" قلة أدب " !!!

[أسيل رزق]

·لما تلاقى بنت ماشيه بميني جيب في الشارع دي قلة أدب

إيه قلة الأدب فى كده ؟؟!! .. يمكن ده مش طبيعى وغير مألوف عند ناس كتير .. و الإسلام محرمه .. لكن مش معنى كده إنها قلة أدب .. ممكن تكون بنت فى قمة الاحترام والاخلاق لكن بيئتها وعاداتها و حياتها كده .. و ربنا يهدى الجميع

·لما تلاقى طالب جامعي بيشرب سيجارة في المدرج دي قلة أدب

و قلة ذوق .. ووقاحة ..

·لما تلاقى طالبة جامعية قاعدة في المدرج بتحط مكياج وميك اب دي قلة أدب

لا بقى .. مش قلة أدب و بس .. دى قلة ذوق كمان

·لما تبقى في وسيلة مواصلات وانتا شاب قاعد وواحد كبير في السن واقف وتسيبه واقف دي قلة أدب

لا دى برده قلة ذوق .. الله أعلم يمكن الشاب ده تعبان أكتر من الراجل الكبير ولو مش تعبان فا ده حقه و ذوق منه إنه يقوم لكن لو ماقمش ماتبقاش قلة أدب أبداً

·لما تلاقى الرياضي ماشى في الشارع والناس بضحك عليه دي قلة أدب

هو كله قلة أدب .. دا جهل مش قلة أدب

·لما تنزل الجامعة وتقعد على الكافيتيريا وتسيب محاضراتك دي قلة أدب

إيه قلة الأدب فى كده ؟؟ .. دا فشل لكن مش قلة أدب و على فكرة مش كل اللى بيعملوا كده فشلة كمان .. لان أغلبهم لما بيلاقوا المحاضرات مش مفيدة بالنسبة ليهم بيقضوا وقتهم يا إما يمشوا يا إما يقعدوا مع أصحابهم فى الجامعة .. و أنا واحدة من دول .. المواد اللى بتخنق منها ومش بفهم منها حاجة مش بدخل محاضراتها والحمد لله بجيب فيها تقدير لما بذاكرها بنفسى ..بس مش معنى كده إن الواحد داخل الجامعة علشان الكافيتريا وقالبها نادى .. فى الحالة دى يبقى يستاهل اللى هيجراله آخر السنة

شكراً على الموضوع