" قلة أدب " !!!

[أسيل رزق]

أنا ماكنتش عايزة أرد علشان عارفة إن دمى بقى تقيل على الموضوع
هتكلم على نفس النقطة بتاعتى
أنا لما قلت نقيم عليها الحد دا كان مجرد استغراب لكلامكم
كل واحد قال اه والله قلة أدب و استغفر الله العظيم وربنا يهدى و اللى قال وقاحة ومش عارفة ايه
و لما سألت عن الحل محدش إتكلم إلا الأخت عاشقة الموج
أنا اللى عايزه أوصله للجميع إن بنت زى اللى اتكلمتوا عليها دى سمعت إن الناس بيقولوا عليها قليلة الادب ومش محترمة والناس بتبصلها بطريقة وحشة و بتتعاكس إلخ
تفتكروا هى كده هتتكسف وهتقول البس محترم .. حتى لو لبست محترم مش هيكون التغيير علشان هى تبقى محترمة لكن علشان ماتسمعش كلمة قليلة الأدب يعنى تغيير سطحى و لعلم الجميع البنات من النوعية دى لما بيسمعوا كلمة وحشة عليهم بيعندوا أكتر لانهم مقتنعين إن ده الصح ..يعنى لو واحد مسلم سمع كلمة عن الاسلام وحشة مش هيضايق و يصلى أكتر ويستغفر بنا أكتر هى نفس الحكاية مقتنعة إن ده الصح يبقى هتتحدا كلام الكل .. هل بقى دى الطريقة الصح علشان نصلح الناس؟؟؟
و ماينفعش نقول إنك لا تهدى من تحب ولكن الله يهدى من يشاء .. طبعاً ربنا يهدى من يشاء اللهم لا إعتراض بس مش معنى كده إنى مانصحهاش للصح ولا إنى أقول عليها قليلة الأدب .. مش من حقى أصلاً إنى أقول عليها كده .. ياما فى محجبات و محتشمات و مش محترمين إشمعنى دول مانقلش عليهم لفظ "قلة أدب"
مش هتناقش تانى فى الموضوع .. علشان بقيت سخيفة جداً فيه

ربنا يهدى الجميع