي بلد اسلاميه ازاي تسمح بدخولهم البلد
وخلاص هي الناس دي سابت كل حاجه ورايحه تعملهم من دهن الخنازير واصلا دهن الخنزير ميفرقش كتير عن دهن الخروف يعني طعمه وحش وكمان الخنازير اصلا غاليه
والغريب ان الشعب المصري ده بيردد الكلام وخلاص ميعرفش هو جايبه منين ويقولك ده بيقولو وانا سمعت ؟؟ المشكله بقا انت سمعت من مين ومين ده الي قالك
والله حاجه تضحك وتحزن في نفس الوقت

واراهن الناس الي بتقول انهم معمولين من دهن خنازير ان والله اغلبهم بيشربو الحاجات دي وانا واثق

وللناس الي هي بتقاطعهم عشان شركات امريكيه ويهوديه
يعني انت لو حد قالك انا عازمك علي كنتاكي وانت جعان وكنتاكي طبعا ملوش حل هتروح ولا مش هتروح ؟؟؟؟
خلاص يبقا قاطعلي حاجات كتير اوي وكمان قاطع الانسولين لانه دنماركي وخلي الناس الي عندها السكر تموت


وبالنسبه للاستاذ خالد سليمان الي عمل موضوع
عن الطفل الي شرب كوكاكولا وبعدها نعناع ومات
ممكن تقولنا مات ليه ايه هو السبب العلمي الي خلاه مات واشمعنا النعناع مع الكوكاكولا بيموت ؟؟؟
وعلي فكره انا بعمل الحكاية دي كتير اوي والحمد لله سليم
وبالرغم من كده انا هجرب تاني


منتظر ردودكم
واسف للاطاله